أضف سؤال أو موضوع جديد          

ولى زمان الثقة في الأصحاب و الأحباب

up 16 down 1



السلام عليكم و رحمة الله و بركاته ,,,

أسعد الله أوقاتكم بكل خير حبايبي و اخواني , اليوم حاب أتكلم في موضوع مُحزن و يدعو للتعجب و لا عجب في هذا
الوقت أن يبيع الشخص ضميره مقابل (حفنة من الريالات) !!!! نعم يا أحبائي الذمة و الصدق في هذا الوقت عملة نادرة 
ولا أصدق من حديث الحبيب محمد صلى الله عليه و سلمً :( إذا ضاع المعروف و ضاعت الأمانة بين الناس فإنتظروا الساعة)
و القصة التي سأحكيها لكم ليست عن شخص غش شخصاً لا يعرفه أو ليست بينه و بين المشتري علاقة !!! بل سأحكي عن
شخص غش صديقه الذي يعرفه لأكثر من 10 سنوات !!!! و ما هو المقابل ؟ (مجرد حفنة من الريالات) !!!!!
طبعاً القصة حصلت لأحد زملائي و ملخصها:

صاحبي كان حاب يشتري مرسيدس (فياقرا) و كان حاب ياخذ شي نظيف , طبعاً مثل المواصفات اللي يبيها + السعر اللي معاه
صعب يحصلً نظيف , المهم كلمه واحد من ربعه و قال له: طلبك عندي موتر الوالد (2003) نظيف و حاب يبيعه و ما راح
نختلف بالسعر راح أعطيك أقل من سعر السوق !!! صاحبنا إنبسط و ظن إن صاحبه  حاب يسوي معاه خير يوم إنه رضى
يبيع له بأقل من سعر السوق , فسأله عن حالة السيارة( فيها صدمات , تلفيات إلخ ...) طبعاً صاحبه لمًع صورة السيارة فعيون
صاحبنا , و ذكر له بأن السيارة خالية من الرش و الصدوم و حالتها الميكانيكية عال العال , المهم صاحبنا على نياته راح للمعرض
و أفرغ السيارة بإسمه بدون حتى لا يسوق السيارة و يجربها !!!! (ثقة عمياء) أخذ السيارة الرجآل و جلست معاه 3 أو 4 شهور
تمام التمام , بس بعد فترة خاف إن السيارة (تبدا تطلب) و خصوصاً في شوارعنا الباريسية (حفر , مطبات , شوارع مكسرة إلخ..)  
فقرر إنه يبيعها و يشتري له (جيب) و راح للمعارض فعلاً و لقى زبون راغب في السيارة و طلب فحصها و هذا من حقه , المهم
راح صاحبنا لمركز الفحص و بنفسه واثق بأن السيارة (شد بلد) ما فيها صدوم و لا رشات !!!! طبعاً على كلام صاحبه المهم و
بعد الكشف على السيارة إتضح الآتي:

1/ رش في الجانب الأيمن كامل .
2/ سمكرة في الصدام الخلفي .
3/ تعديل في زاوية الكبوت .


طبعاً بعد كل هالأشياء إتضح إنه (ملعوب عليه) و إن الفلوس اللي دفعها لصاحبها هي أعلى من قيمة السوق
بكثير !!! و لكن (الثقة العمياء) خلته يعتقد بأن صاحبه كان مخفض له عن قيمة السوق و إنه مراعيه بحكم
العشرة اللي بينهم !!! و لكن عندي تساؤل: هل غاب الصدق و غابت الذمة حتى عند أقرب الناس ؟
طبعاً أترك التعليق لكم حبايبي و اخواني ,,,

همسة:( لا تحرموني من طلتكم التي أسعد بها , و وجودكم الذي يثري موضوعي , أستودعكم الله التي لا تضيع ودائعه)







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا اله الا الله محمد رسول الله والله زعلتني وين العشره وين الاخوه راحت لاجل المال تصدق يا اخوي انا وخوي تربينا سوا وفي الاخير باعني عشان سياره الحمدلله على كل حال وغير كدا يا اخوي كويس انك تنبه الي في الموقع عن الخويان ايش يسوا في بعض والله يعوضك صاحب ولا تحرمني من دعوه منك


up 4 down 0
bes0 732
قبل 6 سنه و 2 شهر



@@@@@@@@@@@@@@@@@@@


نحن في زمن ال‏سِنُونَ الخَدَّاعَةٌ ..


