أضف سؤال أو موضوع جديد          

لمبة الزيت اشتغلت وطفت

up 8 down 2
musclefreak 355
قبل 10 سنه



السلام عليكم...انا صارلي فترة متابع للمنتدى وهذه اول مشاركة لي... الموضوع وباختصار ياجماعة الخير اليوم الصباح شغلت الموتر... وأنا جالس احميه ولا لمبة الزيت تولع...وقلت لنفسي مو وقتها من الصبح وعندي دوام...بعدين طلعت من السيارة ابي اشيك من تحت يمكن في تهريب زيت او شي..طبعا ما لقيت شي الحمدلله....الغريب اني لما دخلت السيارة اللمبة كانت مطفية وماعاد اشتغلت مرة ثانية....الصراحة انا متشوش من الموضوع لأن اول مرة السيارة تسوي كذة....احد يعرف ايش السبب؟؟ أو اذا هو شي عادي او بدايات لمشكله لاقدر الله؟؟ أتمنى تفيدوني ياشباب مع الشكر..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا كان الريس نازل ممكن تسوي الحركة هذي




عموما هذي اللمبة خاصة بطرمبة الزيت


up 3 down 1
ssulltan 1509
قبل 10 سنه



طيب شيك على الزيت يمكن يكون ناقص


up 2 down 1



ممكن يكون في ضعف في طرمبة الزيت ماتدفع الزيت او سيفون الزيت تجاري


up 5 down 1
خالد2001 922
قبل 10 سنه



او يمكن السيفون ما تركب الزيت خاصة اذا انك توك غيرته شيك على كل شيء افضل لك


up 2 down 2



غير الزيت وريح راسك ويمكن حساس


up 2 down 2
المسعف خالد 1145
قبل 10 سنه



اشكر الجميع على التفاعل.... بالنسبة للزيت اناصالري فترة مغيره بس لسى ماجا وقته والقطع الحمدلله مافي شي تجاري... بس ان شاء الله بشيك على الزيت اليوم....بالنسبة للأخ ssultan ايش قصدك بالريس؟


up 1 down 1
musclefreak 355
قبل 10 سنه



الريس هو الي هو ضغط المكينة الي يجي في الطبلون ارقام من 1الى 7 او 8 و مكتوب عندها rpm


up 1 down 0
ssulltan 1509
قبل 10 سنه



اشكر الجميع مرة ثانية ومشكور يا ssultan وصلت الفكرة....وبالنسبة للي يوزع ديسلايكات لي وللجميع هنا...ترا والله هذا اول موضوع لي بالمنتدى وماقد تمشكلت مع احد! الله يسامحك :)


up 2 down 0
musclefreak 355
قبل 10 سنه



طبعا يا

musclefreak انا ما اقصد في ردي تروح نغير طرمبة الزيت


المقصود ان المشكلة متعلقة بطرمبة الزيت


يمكن يكون حساس يمكن يكون نقص في الزيت يمكن كمبيوتر السيارة علق و اعطاك هذي العلامة و بعدين رجع اوكية يمكن الريس نازل شوية خصوصا اذا السيارة قديمة


و احسن حاجة زي ما قالوا الشباب غير الزيت مع السيفون اصلي و تتيسر امورك ان شاء الله


up 2 down 0
ssulltan 1509
قبل 10 سنه



ان شاء الله اليوم بشوف اذا طلعت مرة ثالنية...بغير زيت وسيفون سريع سريع وان شاء الله خير...ماقصرت...طبعا لايك للجميع


up 1 down 0
musclefreak 355
قبل 10 سنه



اخوي الحق على موتررك وشك عالزيت يمكن يبيبله تغيير

انا كانت تطلع عندي وتروح قلت يمكن الحساس ولا شي ثاني دامها تروووح وتجي الين ماقدر الله وخبطت المكينه


up 2 down 0
ali alfaqeeh 441 1119
قبل 10 سنه



ياساتر!! الله يعوضك بأحسن منه ان شاء الله

والله اليوم فرفرت بالموتر شوي واخذت لي كم لفه فيه وخشيت فزحمة العليا >>> طبعا اليوم اربعا
والحمدلله والشكر ما طلع شي .. ان شاء الله بكرة بشيك على مستوى الزيت


up 0 down 0
musclefreak 355
قبل 10 سنه



الحق وشيك عالزيت وشفه يمكن يكون محروووق يبيله تغيير 


up 1 down 0
ali alfaqeeh 441 1119
قبل 10 سنه



والله اللمبة صارت تطلع كل ما اشغل السيارة....شيكت على الزيت وفعلا طلع ناقص وصار له 4000 كيلو وانا كنت ناسي....غيرت زيت وسيفون والحمدلله راحت المشكلة.


up 0 down 0
musclefreak 355
قبل 10 سنه



اخوي انا حصلتي تلع وتروح لمبة الزيت ورحت لماكانيكي وقلي غير زيت وسيفون وتروح غيرت ماراحت ورجعتلة قلي قير طربة الزيت نصيحتي روح لمكانيكي شاطرواذقلك قيرها لاتتاخر حتى لاتروح عليك المكينة لاقدر الله 


up 1 down 0
mystro 61
قبل 10 سنه



شف ياطيب انت شكلك لك فتره ماغيرت الزيت لان عندنا جيب ولعت لمبه الزيت فيه غيرنا له زيت وسيفون
على طول راحت العلامه وعادتن يرافق لمبه الزيت صوت طقطقه من المكينه عشان فيه احتاك بسبب
ان الزيت معدوم ابا بالشي البسيط غير زيت اما اذا ما نفع عاد الله يعينك وقتها 


up 0 down 0
عبدالكريم مبارك 117
قبل 8 سنه و 11 شهر