أضف سؤال أو موضوع جديد          

حقائق ومعلومات الشراء من المزادات الامريكيه ؟ الجزء الثاني

up 28 down 4
a v a l o n 2181
قبل 6 سنه و 9 شهر



بسم الله الرحمن الرحيم 




السلام عليكم ورحمة الله وبركآته , 
نأتي مع الجزء الثاني من موضوعنا .. والي ماقرأ الجزء الاول يتفضل هذا الرابط .. 




واعتذر ع التأخير .. وكل مشاركاتي معكم تكون عن طريق الجوال .. واللاب توب نادرا ما اجلس عليه بسبب ضغط العمل
فعشان كذا تأخرت والعذر منكم 
الموضوع الثاني عباره عن [ كيف تتم شراء سياره من امريكا عن طريق مؤسسه + التكلفه المُضافه على قيمة السياره +] 




















طبعا أغلب السيارات المعروضه بموقع حراج تحت مُسمى [ بطاقه جمركيه ] ومستورده من أمريكا على السعوديه 
تكون مُشترآهـ من مزآدآت مآنهآيم .. واما اصحاب المؤسسات ( الوهميه ) الي يدعي إن له معارفه في امريكا ويفحصون السياره .. الخ
فـ أغلبهم كذب × كذب .. يشترون السياره عن طريق موقع /www.exporttrader.com والموقع هذا لازم تشترك بمبلغ 100 دولار بالبدايه 
حتى تقدر تشوف كامل التقارير عن السياره .. والموقع يعتبر ثقته 80% بخصوص المعلومات المقدمه , 
فلمن تكون عندي مؤسسه استيراد سيارات ومالها مقر غير بالسعوديه .. كيف اقدر أسميها مؤسسه ؟ البعض منهم يدًعي ان له مندوبين بأمريكا ويآخذون السيارات ويفحصونها وبعدين يرسلونها .. وبالحقيقه الموقع الي ذكرته قبل شوي الخدمات فيه .. من وقت ماتسجل عضويه وتختار سياره .. إلى غاية ماتوصلك السياره للميناء وتستلمها ... بدون اي وسيط وغيره , يحتاج لك خبره بسيطه بالانقلش , وراح توفر بجيبك العموله الي تاخذها اغلب الشركاته والي ماتقل عن 12 الف ريال !!




عموما البعض منا يرغب في سياره من امريكا عن طريق مؤسسه .. وماعنده مشكله يدفع عموله للمؤسسه والغالب تكون عمولتهم مابين 2500 دولار إلى 3500 دولار .. مع رسوم الشحن .. وطبعا ابو 2000 دولار الواحد يشوفه اقل واحد ولكن بالحقيقه يقلل لك نسبة العموله , ويجيب لك استحقاقات ماليه غريبه 
مثلا يقول لك رسوم تحويل اوراق = 400دولار , رسوم كشف 500دولار , رسوم مدري وش 100 دولار .. وطبعا الي مايعرف للشغله او بالاصح مايدري عنها .. راح يعطيه كل مبلغ يطلبه , 
وبالاخير نتفاجا بأن السياره اضفنا على قيمتها حدود الـ 5000 دولار !!! من عموله وشحن وغيره ! يعني حدود الـ 19 الف ريال ؟؟ 




يعني المُشتري ما استفاد اي شي غير التأخير .. لان الفرق الي يدور عليه بين السوق السعودي والامريكي .. اخذته المؤسسه .. حتى وان قل الفرق 2000 او 3000 ريال ! 
فانا لو بغيت اشتري سياره من امريكا .. يايكون الفرق شي حلوو ويستاهل اغاامر وححطوا بين كلمة اغامر قوسين 
او اشتري شي قدام عيني .. 
الفرق لايقل عن 15 الف ريال .. واذا كان الفرق بين سعر السياره بالسعوديه وامريكا 10 الاف او اقل .. فانا انصح بعدم الاستيراد والشراء من السوق عندنا 
اقل شي تفحص السياره وتشوفها بنفسك 




لمن الواحد يجي يشتري سياره من امريكا عن طريق مؤسسه .. يكون الرد من المؤسسه [ أضف على قيمة السياره 3000 للسيدان و 3500 للكبيره ] 




