أضف سؤال أو موضوع جديد          

سيارات البرحة سكر في ماء

up 13 down 1
histyria 572
قبل 8 سنه و 2 شهر



السلام عليكم ورحمة الله وبركاته

كيفكم ان شاء الله تمام

يالغالين حبيت انبهكم بخصوص سيارات البرحة او اللي نسميها على الميكروفون للأمانه تراها سكر في في ماء بالعربي حظك نصيبك

امس شرينا لومينا 2006 SS لأخوي الموتر واقف 3 ساعات شغال ومافيه احلى منه وعينا كانت عليه المهم زاودنا بالسعر اخر الحراج واخذناها بـ 16500 حراج ودلاله صاحب السيارة اخو صاحب معرض المطيري اللي على شارع عبدالرحمن بن عوف ما اقول غير الله لايحللهم ولا يبيحهم

الزبدة : الموتر بعد مانقلناه ماشي كويس اليوم الثاني لما شغلناه طلع صوت بالمكينة رحنا للورش ما اتفقوا على شي قلت لأخوي ارجع للديرة وان شاء الله مافيه شي الرجال مسك الخط على 140 وبعد 250 كيلو كلمني يقول الموتر خبط وش السالفه قال والله خبط والزيت يصب من تحت سحبناه سطحه ولما طلعنا المكينة لقينا المكينة طالع مخها والبستم مع جنبها وصاحب المعرض وماعاد لنا حجة عليه واليوم شرينا مكينة 6500 من تشليح الحاير مع التركيب وضمان شهر

ما اقول غير الا جعلها تنقلب رصاص وتصب في اذنه يوم القيامة اللي يستبيح حلال الناس بالباطل

تكفون ياشباب تكفون سيارات المكرفون بعد ماتدفعون الدلاله وقبل لاتكمل المبلغ ودها الفحص انت بنفسك لاتخليهم يودونها هم لانهم متعاملين مع مع اصحاب الفحص والله يحفظكم من عيال الحرام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


معروفة سيارات المكرفون كذا ، الله يهديكم ليه تشترون منهم !

والسعر واضح يالغالي ! اجل ١٦ الف بلومينا و ss بعَد !

الله يعينكم 


up 11 down 0
TA CARS 854
قبل 8 سنه و 2 شهر



والله لو انا  صاحي اشري سياره من الي يحرجون بسوق الحراج لائنهم يحلفون ويبعون ذمتهم عشان كم ريال وهالشي معروف يعني لاقالك مافيه بتصدقه


المهم معوض خير ان شاءلله


up 2 down 0
ابواحمد2090 1522
قبل 8 سنه و 2 شهر



لو وما لو..,.. خلاص ماينفع
الله يعوض عليك ومعروف سيارات المكرفون راعيها يبي الفكه بس



up 5 down 0
م.بن عبدالله 2027
قبل 8 سنه و 2 شهر



@# هئ والله ماشفت شي ياحبيبي



..................................................


up 0 down 0
feroo li 1816
قبل 8 سنه و 2 شهر



حتى لو شريت السيارة من تحت المكرفون و عربنت ما تفحص السيارة لأن المعرض يحجز السيارة لين تكمل المبلغ او تترك السيارة ويروح عليك العربون


up 5 down 0
ssulltan 1509
قبل 8 سنه و 2 شهر



والله ياعيال اخوي تمسك في السيارة حاولت فيه وعلمته رفض الله يهدية والحمد لله على كل حال

وياسلطان المقصد يالغالي انه يتفق مع صاحب السيارة على المبلغ النهائي وبعد مايفحصون بيبان في وجه الزبون هل موترة نظيف او لاااا

الحمد لله على كل حال

تم توزيع لايكات لكم تستاهلون


up 3 down 2
histyria 572
قبل 8 سنه و 2 شهر



ابراهيم التركي للأمانه لا ارحب فيك في مواضيعي فأنت مثل المرأه العوباء تسير دائماً عكس السير لاحظتها فيك كثيراً بالمنتدى تبي تفرض رأيك في كل شي

رجاءَ اترك مواضيعي غير مأسوف عليك

والحمد لله لنا باع طويل في السيارات ونعرفها ولكن اساليب وطرق الغش تنوعت والكثير تظلموا من الشريطية لابارك الله فيهم وفي من ساندهم


up 7 down 5
histyria 572
قبل 8 سنه و 2 شهر



انا اشوف احسن حل عشان تشتري من الحراج انك تحضر المزاد ( الحراج) ولا تزايد و لا شيء بس قلب السيارة واترك الشريطية يزاودون

