قصتي والعسكري
39
10
إضغط هنا للإخفاء
السلام عليكم ورحمة الله
شلونكم يا عيال
يلا بدون مقدمات نخش
امس طلعت بالسيارة اسرح الاهل للاختبار وقمت بعدها افرفر ومن زود الطفش قلت خلني اقلب كداد
ومعي النترا 2012 وقلت ابي اشوف واش يحس بوه الواحد اللي يكد
وفعلا قمت الفلف الشوارع وكلهم بني بنقال يا ليل مطولك قصدي يا صبح خخخ
المهم إلا والمح ذاك العسكري قلت يلا تعال واركب
ومشينا بالطريق وكان شايب ولحياته تنقط شيب وعمره متهالك يالله رحمتك
جعدت اسولف انا واياه واكتشفت شيء عجيب انه ما عنده سيارة
والاعجب انه ما يسوق
واعجب من كذا كلها انه عسكري ويداوم يوميا بدون سيارة
قلت يا عم لك شو هالاوضاع صايرة تسذا
قال والله يا وليدي اني شايل عايلة وهلي وراتب 6 الف ويروح للاقساط والديون ويبقى 2000 اعيش بها انا وهلي والعايلة لاخر الشهر
وانا تأثرت صراحة وقلت خليه ياخد راحته بالكلام
وقام يتكلم وديون ومن هالكلام
المهم بالاخير انا مو مقتنع بالالنترا اللي معاي وكنت اشوفها شيء عادي وابي شيء حلو
لكن استفدت بالاخير من كلامه وفعلا كنت ابي الخير للشايب واوصله بلاش وسبحان الله
ربي عطاني حسن عملي واقتنعت باللي انا فيه وبالسيارة اللي معي وباوضاعنا المعيشية
لاني ما توقعت اشوف ناس مثله موجودة بالكوكب
لكن طلعوا حقا موجودين
المهم يوم وصلته لمبتغاه
اصر انه يحاسبني وهو يبتسم وطبعا كانت ريالين وقام طلعها وقال هذي قيمتها
طبعا انا رديتها وقلت يا عم ما طلبت شيء وهذا شيء اعتبره جميل من انسان ما تعرفه
وفعلا اصر انه يحاسبني لكني اصريت وقلت له راح ازعل عليك كذا فانا ابنك وهالكلام مو بيننا
ونزل وهو مبتسم وخلف ثغره جرح عميق
[ اسف لتعديلي لكن للاضافة فقط ]
طيب شرايكم
إبلاغ
الردود
2
1
قبل 11 سنه و 5 شهر