أضف سؤال أو موضوع جديد          

حركة الشريطي النذل

up 12 down 3
edgam 609
قبل 8 سنه و 10 شهر



السلام عليكم ورحمة الله 

دايركت بالموضوع 

كنت في المعارض واتمشى وهالكلام يوم الخميس 

وطبعا من زود الفضاوة قمت ابصبص بكل السيارات وابي اخذ معرفة شوية في البيع والشراء والسوم 

وإلا والله يجيك شايب معاه هايلوكس موديل 1980 ميلادية 

ويا سبحان الله ويا رباه  .. من نظافتها تقول وكالة الوكالة 

ويفتح الباب إلا تشم ريحة فرش الوكالة والنظافة  تمنيت لو اني بس اركب فيها 

المهم ويجيك ابن اللذينا  شريطيُ بثوبن عادي ودسمالة حمراء وعقال منكس للخلف 

ويقول يا شايب السيارة راحت بـ 9500 وهي تسوى اكثر بكثير لانها تحفة نادرة ونظيفة وجميلة 

ويقول الشايب انت تبخسني وانت انسان ومن هالكلام 

ويأتي الرد المعروف من كل شريطية العالم السعودي 

والله يا والد اني ما بخستك وهذا اكثر من حقها واني ابيها واستخدمها لاجل نفسي وروحي المسكينة وانا انسان مسكين 

وعندما كانت محاولات الشريطي رقم 1 كادت ان تبوء بالفشل

اتى الشريطي رقم 2 وتدخل بالمعركة لينصر الشريطي رقم 1 

وقال كم سيمت يا عم قال 9500 

قال الشريطي رقم 2 : احمد ربك والله انها جابت فوق المطلوب وانا بنصحك لوجه الله بعه لانها فرصة ما راح اتعوض

الشايب ظهر علا وجهه ملامح القبول البسيطة ولكنه ما زال متردد 

فأتى الشريطي رقم 2 ودعا الشريطي رقم 1 وقال هات عربونك الان يا فلان 

وقال يا عم هذي 500 ريال بيدك عربون الشريطي رقم 1 ووضعها بجيب اشايب وقال يلا توكل فرصتك 

يلا صدقني ما تعوض

يلا بيعه الحين 

ودخلوا في عينه وقام وركب الشريطي رقم 1 بالسيارة وقال للشايب اركب يلا خلاص بعتنا وانا بسوق السيارة للمعرض 

وفعلا قام الشايب بالركوب وهو في حيرة شديدة ظنا منهم انه باعهم وان العربون معناته البيع 

ومن ثم ذهب 

عندما مسكت الشريطي رقم 2 قلت له اتق الله 
قال يا خوي السيارة كلها معجون ومكسرة وووووو . . وهو قسمن بايات الله لم يدر حولها ولم يرها وانما كلام محفوظ لاني كنت اشاهد المسرحية من اول



المهم حاب انوه على حاجتين 
- لا تبع السيارة مالم تجب القيمة المطلوبة 
- عندما يأتي اثنين واحد ينصحك انك تبيع للاخر اغسل يدك حتى ولو المبلغ عاجبك لانها اغلى من كذا
- اذا اعطاك احدا عربونا فليس معناته انك بعته وانما لك الحق لترفض وارجاع عربونه [ وهذي اكبر حيلة وانا وقعت فيها سابقا ] 
- من يمثل على انه مسكين وانا اقول لا تدخلوا بنيات الناس لاكن لا تبيعوا بقيمة ليست بقيمتها 
- اهممممم نقطة شوف اسعار السيارة بالسوق وخلك شديد شوي وغير متساهل ولو ركب وقال خلاص ومن هالكلام 
قول مانبي بايع وتوكل على الله سيارتي ما بعتها ولا تركب فيها 


للي بيسأل كيف عرفت انه شريطي 
اليوم الثاني جيت ولقيت اللي شرا الهايلوكس معاه ربع 2013 اللي فيه ال اي دي في الاصطبات وموتر جديد يسوقه بالمعارض

وسلامتكم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هذا ظلم وراح يبيعونة با كثر من 9500 وحسبنا الله ونعم الوكيل فيهم .. وابشرك قد مرة اكلت شريطية مقلب ماينسونة هههه

كنت في الحراج وكنت ناوي اشتري موتر في حدود 20 الف المهم لفيت الحراج وفيه الطيب والبطال من السيارات

فا لقيت فورد موديل 2001 فكتوريا صراحة الموتر نظيف ووقفت عندة وقلت خلني ازاود على الموتر فجاءة لقيت نفسي

بين شريطية المعرض نفسة تقريبا 5 اشخاص يزاودن على عشان يطيروني من الموتر وقلت انا اوريكم ههه

كلمت راعي الموتر على جنب وقلت كم حدك في الموتر وقالي مسيوم بعشرين وانا ابغا زود شوي قلت خير ان شاء الله

وزاودت في السعر مع الشريطية الين وصلت قيمة 21500 وجوك الشريطية بعدي ووصلوها 22 الف على بالهم بزيد ههه

قمت وسحبت نفسي منه وهم يناظروني بحقد ههه وقلت لهم العبو غيرها ههههههه ... موفق ولك لايك .


