أضف سؤال أو موضوع جديد          

التلميع الخارجي يطلع السياره مرشوشه

up 6 down 0
محمد الشهراني07 33
قبل 7 سنه و 4 شهر



اشتريت سيارة من الرياض وكشفت عليها عند ورشه توب كار في شارع الامام مسلم في الشفا
وطلع البدي سليم لارش ولا لكر
بعد فتره نزلت الدمام وحبيت ابيع السياره وبعد الكشف عند اكثر من محل بالجهاز الازرق يطلع البدي مرشوش كامل >>> سألت اكثر من واحد يقول لي بسبب التلميع الخارجي فقط واللي يقول اللون الاسود لازم يجي لماع زياده ... ياليت احد يقدر يفيدني ..
لأني افكر اشتكي الورشه اللي فحصت عندها بالاول








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بعت سياره لي وديتها قبل البيع تلميع 
وكشف عليها المهندس وغير مرشوشه 
يمكن ارشت لك السياره الي معك مو تلميع فقط 


لك اقصد بها لكر ***


يعني اشتكي الورشه اللي قالت غير مرشوشه وشريت السيارة على كلامهم والله


up 1 down 0
محمد الشهراني07 33
قبل 7 سنه و 4 شهر



نفس المشكلة اللى صارت لى اشتريت هوندا اكورد من المعارض المهم رحت لى الفحص اللى جنب

المعارض وفحص السيارة وطلع مافيه شي واشتريتها على اساس الفحص ان مافيه شي وجلست السيارة معاي

سنه ونصف المهم ماجزات لى ويجيني واحد شريطي قال كم عليه قلت 50 قال 51بعت قالت الله يبارك لك

المهم قال شرط الفحص قالت ماعليك لو تبغى في الوكالة المهم قال لا نوديها الفحص اللى عند المعارض 
وانا واثق من سيارتي مافيه شي المهم يوم فحص السيارة طلعت مرشوسه كامل المشكله نفس الفحص اللى فحصت عندهم

قال لى الرجال كيف تقول بودي وكاله واخر شي تطلع مرشوشه كامل قلت  كيف قال الفحص والله مرشوشه كامل

وزعل الرجال ومشي المهم قلت مافيه غير اروح للمدير قال جيب الورقة حقت الفحص 

يوم جبتها قام المدير يقول كان خربان الجهاز حق اللى يفحص السيارة

 وانا عصبت ودي اتوط في حوض بطنه  قلت انا وش ذنبي وعتمدت على الله ثم عليكم

المهم دقيت على الشرطه وجت  قال العسكري متى شريتها قلت قبل سنةونصف  قال عليك العوض

قالت يارجال قال من بدري لو انا قبل اسبوع ولا شهر ام ذ1 ونصف لا وق


up 7 down 0
حامد اليحيوي 248
قبل 7 سنه و 4 شهر



يارجال راحت والله يعوض عليك إذا الموتر زين وبتستخدم فبسيطه 
وزين أنها جات في رش والله كم واحد أنغش في أمور أكبر وأنا واحد منهم 


up 2 down 0
ابو خليل القحطاني 801
قبل 7 سنه و 4 شهر



الله يعين
والله الجهاز ينخاف منه والناس ماعاد تصدق


up 2 down 0
محمد الشهراني07 33
قبل 7 سنه و 4 شهر



نفس اللي صار معي اخذت همر من الامارات وفحصناه هناك وطلع مو مرشوش ويوم جيت ابيعه يقولي مرشوش لكر ؟


