أضف سؤال أو موضوع جديد          

تعيش وتاكل غيرها - قصة احد اعضاء الموقع مع الشريطية -

up 20 down 6
YASSER505 4167
قبل 6 سنه و 3 شهر



السلام عليكم ,,


يا اخوان هذي قصة احد الاخوة اعضاء الموقع ما ادري هو مسجل معانا بالمنتدى ولا لا بس ان القصة للحين اتذكرها وانا نفسي منغبن كيف هو ,,


القصة ومافيها ,


شخص على قد حاله معه سيارة صغيرة .. ومتزوج وعنده عائلة

والسياره مو مكفيتهم ,,


وقرر انه يجمع قيمة جمس بالاضافة لقيمة سيارته الصغيره

المهم ,,,

خوينا ضل يجمع ويجمع " على كلامه انه نقص مصروف البيت ومصروف الاولاد عشان يجمع للجمس "


والمهم طلع معاه مبلغ كويس وراح المعارض

والمسكين ماكان يعرف افاعي الشريطية القذرة كيف منتشره ,, وحصل الجمس اللي يبغاه واتفقوا عالبيع |" بدون فحص لان الرجال على نياته "

المهم الرجال شرا السياره وشوي شوي انوااااااااااااع الاصوات والطقطقه طلعت له والسياره طلعت مرشرشه من كل جهه وتطفي وفيها مشاكل واااجد


اتصل عالشريطي عشان يسأله ايش القصة


كانت اجابة الخسيس الواطي : " تعيش وتاكل غيرها " وقفل الخط .

المهم الرجال على قوله يقول انه جته صدمه طرحته بالفراش لان السياره ما تسوى ربع المبلغ اللي دفعه . وعلى كلامه بالردود ان ربي عوضه بسيارة افضل ولكن للآن ماسامح الشريطي النذل ...



عالعموووم


القصة ومافيها ,,


لو يجي مين ما كان افحص وراه باي مركز فحص تختاره انت ... تختااااااااره انت ... لان محلات الفحص اللي بالمعارض يعرفون الشريطية ويغطون لك على عيوب السياره...


والله يوفق الجميع ويحميهم من الشريطية الانذال وشكراً جزيلاً










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم

المسلمين على شروطهم
الفحص أهم شي
وأشرط على اي بائع إذا طلعت بالسيارة عيوب أخفاها يتحمل الفحص والمشتري له الخيار يتمم البيعة أو يرفضها.
إذا رفض هذا دليل أنه فيه شي مخفيه..

وحسب العيوب الي أنت ترضاها
البعض يبي سيارة نظيفة بيستخدم ويبيع متى ما تهيأت له سيارة أفضل يهمه البدي
والبعض يبي سيارة للأستخدام الطويل يهمه متحركاتها والكهرباء سليمه والبدي ما عنده مشكلة بيعطيها سواق بيجب فيها العيد أكثر من أول أو لولد توه متعلم السواقة.

والأفضل تسأل عن الي يهمك وتأخذ الجواب
وتشرط عليه ماسبق وذكرته
إذا طلع في السيارة شي مخفيه فهذا من الغش ويحق لك تتراجع عن الشراء

لأن الغالبية مؤمنين بعبارة أفحص بمبلغ 500 أو ألف ريال ولا أشتري سيارة بمبلغ 50 او 100 الف ويطلع فيها عيب.
ومن قال لك أنك مجبور تدفع أصلا على الفحص!! لو نترك البائعين الي يرفضون الفحص كان رضوا غصب عنهم بتحمل قيمة الفحص إذا طلع بالسيارة عيب لم يذكر.

ويفضل تسجل التفاوض مع البائع بالجوال, حط الجوال في جيبك الفوقي وخل المايك فوق وخذ واعطي معه والافضل تسأله بالبداية الاسم الكريم أو ابو من؟ من شان تثبتها في التسجيل.

الحمد لله شريت بيت وسجلت الكلام الي دار بيني وبين صاحب المكتب والمالك وطلعت بملاحظات كثيرة وحجيتهم بأشياء كثيرة بدون يدرون اني كنت اسجل على بالهم عندي ذاكرة خارقة ما يدرون إني ارجع للتسجيل واحجهم بكلامهم.

خذوها نصية من مجرب يا أخوان
السيارات والعقارات أنتبه لنفسك ولا تكون مغفل
المال يجي ويروح والحساب باليوم الآخر لكن الغبنة تبقى معك طول عمرك.
إذا طلعت من بيتك إقرأ دعاء الخروج من المنزل وأقرأ وردك وصدقني مراح يضرك شي إلا بأذن الله.

تحيتي..


up 1 down 0
خ.الد 98
قبل 4 سنه و 7 شهر



ناصر الأحمري من الي يقدر يطلع سيارة أصفار ويقول: لا. ثم ماهي السيارة التي تقدر تدقها أصفار؟ صني أو أكسنت أو كيا؟ لا تنظر للناس بعين مستواك إذا الله منعم عليك البعض عشاء ضيف ب 1800 ريال يهز ميزانيته.


up 0 down 0
k_s_m_h 24
قبل 3 سنه و 6 شهر