ولى زمان الثقة في الأصحاب و الأحباب
16
1
إضغط هنا للإخفاء
السلام عليكم و رحمة الله و بركاته ,,,
أسعد الله أوقاتكم بكل خير حبايبي و اخواني , اليوم حاب أتكلم في موضوع مُحزن و يدعو للتعجب و لا عجب في هذا
الوقت أن يبيع الشخص ضميره مقابل (حفنة من الريالات) !!!! نعم يا أحبائي الذمة و الصدق في هذا الوقت عملة نادرة
ولا أصدق من حديث الحبيب محمد صلى الله عليه و سلمً :( إذا ضاع المعروف و ضاعت الأمانة بين الناس فإنتظروا الساعة)
و القصة التي سأحكيها لكم ليست عن شخص غش شخصاً لا يعرفه أو ليست بينه و بين المشتري علاقة !!! بل سأحكي عن
شخص غش صديقه الذي يعرفه لأكثر من 10 سنوات !!!! و ما هو المقابل ؟ (مجرد حفنة من الريالات) !!!!!
طبعاً القصة حصلت لأحد زملائي و ملخصها:
صاحبي كان حاب يشتري مرسيدس (فياقرا) و كان حاب ياخذ شي نظيف , طبعاً مثل المواصفات اللي يبيها + السعر اللي معاه
صعب يحصلً نظيف , المهم كلمه واحد من ربعه و قال له: طلبك عندي موتر الوالد (2003) نظيف و حاب يبيعه و ما راح
نختلف بالسعر راح أعطيك أقل من سعر السوق !!! صاحبنا إنبسط و ظن إن صاحبه حاب يسوي معاه خير يوم إنه رضى
يبيع له بأقل من سعر السوق , فسأله عن حالة السيارة( فيها صدمات , تلفيات إلخ ...) طبعاً صاحبه لمًع صورة السيارة فعيون
صاحبنا , و ذكر له بأن السيارة خالية من الرش و الصدوم و حالتها الميكانيكية عال العال , المهم صاحبنا على نياته راح للمعرض
و أفرغ السيارة بإسمه بدون حتى لا يسوق السيارة و يجربها !!!! (ثقة عمياء) أخذ السيارة الرجآل و جلست معاه 3 أو 4 شهور
تمام التمام , بس بعد فترة خاف إن السيارة (تبدا تطلب) و خصوصاً في شوارعنا الباريسية (حفر , مطبات , شوارع مكسرة إلخ..)
فقرر إنه يبيعها و يشتري له (جيب) و راح للمعارض فعلاً و لقى زبون راغب في السيارة و طلب فحصها و هذا من حقه , المهم
راح صاحبنا لمركز الفحص و بنفسه واثق بأن السيارة (شد بلد) ما فيها صدوم و لا رشات !!!! طبعاً على كلام صاحبه المهم و
بعد الكشف على السيارة إتضح الآتي:
1/ رش في الجانب الأيمن كامل .
2/ سمكرة في الصدام الخلفي .
3/ تعديل في زاوية الكبوت .
طبعاً بعد كل هالأشياء إتضح إنه (ملعوب عليه) و إن الفلوس اللي دفعها لصاحبها هي أعلى من قيمة السوق
بكثير !!! و لكن (الثقة العمياء) خلته يعتقد بأن صاحبه كان مخفض له عن قيمة السوق و إنه مراعيه بحكم
العشرة اللي بينهم !!! و لكن عندي تساؤل: هل غاب الصدق و غابت الذمة حتى عند أقرب الناس ؟
طبعاً أترك التعليق لكم حبايبي و اخواني ,,,
همسة:( لا تحرموني من طلتكم التي أسعد بها , و وجودكم الذي يثري موضوعي , أستودعكم الله التي لا تضيع ودائعه)
إبلاغ
الردود
نحن في زمن السِنُونَ الخَدَّاعَةٌ ..
عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنَّهَا سَتَأْتِي عَلَى النَّاسِ سِنُونَ خَدَّاعَةٌ يُصَدَّقُ فِيهَا الْكَاذِبُ وَيُكَذَّبُ فِيهَا الصَّادِقُ وَيُؤْتَمَنُ فِيهَا الْخَائِنُ وَيُخَوَّنُ فِيهَا الْأَمِينُ وَيَنْطِقُ فِيهَا الرُّوَيْبِضَةُ قِيلَ وَمَا الرُّوَيْبِضَةُ قَالَ السَّفِيهُ يَتَكَلَّمُ فِي أَمْرِ الْعَامَّةِ . رواه أحمد وغيره .