up 0 down 0
شكلين مابحكي 3159
قبل 7 سنه و 4 شهر



لعبوها الشريطيه بحكاية اللكر لان الجهاز يبين نسبة سماكة البويه اذا كانت عاليه جدا او اذا كانت منخفضه جدا يعني السياره مرشوشه ومافيه شي اسمه لكر حتى التلميع ماياثر على مدى سماكة البويه وحكاية اللكر هذي كذبه اختروعها الشريطيه من اجل تصريف بضائعهم على العموم انا شريت ماركيز لخوي وطبعا نظييييييييف لكن عند الفحص طلع مرشوش كامل ونسبة البويه عاليه يوم رجعنا لراعي المعرض جلس يحلف انه لكر ومن هذا الكلام ؟ لكن حشرته وقلتله شوف الكتابه على الكبوت مكتوب اسم لون البويه بالانجليزي حروف مختصره بقلم خفيف ابيض وهذا يدل انه سيارتك مرشوشه على العموم انا حشرته واثبتله بطرق ثانيه انه السياره مرشوشه لاني نزلت الجلد حقت الباب وطلعت فعلا فيه اثار بويه هههههههههههه يوم شفته اقتنع انها مرشوشه قلت خلاص انا بشتري السياره لانها نظيفه ومافيها صدوم بس حبيت ابين لك انه السياره مرشوشه وانا مايهمني الرش حتى لوقلتلي انها مرشوشه راح ادفع عربون وافحص لاني انا ابحث عن سلامة السياره من الحوادث وسلامة المحركات قبل الرش والرش طبعا انا اقبل فيه بشرط مايكون بسبب حادث


^

شآقح .. الله يجزآك خير .. أي مركز بالضبط فحصت فيه ؟ ..

لأني نآوي أشري سيآرة .. ومتخوف من محلآت فحص الشريطية ..


up 0 down 0
oo أبو عبد الرحمن oo 1772
قبل 7 سنه و 4 شهر



فعلا صارت معي كانت معنا سيارة وكاله ولمعنا البدي وبعدها جيت ابيعها قالو لي مرشوشه كاملة انجلطت وصغر وجهي قدام الرجال وفعلا اثبت له انها مهيب مرشوشه المشكلة انه البدي واضح متاكل من الشمس والطبقه الحديد واضحه المهم الرجال اقتنع وصدقني واشتراها والحين يدعيلي ولله الحمد 


up 0 down 0
أستشاري الحب 6472
قبل 7 سنه و 4 شهر



ياجماعة الخير في رشه غير اللكر واسئلو الورش عنها رشه رقيقه جدا حتى الجهاز مايكتشفها 


up 0 down 0
brake 1306
قبل 7 سنه و 4 شهر



عندي اسئلة محيرتني .. ايش المشكلة لو كانت السيارة مرشوشة كامل او صدام او باب او اي جزء من السيارة والقير والمكينة والمكيف تمام؟؟؟ ليش فيه بعض الناس تعطي اهمية كبيرة للبدي مرشوش او وكالة ؟؟ السبب عشان السعر وقت البيع ما يطيح فقط ولا فيه اسباب اخرى؟؟

و


up 0 down 0
بسدك 1366
قبل 7 سنه و 4 شهر



يا اخوان هل في جهه رسميه تحميك في حال انك شريت سياره وطلعت خربانه طبعاً الشراء من موقع حراج لاني شريت سياره وفي الاخير طلع الكلام غير الي كاتبه في الاعلان 


up 0 down 0
e07e07 1
قبل 6 سنه و 2 شهر



يا اخوان يهمك البدي ولا مكينه وجير ومكيف وعفشه اذا سلميه والبدي مرشوش خاليه حوادث ايش مشكلته يتنزل سعره الفين ثلاثه بالكتير فقط اخر شئ بتفكر فيه البدي


up 0 down 0
elbadry1985 42
قبل 4 سنه و 6 شهر



السلام عليكم اللكر يعين بوسه خفيفه 


up 0 down 0
الصقرالسعودي -6
قبل 4 سنه و شهر



مره فحصت بدي سياره عند محلين من حقين الفحص اللي بالمعارض وكل واحدعطاني
تقرير يختلف عن الثاني... 
انصح اي شخص اذا كان راعي بيع وشرا يشتري جهاز الفحص ويريح نفسه .


up 0 down 0
صمناعي 114
قبل 2 سنه و شهر