عَنْ ‏ ‏أَبِي هُرَيْرَةَ ‏ ‏قَالَ ‏ ‏قَالَ رَسُولُ اللَّهِ ‏ ‏صَلَّى اللَّهُ عَلَيْهِ وَسَلَّمَ ‏ ‏إِنَّهَا سَتَأْتِي عَلَى النَّاسِ ‏ ‏سِنُونَ خَدَّاعَةٌ يُصَدَّقُ فِيهَا الْكَاذِبُ وَيُكَذَّبُ فِيهَا الصَّادِقُ وَيُؤْتَمَنُ فِيهَا الْخَائِنُ وَيُخَوَّنُ فِيهَا الْأَمِينُ وَيَنْطِقُ فِيهَا الرُّوَيْبِضَةُ قِيلَ وَمَا‏ الرُّوَيْبِضَةُ قَالَ السَّفِيهُ يَتَكَلَّمُ فِي أَمْرِ الْعَامَّةِ . رواه أحمد وغيره .


up 4 down 0
oo أبو عبد الرحمن oo 1772
قبل 6 سنه و 2 شهر



انا اشوف انه غلطان ما فيها شي لو فحص السياره من اول لأن الطيبه وحسن النيه ما تنفع في هذه الايام
انا قبل سنتين شريت فورد 98 من رجال كبير في السن في رمضان وحلف ايمان ان الموتر نظيف
المهم صدقته وقلت رجال كبير ومحترم وفي رمضان قلت اكيد ما راح يغشني المهم جلس معي سنه
غيرت فيه بس طقم كفرات وسافرت عليه والموتر ما شاء عليه المهم بعد سنه معاد ارتحت له قلت خلتي ابيعه
وجاء دكتور مصري وكشف على الموتر طلع الشاص مضروب وملحم من عند باب السواق
وقال الميكانيكي لو اخذت مطب قوي ممكن ينكسر والحمدلله بعتها على شريطي بخسارة ثلاثة آلاف من مشتراها
لكن نقول لسا الدنيا بخير والعينه هذي قليله ان شاء الله ولكم احلى لايك 


up 6 down 0
ابوخلوودي1 5046
قبل 6 سنه و 2 شهر



لا إله إلا الله ..
وين راح الصدق والأمانه , والأهم من هذا كله { العشره } 10 سنين مو بسيطه .. يعني أبيع صاحبي واللي مثل أخوي , على سياره ماتسوى حتى ظفر رجله , والله الدنيا ضاعت وماباقي من الناس اللي فيهم خير إلا القليل ..
لكن مانقوول إلا الله المستعان ..
بس ولو يعني هذا صديقي من 10 سنين وأنا وياه مثل الأخوان وأكثر بعد , يعني المفروض أكون عارف أبوه وأهله كلهم .. وعارف وش معهم من سيارات وكيف أستخدامهم لها .. هل هم محافظين أو من جنبها ..
أنا لي خووي لي تقريبا ماشي معها أكثر من 7 سنوات , والله ماشفت منه إلا كل خير , وعارف أهله كلهم والنعم فيه .. ووالله العظيم إن سياراتهم أنظف السيارت اللي شفتها في حياتي ..
كلها من 2005 وتحت , بس يعلم الله إنها كلها بودي بلد ونظيفه بمعنى الكلمه , ولو بشتري سياره من سيارتهم أشتريها وأنا مغمض لاني عارف وش فيها ووش مافيها , إذا صار فيها شي , يدق علي , إياد يلا مشينا الصناعيه نبي كذا وكذا وكذا , بس ماشاء الله عليهم محافظين لا أبعد درجه ,,
وأسف ع الإطاله ..
مشكور ياغرك جمالك ,, وتستاهل لايييك يالغالي ..


up 8 down 0
عاشقـ الماركيز {1991} 3500
قبل 6 سنه و 2 شهر



حسبي. الله ونعم الوكيل صدق حنا في اخر زمان
الان ماعليك من احد صديقك او اخوك لاتاخذ السياره الا بعد ماتفحصها
مافيه امانه الحين


up 4 down 0
azera .. 2012 3503
قبل 6 سنه و 2 شهر



اخي الكريم الموضوع ليه شقين ... الشق الاول ان صاحب السياره الاول لايعلم مافي السياره من عيوب ومن استخدامه لم يظهر شئ وباعها وهو لا يعلم مابها ...الشق الثاني ان فعلا كان لازم المشتري يفحص ويطمن ... انما الثقه وطيبه القلب العمياء لا تصلح في الزواج والسياره ... المؤمن كيس فطن


up 7 down 0
ramyshubra 1322
قبل 6 سنه و 2 شهر



صباح الخير وقصة محزنه فعلا .

