حركة الشريطي النذل

12 3

لايمكنك التصويت حتى الحصول على 20 نقطة على الأقل
إضغط هنا للإخفاء

edgam 609
قبل 11 سنه و 10 شهر

السلام عليكم ورحمة الله 

دايركت بالموضوع 

كنت في المعارض واتمشى وهالكلام يوم الخميس 

وطبعا من زود الفضاوة قمت ابصبص بكل السيارات وابي اخذ معرفة شوية في البيع والشراء والسوم 

وإلا والله يجيك شايب معاه هايلوكس موديل 1980 ميلادية 

ويا سبحان الله ويا رباه  .. من نظافتها تقول وكالة الوكالة 

ويفتح الباب إلا تشم ريحة فرش الوكالة والنظافة  تمنيت لو اني بس اركب فيها 

المهم ويجيك ابن اللذينا  شريطيُ بثوبن عادي ودسمالة حمراء وعقال منكس للخلف 

ويقول يا شايب السيارة راحت بـ 9500 وهي تسوى اكثر بكثير لانها تحفة نادرة ونظيفة وجميلة 

ويقول الشايب انت تبخسني وانت انسان ومن هالكلام 

ويأتي الرد المعروف من كل شريطية العالم السعودي 

والله يا والد اني ما بخستك وهذا اكثر من حقها واني ابيها واستخدمها لاجل نفسي وروحي المسكينة وانا انسان مسكين 

وعندما كانت محاولات الشريطي رقم 1 كادت ان تبوء بالفشل

اتى الشريطي رقم 2 وتدخل بالمعركة لينصر الشريطي رقم 1 

وقال كم سيمت يا عم قال 9500 

قال الشريطي رقم 2 : احمد ربك والله انها جابت فوق المطلوب وانا بنصحك لوجه الله بعه لانها فرصة ما راح اتعوض

الشايب ظهر علا وجهه ملامح القبول البسيطة ولكنه ما زال متردد 

فأتى الشريطي رقم 2 ودعا الشريطي رقم 1 وقال هات عربونك الان يا فلان 

وقال يا عم هذي 500 ريال بيدك عربون الشريطي رقم 1 ووضعها بجيب اشايب وقال يلا توكل فرصتك 

يلا صدقني ما تعوض

يلا بيعه الحين 

ودخلوا في عينه وقام وركب الشريطي رقم 1 بالسيارة وقال للشايب اركب يلا خلاص بعتنا وانا بسوق السيارة للمعرض 

وفعلا قام الشايب بالركوب وهو في حيرة شديدة ظنا منهم انه باعهم وان العربون معناته البيع 

ومن ثم ذهب 

عندما مسكت الشريطي رقم 2 قلت له اتق الله 
قال يا خوي السيارة كلها معجون ومكسرة وووووو . . وهو قسمن بايات الله لم يدر حولها ولم يرها وانما كلام محفوظ لاني كنت اشاهد المسرحية من اول



المهم حاب انوه على حاجتين 
- لا تبع السيارة مالم تجب القيمة المطلوبة 
- عندما يأتي اثنين واحد ينصحك انك تبيع للاخر اغسل يدك حتى ولو المبلغ عاجبك لانها اغلى من كذا
- اذا اعطاك احدا عربونا فليس معناته انك بعته وانما لك الحق لترفض وارجاع عربونه [ وهذي اكبر حيلة وانا وقعت فيها سابقا ] 
- من يمثل على انه مسكين وانا اقول لا تدخلوا بنيات الناس لاكن لا تبيعوا بقيمة ليست بقيمتها 
- اهممممم نقطة شوف اسعار السيارة بالسوق وخلك شديد شوي وغير متساهل ولو ركب وقال خلاص ومن هالكلام 
قول مانبي بايع وتوكل على الله سيارتي ما بعتها ولا تركب فيها 


للي بيسأل كيف عرفت انه شريطي 
اليوم الثاني جيت ولقيت اللي شرا الهايلوكس معاه ربع 2013 اللي فيه ال اي دي في الاصطبات وموتر جديد يسوقه بالمعارض

وسلامتكم

إبلاغ

الردود