أضف سؤال أو موضوع جديد          

مستخدمة إستخدام حشمة

up 25 down 3



السلام عليكم و رحمة الله و بركاته ,,,

أسعد الله مساءكم / صباحكم بكل خير ,, حبايبي و اخواني , حاب أتناقش وياكم اليوم بموضوع مزعج نوعاً ما وهو
كذب وإحتيال بعض باعة السيارات (الله يهديهم) , و خصوصاً في موقع (حراج) تلقى إعلانات لبعض السيارات
و تلقى صاحب السيارة يبالغ في مدح السيارة !!!!! من العبارات التالية (مستخدمة إستخدام حشمة , منوة المستخدم
و تنسفط سفط , نظيفة بالحييييييييل إلخ ...) من العبارات الرنًانة و بالأخير تلقى السيارة ما تسوى الكلام الكثير
اللي يقوله راعيها , و أنا بصراحة عانيت كثير من هالنوعية و خصوصاً إني من سكان (الرياض) و يوصوني
بعض الربع و الأقارب على سيارات شافوها سواء في موقع حراج أو مستعمل أو إلخ ... و أروح و أشوف السيارة
و تلقى مثلاً: الدركسون متقشر , المقاعد منعدمة , وجهية السيارة مشهبه , حكوك كثيرة في السيارة إلخ ... و أنت
طبعاً يا المشتري ما إنضرب لك هم , أجي من مكان بعيد و أتواعد أنا و صاحب السيارة و بالأخير السيارة ما تطلع
على نفس كلام راعيها , يعجبني أنا الشخص الصريح اللي يعلمك على كل صغيرة و كبيرة في السيارة و يوضح
لك (تفاصيل التفاصيل) عن كل شي يشمل السيارة و يحط لك صور مع كل الزوايا بحيث تشوف السيارة من كل
الأبعاد و كأنك تشوفها قدام عينك , خلاصة الكلام:( لا تتعبون أنفسكم مع الأشخاص اللي ما يكونون صريحين من
البداية لأن بصراحة الذمة و الضمير غابت عند بعض الناس للأسف وكل هذا عشان شوية دراهم !!!)

همسة:( أستودعكم الله التي لا تضيع ودائعه , أتشرف بالإضافة و المشاركة , لا تحرموني من طلتًكم الجميلة)









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فعلا زي ماتفضلت اخي الكريم  ومشكور ونتمنالك احلام سعيد وتصبح على خير


up 3 down 0
اشتقنالك والله اشتقنا 118
قبل 6 سنه و 10 شهر



والله اكثرهم كذا يمدح السياره و تطلع معدومه.......... ليه تحط صوره معشوقتي ههههههههههههههههه


up 3 down 0
red_blo0od69 72
قبل 6 سنه و 10 شهر



كلامك في محله { غرك جمالك ياخسارة حلاتك } والأدهى والأمر إنك تقرا كلامه وتصدقه وتتواعد معاه .. وتقطع مسافه بينك وبينه .. ويطلع كل شي عكس ماقال .. هذا اللي يغبنني .. بصراحه شي عجيييب .. لكن مثل ماتفضلت { الله يهدينا وإياهم } تستاهل لايييييك حبيب قلبي ..


up 3 down 0
عاشقـ الماركيز {1991} 3502
قبل 6 سنه و 10 شهر



اوافقك بالي قلت ، بس الكلامات السحرية الي تسخدم ماهي الا شد وجذب انتبها بين كثرة المعلنين ....

