افضل محل وزن اذرعه في الرياض
2
1
إضغط هنا للإخفاء
مساكم الله بالخير حبايبي اعضاء هذا المنتدى
انا بادخل في الموضوع
سيارتي فيها حذفيه ومسحيه في الكفرات
وتوي مغير كفرات امامية بحدود 1500 ريال
ورحت ابغى اوزن وناس قالوا لي مافيه مثل العضيب
ورحت له وقالي كشف ب 100 ريال وكشفت على السياره لان المسحيه اماميه وخلفيه
وبعد الكشف طلع لي قائمه طويله يقول يبغى لك كبس مساعدات وسحب كفر وشغلات ثانيه نسيتها والله
وفي الاخير قالي الحساب 2350 ريال وبصراحه انا انصدمت لان المبلغ مره كبير والسياره جديده وما اخبر فيها الا المسحيه بس ولله الحمد
طبعا السياره ماكسيما 2010 حسيت انهم نصابين وطلعت من عنده
وقلت مالي الا اعضاء هذا المنتدى الغالي يفيدوني خصوصا اهل الرياض لان ماني من الرياض انا جاي عندي شغل هنا وراجع فتكفون يا عيال الرياض
دلوني على محل يوزن الكفرات وزن ممتاز لاني مسافر بعد يومين ان شاء الله واعطوني اقتراحاتكم واسأل الله ان يكتب لكم الاجر
واعذروني على الاطالة
وان شاء الله استفيد ويستفيد غيري من اقتراحاتكم
إبلاغ
الردود
على قلة سنع حاسوا سيارتي وهي مافيها شي لكن رجعت لهم وأخذت ريال ينطح ريال بالقوووه
نصب وغلا والمشكله الناس مآخذه مقلب علشان اللوحات اللي حاطه مآخذ كم شارع العضيب العضيب وعبدالحكيم وماادري وخررراااط فاضي نصب عيني عينك
0
0
قبل 4 سنه و شهر