يعني لو بأشتري افالون وتكون قيمتها بالمزاد 16000 دولار أضيف عليها 3000 دولار .. يعني بتطلع 19000 دولار إلى ماتوصل جده بدون الجمرك 
والحسبه تعتبر مقنعه جدا .. لكن مستحيل تكون الاضافه كذا .. راح تضاف عليك رسوم المزاد الي شريت منه السياره وتقريبا تكون مابين الـ 100 إلى 400 دولار 
وايضا رسوم النقل البري والي البعض منهم يدعي ان فيه رسوم نقل بري .. وبالاساس مافي تكون السياره قريبه من الميناء ولكن لازم يسرقون بالجيب 
وغيره من الرسوم الي تضاف على قيمة السياره .. 
طبعا الاضافات هذي كلها بعد ماتدفع العربون للمؤسسه والي مايقل عن 10 الاف ريال سعودي 
يجيك مسؤول المؤسسه ويقول تعال وقع العقد معنا .. يعني خلاص مافي رجعه ولمن توقع وكل شي 
تظهر بعدها المبالغ الكثيره 
وتتفاجا إن السياره الي كنت حاسب قيمتها 19000 دولار .. صارت بـ 21500 دولار !!! وكله رسوم , 
وطبعا مافي مجال تقدر تسترجع فلوسك [ ع حسب العقد ] !!








بعطيكم مثال بسيط جدا عن الاسعار / لو الواحد حب يشتري عن طريقه .. من المزادات 
واغلب السيارات الي بالصالات .. عند الحراميه .. يشترونها مصدومه او فيها مصيبه باسعار رخيصه
وتدخل للامارات وتتصلح وتجي عندنا 















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


http://montada.haraj.com.sa/11919/%D8%AD%D9%82%D8%A7%D8%A6%D9%82-%D9%88%D9%85%D8%B9%D9%84%D9%88%D9%85%D8%A7%D8%AA-%D8%A7%D9%84%D8%B4%D8%B1%D8%A7%D8%A1-%D9%85%D9%86-%D8%A7%D9%84%D9%85%D8%B2%D8%A7%D8%AF%D8%A7%D8%AA-%D8%A7%D9%84%D8%A7%D9%85%D8%B1%D9%8A%D9%83%D9%8A%D9%87--%D8%A7%D9%84%D8%AC%D8%B2%D8%A1-%D8%A7%D9%84%D8%A7%D9%88%D9%84-/


الموضوع الاول


up 4 down 0
a v a l o n 2181
قبل 6 سنه و 9 شهر



مشكور على المجهود الرائع ولك اطلق لايك


up 4 down 0
مالك رجا 605
قبل 6 سنه و 9 شهر



تسلم على المجهود المتعوب عليه موضوع مفيد وتستاهل التقييم


up 5 down 0
ابــو ســنــد 10639
قبل 6 سنه و 9 شهر



احسن شيء أنك تشري سيارة امريكية مب تجي للمعارض ولاقي سيارات غاليه وهي ما تسوى....والمعلن الطيب 2012 أشوفه أفضل واحد يجيب سياره امريكية...


up 4 down 0
acura 3758
قبل 6 سنه و 9 شهر



مجهود كبير وشرح مبسط لك لايك


up 4 down 0
adnan2013 906
قبل 6 سنه و 9 شهر



الله يجزاك خير ويوسع رزقك.


up 3 down 0
aboodonborders 223
قبل 6 سنه و 9 شهر



الله يعطيكم العافيه جميعا على المرور والتعليقات الطيًبه

وفقكم الله 


up 2 down 0
a v a l o n 2181
قبل 6 سنه و 9 شهر



أتمنى من صاحب الديس لايك .. تنويري بالسبب / يمكن فيه خطأ بالموضوع ماني منتبه له , 


up 4 down 0
a v a l o n 2181
قبل 6 سنه و 9 شهر



الله يجعلها بموآزين حسنآتك ,, موضوع مفيد وخآصه للمقبلين على شراء السيارات من الخآرج ,, تشكر على الموضوع ,,


up 4 down 0
bpp.61 87
قبل 6 سنه و 9 شهر



بيض الله وجهك يوم تسود وجوه بعض الشريطية ولااعمم



up 3 down 0
ابو عبدالله احمد 3455
قبل 6 سنه و 9 شهر



تسلم اخوي على الموضوع الاكثر من رائع 
وبالنسبه للي يحط الديسلايك هذا كلب الله لا يوفقه لا دنيا ولا آخره والله يجعله بحادث تنشل فيه كل اعضائه 
يا اخي حتى في المواضيع اللي فيها نصايح دينية يجيك الكلب ويحط ديسلايك 
اكرمكم واعزكم الله
وللجميع احلى لايك


up 3 down 1
ابوخلوودي1 5064
قبل 6 سنه و 9 شهر



مشكور على الموضوع الرائع 

ولو تكرمت تواصل معي ٠٥٥٥٥٥٣٠٨٩ ضروري


up 0 down 0
عزالروقي
قبل 4 سنه و 11 شهر