أضف سؤال أو موضوع جديد          

يا مسلمين اخوكم محتاج مساعدتكم والله طفشت

up 12 down 0
ســامــر 1055
قبل 5 سنه و 9 شهر



السلام عليكم اخواني انا بشرح لكم موضوعي علشان تفهمونه وبختصار انا موظف دي ساكو الصينية وسويت معهم عقد سنة انا وغيري من الشباب المهم جابوو لي المرض كل شي يسوونة اهانة يرفون اصواتههم سكتنا قلنا مايخالف طبعن هم مجبورين يوظفون سعوديين علشان السعوده علشان كذا يلعبون علينا اول شي قالو رواتبكم 3500 ودوامنا زفت الزفت كل يوم 12 ساعة وكل 3 ايام يتغير مره في الليل ومرة في النهار يعني خلوها على ربكم المهم قالو افتحو حسابات في بنك الراجحي ورحنا وفتحنا وبعدها بشهر مانزل الراتب سألناهم قالو نعطيكم نقط بيديكم قلنا مو وشكلة وبعده 2000 ريال بس قالنا حنا رواتبنا 3500 قالو اشهر الجاي ينزل بحسابكم وبعدها بشهر قالو روحو افتحو في البنك الفرنسي ورحنا وفتحنا وبعدها بشهر اعطونا نقد بيدينا 2000ريال قلنا وش السالفة قالو روحو افتحو في بنك البلاد وراح ينزل كل رواتبكم ورحنا وفتحنا وبعدها بشهر اعطونا نقد بيدينا والحين والله يااخواني كملنا سنة ولا شفنا غير 2000 ريال يعني 1500 ريال تطلع بسنة 18000ألف وحنا عددنا الموظفين 74 موظف ولا عطونا ولاريال ورحنا اشتكينا عليهم عند اكثر الدوار الحكومية ولا فادونا بشي وغير هذا كله حتى 2000 ريال شهر يعطونا وثلاث شهور مافيه المهم وعندي واحد من الموظفين راح للمكتب المحاسب يبي راتبة على طول اطردة المحاسب وشتمة والرجال ماتحمل وصار بينهم شجار وعلى طول جت الشرطة وخذو السعودي واتركو المحاسب الصيني يسرح ويمرح والسعودي والله انه مسجون الحين له 3 شهور وامس رحت انا ابي اتفاهم معهم لقيت المحاسب واقف عند مكتبة سلمت عليهم ولاردو سالتهم عن الراتب اقعدو يضحكون ويستهزاون وقال تعال بكرى قلت طيب وجيتهم اليوم الصبح ولقيته عند البوابة راكب السيار جيت ابي اتكلم معه ويوم قربت من السيارة ووقفت عند زجاج السواق ابي اتكلم والله يا اخواني انه دعس اصابع رجلي ومشا على طول وانتم بكرامة والله اني انقهرت كان ودي لوو هو واقف المهم جلست على افكر قلت لوو اضربة يسجنوني زي خووي المسكين اجل بشتكي عليه علشان ياخذون حقوقي ويسجنونه اتصلت على الشرطة وبلغتهم وجوني وقلت لهم السالفة كلها قالوو وش جنسيتة قلت صيني قالوو طيب رح لحقوقية المدنية وراح يعطونكم رواتبكم قلت انا ما همني الراتب انا ابي ليش يدعس رجلي قال الظابط انت الحين مافيك شي قلت طيب من ياخذ حقي قعد يضحك يقول الله كريم قلت له صحيح الله كيرم وخير انشاء الله ويوم جيت ابي امشي قال عطني بطاقتك واستمارة السيارة قلت له ليش قال عطني وبس اعطيته واخذ معلوماتي ورقم الوحة وقال علشان الصيني لوو يصير له شي يكون عندنا معلوماتك والله اني انقهرت يارجال انا سعودي المفروض توقف معي وبعدين هوو اللي دعس رجلي وياما يستهزي بنا وقبلها قرط الملف على الارض وقعدت اجمع الاوراق انا وكم واحد يعني انا المظلوم المهم ركب سيارته وقال لي حرك من هنا بدون مشاكل رحت وركبت سيارتي وكلمت واحد وقلت له السالفة قال رح للحقوق المدنية ورحت لهم وقلت السالفة كلها قال والله ما نقدر نفيدك بشي هذي شركة ومشاكلكم بينكم قلت له يارجال هذي قضية مو رجال وزوجته علشان تقول مشاكلكم بينكم قال لي وقتك انتهاء معي يلا اطلع برا والله انهم جابو لي المرض مدري وين اروح بس وقبل شوي كلمت واحد وسأل عن الشركة وطلعت الشركة مسوية عقد مع احد طويلين العمر وانا استغربت ليش اذا اعطيتهم اسم الشركة يقولون لحظات وبعده بعشر دقايق يصرفوني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)

الموضوع مغلق


الردود


والله ان خاطرك وسيع يخوي والله الذي لا اله إلى هو لو أني مكانك أني الآن اما في السجن 
أو فاصل منها من ثاني يوم ياخوي الله يلعن أم الوضيفه اللي تذلنا  قسم بالله 
لو اكل تراب وأنا في بيتي معزز مكرم أحسن من فلوس بإهانة 
طبعا أنا ما ألومك أنا أتكلم عن نفسي ومن حقك تدور لرزقك لأكن أنا أقول أنشب ورآهم
لين تأخذ فلوسك وبعدها اخنق الصيني ابن الكلب تكفى لا تروح لين تلعن امه 


up 0 down 0
ابو خليل القحطاني 801
قبل 5 سنه و 9 شهر



مالك الا تجتمع انت واصحابك وتوقعون على ورق واذا كان تقدر تصور فيديو يكون افضل 

وتنشرها بسبق ولاتنسى اسم العسكري 


اتمنى لك التوفيق 


up 0 down 0
عاشق خيالك 4786
قبل 5 سنه و 9 شهر