4
0
انا قبل سنتين شريت فورد 98 من رجال كبير في السن في رمضان وحلف ايمان ان الموتر نظيف
المهم صدقته وقلت رجال كبير ومحترم وفي رمضان قلت اكيد ما راح يغشني المهم جلس معي سنه
غيرت فيه بس طقم كفرات وسافرت عليه والموتر ما شاء عليه المهم بعد سنه معاد ارتحت له قلت خلتي ابيعه
وجاء دكتور مصري وكشف على الموتر طلع الشاص مضروب وملحم من عند باب السواق
وقال الميكانيكي لو اخذت مطب قوي ممكن ينكسر والحمدلله بعتها على شريطي بخسارة ثلاثة آلاف من مشتراها
لكن نقول لسا الدنيا بخير والعينه هذي قليله ان شاء الله ولكم احلى لايك
6
0
وين راح الصدق والأمانه , والأهم من هذا كله { العشره } 10 سنين مو بسيطه .. يعني أبيع صاحبي واللي مثل أخوي , على سياره ماتسوى حتى ظفر رجله , والله الدنيا ضاعت وماباقي من الناس اللي فيهم خير إلا القليل ..
لكن مانقوول إلا الله المستعان ..
بس ولو يعني هذا صديقي من 10 سنين وأنا وياه مثل الأخوان وأكثر بعد , يعني المفروض أكون عارف أبوه وأهله كلهم .. وعارف وش معهم من سيارات وكيف أستخدامهم لها .. هل هم محافظين أو من جنبها ..
أنا لي خووي لي تقريبا ماشي معها أكثر من 7 سنوات , والله ماشفت منه إلا كل خير , وعارف أهله كلهم والنعم فيه .. ووالله العظيم إن سياراتهم أنظف السيارت اللي شفتها في حياتي ..
كلها من 2005 وتحت , بس يعلم الله إنها كلها بودي بلد ونظيفه بمعنى الكلمه , ولو بشتري سياره من سيارتهم أشتريها وأنا مغمض لاني عارف وش فيها ووش مافيها , إذا صار فيها شي , يدق علي , إياد يلا مشينا الصناعيه نبي كذا وكذا وكذا , بس ماشاء الله عليهم محافظين لا أبعد درجه ,,
وأسف ع الإطاله ..
مشكور ياغرك جمالك ,, وتستاهل لايييك يالغالي ..
8
0
الان ماعليك من احد صديقك او اخوك لاتاخذ السياره الا بعد ماتفحصها
مافيه امانه الحين
4
0
7
0
وماغير أقول الله يعوض الرجال خير ويخلف عليه وبيني وبينك الزمن ذا أخوك لاتثق فيه والي بيشتري سيارة يفحصصصصص
قبل يشتري والله ينصر المسلمين ... مشكور على الموضوع .
5
0
7
0
4
0
خبري بصدام الفياجرا فيبر شلون يطلع فيه سمكره!! الفيبر يغير مايسمكر
الشي الثاني ياما طحنا بناس تقول بستخدم ويغثك على موترك ويحلف انه يبي يستخدم علشان تنزل السعر واخر شي تلقاه عارضها للبيع مثل خويك بالضبط لانه رايح يبيعها ويدور المرابح من وراها
ياخوان زينو النيه والله ثم والله لاصارت نيتك زينه ربي يعينك ويبعدك عن النصابين
3
0
قهر
4
0
2
0
خطأ بالموضوع أو لا لكن أنا نقلتها كما سمعتها من صاحبي , و الفايدة يا اخوي من القصة العظة و العبرة , أنت خذ الفايدة و اللي ما
منه فايدة إتركه , و بالنهاية أشكر الجميع على المرور و الله يسعدكم .
1
0
الله يعين الزمن هذا الواحد يبيع خويه عشان كم اللف !! والحين ماشين على نظام صاحبك فلوسك اله ﻻيبﻻنا ..
2
0
2
0
وللأسف 10 سنوات عيش وملح وبلآخر الخوي باع خويه
1
0
2
0
1
0
تحياتي
1
0
قبل 11 سنه و 3 شهر