up 15 down 0
أبو ميان . 154
قبل 8 سنه و 10 شهر



يخوان الشريطي بياع وشراي مثل اغلب المناديب بالبيع والشراء انا والله مالي فيهم ولا شي بس عقلي براسي اعرف خلاصي مو ابيع له واقول ضحك علي . العالم تنبه منهم وفي بعض الناس يروح لهم وبعدها يقول شريطي نصاب. طيب هو ما نصب عليك . انت بعته ووقعت الاوراق بكامل وعيك. وتراهم مثلي مثلك انسان له التزامات . بس الغبي يطيح بيدهم


up 8 down 1
مستريح البال 1 1780
قبل 8 سنه و 10 شهر



عيال كلب يارجل


up 9 down 0
ولد البكيريه -105
قبل 8 سنه و 10 شهر



لو اني مكانك والله ماخليهم يتوحدون في الشايب ويكسرون سعر موتره ,, اضعف الايمان قل له لاتبيع موترك يسوى اكثر ,, والله يعطيك العافيه 


up 7 down 0
ابو سعود629 4708
قبل 8 سنه و 10 شهر



يا اخي والله اعقب عليك اذا رئيت منكر غيرة وينك فية وانت شايف المنكر كله قدامك وانت ساكت حرام عليك


up 5 down 0
adnan2013 907
قبل 8 سنه و 10 شهر



ياخي لو منك اخرب عليهم وقول للشايب لا تبيع بالقيمه هذي وتسوى اكثر من كذا لكن الله يبارك للشايب بقيمتها ان شاء الله


up 3 down 0
ابوخلوودي1 5070
قبل 8 سنه و 10 شهر



على حسب كلامك
للاسف موقفك سللللللللللللللللللللللللللللللللللللللللللللللللللللللللللللللبي جدا جدا
لو مكانك افضحهم قدام الشايب وادخل بعيونهم
حسبنا الله ونعم الوكيل على الشريطيه اللي ما يخافون الله 


up 5 down 0
dub_r-50 443
قبل 8 سنه و 10 شهر



@@@@@@@@@@@@



هذا الموضوع في الصميم .. ,,

قبل فترة ليست بالطويلة .. شفت وآحد باكستاني مسكين يبي يبيع أكسنت 2011 أتوماتيك فل كامل أو نصف فل .. نظيييييفة ما شاء الله تبارك الله وبدي وكالة ..

ويبدأون هـ الشريطية بالتحريج عليها.. فجاء وآحد من أخويانهم قآل أنا شرآي بـ 19,5 ..!!!
فقالوا هـ الشريطية للباكستاني .. بع بع بع بع .. الباكستاني المسكين أحس أنه ما يدري وش الطبخة .. رفض أنه يبيعها .. فقالوا له ..: أجل كم حدك فيها ؟ قال 23 .. مع أنه بنظافتها تجيب له أكثر .. بس المسكين حسب أن حقها هذا ..

فقعدوا يصآرخون ويقولون له يآخي أنت تبي تأخر سوقنا ومن هـ التصآريف .. !!

فأنا يوم حسيت أن الرجآل ودّهـ يتنازل .. جيت عند الباكستاني رحمة فيه حتى ما يلعبوا عليه هـ النصابين .. وقلت له ترى أنا شوف 2010 بيع 23 .. وأنت 2011 .. ! فقال لي وهو فرحآن أنا معلوم أنا معلوم ..!

والحمد لله الذي تتم بنعمته الصآلحات ..






up 6 down 0
oo أبو عبد الرحمن oo 1772
قبل 8 سنه و 10 شهر



بس حلوه رقم 1 ورقم 2 والله اني انلحست لو جاء شريطي رقم 3 ههههههههه يااخي لو بتدقق في الشريطية بتتعب بتعد لين بكره 123456789


up 2 down 0
أبو عوض 2012 227
قبل 8 سنه و 10 شهر



شباب حياكم الله جميعا 
للي يسأل ليش موقفي بارد 
اولا انا صغير سن وثاني شي الشريطية كبار ومن ملامحهم ما ارتحت لهم وخفت افتعل المشاكل بحكم اني في عسير منطقة اللاقانون 
وصراحة قعدت شهر ندمان اني ما نصحت الشايب ووقفت المنكر

وثانيا للي يدافع عن الشريطي او زي كذا 
شوف انا اقول مافيه خلاف الرزق من رب السماء واحنا نطلبه 
لكن بخس السلعة والحلف بالله كاذبا والغش واستدراج الشايب وتشكيكه وايهامه باشياء لا داعي لها والإتيان بخطة لاجباره للبيع هذا واش نسميه  ؟!!!
هل نسميها وظيفة ويترزق الله ولا يبخس الناس 
لو انه جاء وحاول فيه وما رضى افضل له من المال الحرام مع حلفه وكذبه والاجبار بطرق التوائية 


up 5 down 1
edgam 609
قبل 8 سنه و 10 شهر



والله اني احترمت موقفك .. ودامك صغير سن لاتتدخل حتى لو انت الصح !

والقتل مشهور عندكم ياهل الجنوب !


up 2 down 2
احمد الفهيد 51
قبل 8 سنه و 8 شهر