الواثق من سياراتة بعيد عن الاحتفالات بالكلام
لايك غرك جمالك


up 2 down 0
aziz..747.. 2423
قبل 6 سنه و 10 شهر



مشكور يالغلا ع الموضوع المتميز وفعلا كلامك في محله وكل شيء قلته صحيح واكثر غبنه انك تروح من مدينه لمدينه زي واحد من الزملاء راح للشرقيه وهو كان بالرياض ساكن ولما راح هناك صارت السياره زباله تكرمون ما تستاهل مشوار ابو 5 كيلو مو 400 كيلو لكن وش نسوي بهالعقول الفارغه اللي ترفع الضغط ولو اني مكانه بقول عطني فلوس البنزين الرجعه وتغيير الزيت ههههههههه 

يله الله يعين على هالاشكال 

موفق حبيبنا وواصل جديدك لاهنت 

ولك لايك


up 5 down 0
camry grandi 99 7278
قبل 6 سنه و 10 شهر



تشششوف العجب بالموقع وماخذينها موضه سيارتي استخدام حشمه و سبب البيع لسسفر للدراسه الخ.. ابوك نصب ..


up 2 down 0
كن بسيطآ تكن أجمل 7881
قبل 6 سنه و 10 شهر



أنا رأيي في حالة زي دي تجهز ورقة أسئلة صغيره فيها أي أستفسارات تسألها لصاحب السياره في مكالمه تليفونيه
وتطلب من صاحب السياره أن يرسل لك صورها من الداخل والخارج
وقبل ماتتحرك وتروح تشوفها ... تصلي صلاة إستخاره
يمكن ربنا يقربها منك وتبقي سيارتك ويتم بيعتك ويمكن ربنا يبعد عنك شرها وشر صاحبها. 


up 3 down 0
ramyshubra 1322
قبل 6 سنه و 10 شهر



صدقت والله قبل يومين بس واحد منزل اعلان عن سياره ويمدحها والصور مشاء الله يبين الوتر نظيف المهم دقيت على الرجال وقلت شريت بحدك بعد الفحص قابلته والله الموتر بديه دمار وفيه مشاكل مكنيكيه قلت له وين الكلام الي في الاعلان والصور قديمه وهونت عن الموتر الرجال زعل واتهمني اني مني صامل وضيعت وقته..قلت الله سامحك ومشيت وخليته


up 3 down 0
1413هـ 109
قبل 6 سنه و 10 شهر



^^ في التسعينات

عز الله انك صادق ..
حتى لقيت لكزس 96 ماشي 260 ألف >> بيقولي مخزززن
##____##


up 0 down 0
mohammad saeed 2863
قبل 6 سنه و 10 شهر



كله كوم وزي ما ذكر الاخ محمد كوم

يقولك مخزن وهو ماشي ٢٠٠،٠٠٠

وعشان يزبرق لك الموضوع يقولك ٢٠٠،٠٠٠٪١٠سنوات

يعني السيارة ماشيه ٢٠،٠٠٠ بالسنه

ودك زي هذا تركب علي كتوفه تيدر تريله وتخليه ياخذ لفه بدايري الرياض




up 2 down 1
ملج لج 15
قبل 6 سنه و 10 شهر



قبل اسبوعين واحد عارض سيارة كامري موديل 2010 ويحلف انة اول مالك المهم بحكم عملي في المرور دخلت علي بيانات السيارة ووجدت التالي السيارة كانت لمكتب تاجير وسبق ان تعرضت للسرقة وكلمت صاحبها بمعلوماتها وزعل وهددني انة بيشتكيني وقلتلة اشتك بيدك ورجلك


up 3 down 0
الجوابر 749
قبل 6 سنه و 10 شهر



لا تنسى كلمة (بحجم كف اليد) ههههههههه والا ضربة بمقدار 10 سنتيمتر < تكفى اللي يشيل مسطره في جيبه الحين 








 4   0






               هههههههههههههههههههههههههههههههههههههههههههههههههههههههههههه 


up 1 down 0
brake 1306
قبل 6 سنه و 10 شهر



لا تصق اي واحد يقول مخزن لأنه يمكن يلعب بالعداد.... 


up 1 down 1
acura 3758
قبل 6 سنه و 10 شهر



الغش والخداع صارو في الزمن ذا مثل شي عادي لاكن الله يحمينا من كل غشاش ومخادع .


up 2 down 0
مستر بن . 10375
قبل 6 سنه و 10 شهر



لا ..انا ماينرفزني الا لقال مرشوش رش تجميلي ..
البدي مرشوش كامل لتوحيد اللون ,,


up 0 down 0
talal abdullah 5421
قبل 6 سنه و 10 شهر