وماغير أقول الله يعوض الرجال خير ويخلف عليه وبيني وبينك الزمن ذا أخوك لاتثق فيه والي بيشتري سيارة يفحصصصصص

قبل يشتري والله ينصر المسلمين ... مشكور على الموضوع .




up 5 down 0
مستر بن . 10372
قبل 6 سنه و 2 شهر



الخير موجود والشر موجود والانسان مايقدر يعيش بدون اصدقاء يثق فيهم لكنهم قلة. والانسان لازم يفرق بين صديق وصاحب. الصديق انسان عاشرته وعرفته ومريت بمواقف معاه حتى اقتنعت انه صديق يعتمد عليه وتامنه على سرك. الصاحب اقل منزلة فهو انسان تتونس معاه في حدود وتروحون الاستراحة سوا ويمكن تسافرون مع بعض ولكن في نفس الوقت تحرص منه لكن ما تخونه الا بدليل. ومشكلة خويك ان خلط الصداقة مع الصحبة واعتقد ان صاحبه صديق.


up 7 down 0
ابو محمد 718 370
قبل 6 سنه و 2 شهر



اااه لقد ادميت قلبي ونكأت جرحي


up 4 down 0
ابومشعل 8 125
قبل 6 سنه و 2 شهر



مستغرب من شي وانا اخوك ويمكن انك غلطان
خبري بصدام الفياجرا فيبر شلون يطلع فيه سمكره!! الفيبر يغير مايسمكر 

الشي الثاني ياما طحنا بناس تقول بستخدم ويغثك على موترك ويحلف انه يبي يستخدم علشان تنزل السعر واخر شي تلقاه عارضها للبيع مثل خويك بالضبط لانه رايح يبيعها ويدور المرابح من وراها 

ياخوان زينو النيه والله ثم والله لاصارت نيتك زينه ربي يعينك ويبعدك عن النصابين 


up 3 down 0
العنقري 588
قبل 6 سنه و 2 شهر



لاحول ولاقوة الا بالله




قهر


up 4 down 0
الحد المستحيل 8
قبل 6 سنه و 2 شهر



طبعا اللي كشف على السياره قال انه بغى يكذب عليه ويبيعه مصدوم وهو ماخذها من صديقه وما يدري عنها......قمه الاحراج


up 2 down 0
b or not be 1430
قبل 6 سنه و 2 شهر



شكراً على مروركم حبايبي و اخواني , منوريني والله , و بالنسبة لأخوي العنقري , أنا نقلت القصة لكم مثل ما جتني عاد الله أعلم في
خطأ بالموضوع أو لا لكن أنا نقلتها كما سمعتها من صاحبي , و الفايدة يا اخوي من القصة العظة و العبرة , أنت خذ الفايدة و اللي ما
منه فايدة إتركه , و بالنهاية أشكر الجميع على المرور و الله يسعدكم .


اول ما نزلت النوضوع دخلت برد عليك بس قفلت الردود >> الله يقطع هالنظام 

الله يعين الزمن هذا الواحد يبيع خويه عشان كم اللف !! والحين ماشين على نظام صاحبك فلوسك اله ﻻيبﻻنا ..



up 2 down 0
كن بسيطآ تكن أجمل 7883
قبل 6 سنه و 2 شهر



الموضوع *****           


up 2 down 0
كن بسيطآ تكن أجمل 7883
قبل 6 سنه و 2 شهر



يقول صديقك من صدقك ليس من صدقك 

وللأسف 10 سنوات عيش وملح وبلآخر الخوي باع خويه 



up 1 down 0
brake 1306
قبل 6 سنه و 2 شهر



التمس له عذر يمكن مؤ عارف بالرش جل من لا يسهو


up 2 down 0
ليدر2010 545
قبل 6 سنه و 2 شهر



المفروض انه قال بيجربها يوم معه ويفحصها ويمسك خط فيها ولا تاخذ ساعتين من وقته،،،انا ابلوم خويه اكثر لو قال ابجرب الموتر هل يناسبني ولا  لا ورفض خويه طلبه


up 1 down 0
ابوعبدالمحسن123 532
قبل 6 سنه و 2 شهر



اخوي لاتضلم الرجال يمكن اشتراها وما يدري انه فيها مشكلة مثلك انت اشتريتها منه وبعدين بعتها لشخص آخر وطلعت المصائب
تحياتي


up 1 down 0
الكاسر 1409 255
قبل 6 سنه و 2 شهر