أضف سؤال أو موضوع جديد          

نقاش بخصوص قطع الغيار والخروج بالفائدة للجميع

up 5 down 0
موووت احبك 1622
قبل 6 سنه و 3 شهر



السلام عليكم ورحمته الله وبركاته

اسعد الله صباحكم في هالبرد اللي حاشر الجميع الله يعيينا وياكم

اليوم في بالي نقاش بخصوص قطع الغيار ونستفيد ونفيد غيرنا بدال ماحنا جالسين بالساعات هواش ومشاكل بالمنتدى اللي مالها اول ولا  اخر

الكثير منا احتاج قطع غيار لسيارته او اي جهاز وجلس يلف ويدور وسط المحلات ويتفاجى  بالاسعار الخياليه والارتفاع الغير مبرر من التجار حسبي الله عليهم  
واحيانا مايحصل القطعه هذي ولازم يطلبها وزيادة اسعار وانتظار طويل  وكلنا عارفين ان اسعار القطع الغيار برا رخيصة ويمكن توصل لنص الاسعار اللي عندنا 
 ليش مانناقش كيف نشتري القطع بانفسنا ونوفر علينا الفرق احيانا مايكون سهل  بعضنا يعرف الطريقة للطلب من الخارج وبعضنا غشيم يحسبها صعبه
طبعا من خبرتي انا اللي اعرفه فية موقعين وتحصل القطع متوفرة واسعار حلوة  مثل موقع امازون amazon وموقع ebay 
من خلال تجربتي كانت اول الخطوات استخراج بطاقه فيزاء تسوق من الراجحي وقررت التجربه  وطلبت اجهزة الكترونيه من مواقع ثانية وكانت التجربه ممتازة واسهل مماتصورت 

اتمنى تشاركوني النقاش وكل واحد  يعرف موقع ممتاز لقطع الغيار يفيدنا فيه حتى الكل يستفيد لان مافيه موضوع بالمنتدى يتكلم بخصوص الشراء من الخارج 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


المشكلة الواحد بعض الاحيان يكون مظطر ياخذ القطعة وباي سعر لان فيه قطع تخرب فجأه ولاتقدر تصبر عليها لكن فيه قطع يمكن الواحد يمشي حاله معها لين توصل القطعة المطلوبة
موضوع قيم تشكر عليه وانا استغرب من الاعضاء عدم مناقشة الموضوع


up 5 down 0
أأبو نوااف 1641
قبل 6 سنه و 3 شهر



تسلم على الموضوع أخوي واحد من الحلول البحث عن قطع غيار بديله عن الوكيل وتكون جودتها مماثله للوكاله أنا أكثر السيارات 

اللي مرت علي من تويوتا ونيسان وهي سيارات شعبيه ولها قطع غيار في الوكاله ولها قطع غيار أرخص من الوكاله بكثير ونفس الجوده

توجد في المحلات وصناعتها يابانيه والأمريكي موجود له بديل صناعه مكسيكي وجودته عاليه وأقل من سعر الأمريكي 

وبالنسبه لطلب قطع الغيار عبر النت هذي اللي ماأعرفه وياليت فيه أحد يعرفنا بها وإجراءاتها لكي نستفيد


up 2 down 0
ابــو ســنــد 10635
قبل 6 سنه و 3 شهر



الشراء من النت وسيلة سهلة وغالبا تكون ارخص من المحلات الي عندنا لكن المشكلة اذا عندك خراب طارئ والسيارة ماتمشي ماتقدر تعتمد على النت لانها بتاخذ وقت حتى توصل لعندك ممكن حتى 20 يوم



up 2 down 0
al_hayek2001 179
قبل 6 سنه و 3 شهر



مشكله التاجر في البلد ماخذ راحته والعيب ماهوب من الدوله العيب من المسولين اللي وكلتهم الدوله على امنات الناس ...ولو فتح المجال للمستثمر الاجنبي .. كلو هوا ربعنا ..ونزل سعر سلعته غصب عن غاربه...واكبر دليل شف لما تروح للوكال تطلب اصلاحات من حقك انت كعميل يرفض واذا رسلت الشركه صلحها غصب عنه ... وعسى الله يصلح الحال انا عني فقدت الثقه وكاملها في تجار السعوديه وابي الاجنبي حتى ولو هو كافر .. على الاقل عنده وفا بوعوده


up 2 down 2
oo8m8oo 202
قبل 6 سنه و 3 شهر



احيانا قطع تزويد السيارات مالها وجود عندنا بالسعودية بس يحصلها برا وبكميات كبيرة
وصدقتم احيانا الواحد تخرب القطعه فجاه فيضطر يغيرها بسرعه
بس فيه احيانا قطعه مثل الاكسسورات او قطع في الديكور مايحصلها الا برا

بعطيكم مثال شمعه الفورد الاصليه اذكرها زمان كانت ب 800 ريال الا صليه الحين اتوقع ارتفعت وكان سعرها بالخارج تكلفك 380 ريال مع الشحن يعني اقل من نص سعرها هنا قبل فتره كنتا محتاج الازرار الطقم قزاز كهرباء مالقيت الا بالوكاله وسعرها 1500 ريال وحصلتها برا 80 دولار

لكن انصح اي واحد يشتري من برا يحرص ان الموقع يدعم خدمة paypal وهي خدمة تضمن فلوسك وتضمن البائع يعني لو جاتك القطعه وكانت مختلفه عن الوصف او الطلب اللي طلبته تسترد فلوسك والبائع تكفل بارجاعها على حسابه


up 0 down 0
موووت احبك 1622
قبل 6 سنه و 3 شهر



والله انك صادق خصوصا القطع الغالية والمهمة وتستاهل ان الواحد ينتظر تخيل عندك فكتوريا موديل 98وتجدد مكينته وقيره بالكامل (جديد)كم بيكلفك من امريكا وكم بيكلفك هنا!! علما ان الشحن البحري لمثل هالقطع رخيص جدا


up 1 down 0
ابوعبدالمحسن123 532
قبل 6 سنه و 3 شهر



صادق بس وين اللي بينتظر يطلب القطع   وفائدة حلوة توي اعرفها ان الشحن البحري رخيص بس وش الشركات اللي ممكن نشحن من خلالها


up 0 down 0
موووت احبك 1622
قبل 6 سنه و 3 شهر