اذا ما انباعت السيارة الحق راعيها برا المعرض

وزده عن الحراج الف الفين حسب قيمة السيارة


وقوله ابغا افحص



افحص السيارة بنفسك و الورش والمراكز الخاصة في الفحص


اذا طلعت لسيارة اوكية توكل على الله


وبعدين دوروا لكم اي معرض وسووا المكاتبه




up 4 down 0
ssulltan 1509
قبل 8 سنه و 2 شهر



بارك الله فيك اخوي سلطان على النصيحة

الحمد لله سياراتنا يالغالي مستمسكين فيها ولا لو نبي نفلتها مثل الناس كان ماردنا عن بطل الدروب او اللكزس شي بس تعرف ياخوك العمار قاعدين نفكر فيه والبيت اهم من السيارة

والحمد لله الموتر وشريناه والمكينة وبنركبها والله يكتب اللي فيه خير والعوض على الله


up 2 down 1
histyria 572
قبل 8 سنه و 2 شهر



السيارات  تحت المكرفون   يعني انت عم تشتري كوم حديد    يعني حديد بل الكيلو  
3 مرات اخي شرى من تحت المكرفون    اول مرة جيب شيروكي   كان شغال   وقت  نقلنا الملكية  وحت انا لاستلمه  
طلع المفتاح  خربان   ومشيت فيه  وقفل الدركسون  معى وانا  على خريص    وانا  عم اتجاوز سيارة   
الله لا يوريكم   شلون وقفت  السيارة  ما  اعرف كيف  وقفتها   والله   وقفت  بقدرة  قادر  
السيارة الثاني   ابيكا    روايح الكربون   واصلة   لكوكب المريخ    من كثر  ريحة الكربون يلي فيها  اخذناه للمستشفى اسعاف  
وصل الرجال على المستشفى  مكربن   ومصطوم  صطم     التهاب  شعب هوائية  حاد  مع  دوخة  ونقص  اكسجين  بل الجسم 
السيارة الثالثة  هوندا  اكورد  
بعد ما استلمها   طلع فيها   نمرة الريوس  ما فيه  يعني يحط ريوس ما ترجع  ومن كثر التفحيط  كانو مفحطين فيها لين لاعنين  والدينها  
 
يبغالها   عشفة كاملة من تحت  جميع المحركات  التعليق   والجير  رايح فيها   
هذه هو المكرفون   كووووووم حديد  



up 6 down 0
abd_alrhmn 2352
قبل 8 سنه و 2 شهر



اختصرت الكلام اخوي عبدالرحمن اللي حبيت اوصله كذلك استفدنا من تجربتك يالغالي

لك احلى لايك


up 2 down 0
histyria 572
قبل 8 سنه و 2 شهر












اعانك الله يا اخ


histyria



انا ما اقصد الومك و الا اقول لو و لو


موضوعك خلاص انتهى ويمكن فيها خيره و تتوفقون في السيارة



انا بس حبيت اشارك في الموضوع عشان الكل يستفيد


واعانك و وفقك الله


up 1 down 0
ssulltan 1509
قبل 8 سنه و 2 شهر



لا حشى ياسلطان انت اخوي ومافكرت باللي انت قلته واني فكرت انك تلومني لا حرام عليك يالغالي انت اخو ولك حق انك تنصح اخوك مافيها شي وكذلك تلومة لو فيه شي غلط ومثل ما انت قلت الموضوع طاف وانا ماكتبت الا للتنبية لا اكثر


up 0 down 0
histyria 572
قبل 8 سنه و 2 شهر



ssulltan
اهلين ياغالي فكرتك جداً صحيحه تذكرت سالفه قديمه وقتها كنت ابي سياره ولقيت معرض قريب من بيتنا وتجيه صيدات ويجه كابريس 2006 ال تي زد فل كامل الموتر ماشالله تبارك الرحمن موتر يسوى 40 بالراحه وشفت الموتر قبل ينزل المكرفون وقلبت فيه واتصلت على اخوي وكل شي اوكي ويوم فتحو سومه مكرفونه وصل 25 الف ورفض البيع وحدينا الرجال و وتواصلنا معه وفهمناه ان حنا نبي نشتري ومايهمنا اللي صار بالمكرفون وعطيناه 35 وفحصنا وتوكلنا بعدها بكم شهر الموتر جايب لي 40 باالراحه ورفضت



up 2 down 0
شكلين مابحكي 3160
قبل 8 سنه و 2 شهر



والله ابقولك ششي ترى النظيف يسوى اكثر من 25 بس انتم مع المكينه طلعت ب24 لاباس فيها
لك خذ مني نصيحه غيرو المكينه وبيعوها على طول لان الومينا والssبالذات خراباته كثيره شف خذ لك  هوندا سيفيك 2006 او 2007 
ا


up 3 down 0
مالك رجا 605
قبل 8 سنه و 2 شهر



معروووووووف من زمن جدي الشريطية نصابين وحرامية وعشان كذا سيارات يلي معروضه سواء في المعارض او في الموقع غاليه 

لانها ما تشتريها الا بعد ما تكشف عليها وتتاكد منها 


up 2 down 0
أستشاري الحب 6468
قبل 8 سنه و 2 شهر