أضف سؤال أو موضوع جديد          

شيوخ المعارض مرتزقة

up 12 down 14
كبار الشخصيات -21
قبل 8 سنه و 7 شهر



تحيه طيبه

قرات موضوع لاحد الأعضاء هنا عن شيخ المعارض وتقييمه للسيارات وجاء في بالي سؤال وبحكم أنني مجرب الذهاب لمثل هؤلاء ،،

هل تعتبر تسعيره شيخ المعرض لسيارتك صادقه أم تتوقع متلاعب بالسعر ؟؟


سمعنا أخبار ان شيوخ المعارض يتفقون مع بعض الورش فهل هذا صحيح؟؟



قصصكم مع هؤلاء الشريطية المرتزقة شيوخ المعارض ""





تحياتي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


على حسب امانة الشيخ 

والله ياكثير انظلموا في التسعيرات 


up 6 down 0
راااضي 2521
قبل 8 سنه و 7 شهر



مثل ماقال اخوي راضي ...على حسب الذمة ...وانا والله مستغرب المفروض والي اعرفة ان الي يثمن قيمت اصلاح الأظرارفي السيارة 1 الوكالة 2 ثلاث ورش معتمدة اما شيخ المعارض !! الله يكفينا شرهم ولا يحط مسلم بين ايديهم سواءَ مرور ولا شيوخ المع


up 3 down 0
..1987م 3453
قبل 8 سنه و 7 شهر



تكملة ولا شيوخ المعارض ويكفينا شر خلقة مشكور ياكبار الشخصيات ولك لايك ...


up 2 down 0
..1987م 3453
قبل 8 سنه و 7 شهر



شف أخوي أنا راح أنقل تجربة شخصية حصلت لي عند شيخ معارض النسيم (الحمزة) كان عندي حادث في الوجه و السيارة جديدة
و بديها وكالة و كانت التلفيات كآلاتي (صدام أمامي + شمعة يسار + صاجة + كشافات ضباب الثنتين + شبك) المهم قدرً لي أرش
و الأرش هو عبارة عن موازنة بين قيمة السيارة قبل الحادث + بعد الحادث و إستخراج الفرق بينهم مثال: السيارة قبل الحادث تسوى
80 ألف بعد الحادث تسوى 60 ألف الأرش = 20 ألف , المهم عطاني تقدير 5 آلاف و طبعاً السيارة نزلت قيمتها أكثر من 10 آلاف
الشاهد أنا ما أحط بذمتي على الرجآل بس أتوقع و العلم عند الله إن الرجآل ما عرف يقدًر لأن مستحيييييييل حتى و لو كان خبرة في تقدير
السيارات يعرف بكل أنواع السيارات ( الألمانية , الأمريكية , اليابانية , الكورية , إلخ ... من السيارات) طبعاً ما أستبعد التواطؤ بين
شيوخ المعارض و شركات التأمين , لأن في واحد من الشباب يسولف علي بأنه قد راح لشيخ المعارض و عطاه تقدير إصلاح و لا أعجبه
فراح له مرة ثانية (نفس الشخص) وطلب تقدير و عطاه تقدير مختلف عن الأول بزيادة مرضية لحجم التلف اللي صار له !!! الشاهد من
الكلام يا اخوان , (الظلم ظلمات يوم القيامة) و من له حق بياخذه إن ما كان بالدنيا يلقاها بالآخرة (أجر و ثواب) إن شاء الله , شكراً حبيبي
على الموضوع و لك لايك .


المفروض الي تقدر الوكاله
لان هالشيوخ المعرض نصابين الا ماندر 
ولايعرفون يقدرون وبعضهم واالله عنده امانه
ولك احلا لايك


up 3 down 0
azera .. 2012 3505
قبل 8 سنه و 7 شهر



انا ياخوي قبل فتره صار لي حادث الجنب كامل المهم ارسلني نجم على شيوخ المعارض قدرها الاول ب 4000 والثاني 2500 والاخير النصاب حلف لي بالله انه اعلى تقدير قلت له طيب في حدود كم ؟؟ قال والله انها فوق ال 5000 ريال ,,, ع العموم ظلمني في التسعيره وطلعت 2800 ريال وقيمة اصلاح السياره بالوكاله تتعدا ال 6000 لكن ماقول غير الله لايوفقه .. 


up 4 down 0
ابو سعود629 4708
قبل 8 سنه و 7 شهر



منورين جميعا وفعلا نصب عيني عينك 


up 1 down 1
كبار الشخصيات -21
قبل 8 سنه و 7 شهر



قصدك سلق للمعارض تكرم ...


up 3 down 0
oo8m8oo 202
قبل 8 سنه و 7 شهر



تخيل رجل اختي صابه موقف
التسعير كان من
الورش 21 الف ريال
اما شيخ المعارض 2300 ريال 
التامين يقول اعترض في المرور المرور يقولك مالينا دخل ... لله المشتكاء



up 1 down 0
has2san 1
قبل 8 سنه و شهر



اصابع يدك ماهي سوا لابد فيه الصالح وفيه الطالح 
واذا كان ياخذ فالدنيا فانيه والله لايحدنا لهم لا في خير ولا في شر


up 0 down 0
ابوسعيد الاحمري 1017
قبل 8 سنه و شهر



يااخوان تسعيرة شيخ المعارض لايعتمد فيها عند المحكمه .. يحق للمتضرر انه يشتكي بالمحكمه اذا ماعجبه التقدير ويشرح للشيخ كل شي .. الحمد لله ديننا ماترك لنا شي الا وضحه لنا


up 1 down 0
المرصد2015 30
قبل 7 سنه و 3 شهر



والله يالغالين انا رجال ماحب العوض ابد وهذا من تربيت شايبي الله يرحمه ، مره ولد اخوي كان فاتح باب موتره ويطقطق بالجوال، وجاه فورد وقشع بابه ، المهم الضرر في الباب والرفرف الايسر امام ، والسياره ماركيز ٩٧ وقيمة السيارة ذيك الايام ١٣ الف المهم الولد كلمني واخذته ورحنا شيخ المعارض وقدرها ب ٣٥٠٠ وانا اشوفه مناسب جدا لان الي سويناه فقط تغير فرش الباب الداخلي وتغير الرفرف وتغير مفصلات الباب ورش الباب والرفرف ، وكلفتنا تقريبا ١٨٠٠ والباقي كشخ فيه الولد ههههههههه ركب شاشه وزنن وكذا ، فالي ابي اوصله ان الشيوخ مو سوى وحق الدمام تقديره كويس والناس تمدحه وشكرا 


up 0 down 0
dr.majed 95
قبل 7 سنه



ياشباب انا شريت سيارة ونغشيت فيها طلعت مدمورة بطن الموتر مندمر ولايصلح مع العلم اني فحصت فاص الاكتروني عن طريق البايع ولا طلعلي المشاكل الي فيها بلعكس مدحها لي !  وانا الان تورطت بسيارة ورجال حاسبلي السيارة فرق عن الجديد ١٢الف ويال وانا دافعلة ١٠٦الاف وش الطريقة لاخذ حقي من هاذا النصاب الي عندة خلفية يعلمن الله يجزااة خير  


up 0 down 0
بووووصااالح
قبل 5 سنه و 2 شهر



خذ فاتورت الفحص وقدم الشكوى على الفحص 


up 0 down 0
تركي ال عضيب
قبل 5 سنه و شهر