مشروع قاعدة بيانات السيارت المستعمله في معارض الحراج

6 0

لايمكنك التصويت حتى الحصول على 20 نقطة على الأقل
إضغط هنا للإخفاء

ramyshubra 1320
قبل 11 سنه و 2 شهر

السلام عليكم ورحمة الله

أحبابي الكرام

خطرت في بالي فكره مشروع قوي جداً , وهو مشروع قاعدة بيانات السيارت المستعمله في معارض الحراج سواء بالنسيم أو الشفاء أو أي معارض أخرى في المملكه , فكرة المشروع في البدايه هاتكون بسيطه وهايتم فيها مثلا تعيين مجموعه مندوبين عشان يلفو على المعارض ويعرضوا عليهم الفكره بإن لدينا قاعدة بيانات على الإنترنت ستساعد كل صاحب سياره في إيجاد المشتري المناسب لها وطبعا صاحب كل معرض هايتفاعل ومش هايخسر حاجه لما يقول للمندوب معلومات عن السياره ويخليه يصورها كمان ..
كده بنبني قاعدة بيانات ضخمه من السيارات المستعمله ووجودها أونلاين هاتزود فرص بيعها بشكل كبير لأن ممكن تلاقي مشتريين من خارج الرياض بل ومن خارج المملكه أيضاً.

لو حد قالي موقع حراج هايخسر , أقوله لأ , بالعكس تماما , زوار موقع حراج فئات الناس الي عاوزه تبيع سيارتها من غير ماتنتظر مشتريين في شمس الحراج أو ليس لديهم وقت للبحث عن مشتري , لكن فكرتنا مختلفه , إحنا موجهين لأصحاب المعارض فقط إلي هما الحراج أصلا.
من جانب أخر إيجابي بنقلل فرص نصب الشريطيه لأننا بنقلل نسبة الناس الي بتنزل تلف تبيع سياراتها من غير ماتعرف سعر أو سوم سيارتهم الحقيقي ولكن من خلال تقارير إحصائيه لمتوسط سعر بيع سيارته في السوق وتقييم وأراء المشتريين هايقدر يعرف سعرها الحقيقي وساعتها هايكون نازل وعارف هايبيعها في متوسط كام.

من جانب أخر ممكن يكون فيه جانب إعلانات في الموقع عن ورش ومحلات الفحص الممتازه وغير المشهوره بحيث نحرك عندهم عجلة الشغل وناخد منهم مقابل مادي نظير الإعلان في الموقع , وممكن برضو نعمل إعلان للميكانيكيه (المرافقين) الي ممكن ينزل معاك ويلف بحيث كل واحد يضع تسعيرته والوقت المتاح ليه ورقم جواله وأيضا نترك مجال للتعليقات والتقييم للناس دي , ميكانيكي ممتاز , ميكانيكي نصاب ونقدر نجمع قائمة بالمتميزين وقايمه بالنصابين هههههه.
ممكن نطلع تقارير شهريه أو أسبوعيه عن أكثر سيارات تم بيعها بحيث نعطي فرصه للناس إنهم يعرفوا أكثر سيارات عليها طلب وليس أن يكون فقط مصدرهم هو وقفتهم في السوق أو سؤال أهل الخبره .


وكده أي حد مش محتاج يلف بنفسه على المعارض عشان يسأل عن سياره متاحه أو غير متاحه , ممكن من بيته يدخل ويعرف فين السياره ومعلومات كامله عنها ومكان المعرض مثلا بخرائط الجوجل وجوال المدير وجوال صاحب السياره مثلا بحيث ينزل من بيته على المعرض وهو عنده معلومات عن السيارات الي هايبحث عنها.
ممكن برضو فيما بعد يكون فيه نسخه من الموقع على الأيفون والأندرويد والأيباد والجالاكسي بحيث تكون متوفره في يد الجميع.
ممكن برضو نفتح مجال التعليقات عشان الي راح شاف سياره ولقي فيها مشكله بعد فحصها يكتب في التعليقات تقرير في صاحب المعرض إنه بيبيع سيارات خربانه وبكده ممكن نجمع بيانات لأصحاب المعارض الي لا يخافون الله , وعلى العكس ممكن من خلال تقارير المشتريين نقيم صاحب معرض أخر إنه راجل محترم وسياراته كما وصفها للمندوب وبكده بتزود فرص مبيعاته.

بالنسبه للتنفيذ كموقع وتصميم فأنا أصلا مصمم مواقع وجرافيك أكثر من 10 سنوات الحمد لله في سوق مصر والسعوديه , يعني الحمد لله التنفيذ سهل ومعايا مبرمجين في مصر والسعوديه شغال معاهم , بس الصعب في الموضوع قابليه تنفيذ الأفكار على أرض الواقع.

الموضوع مفتوح لمقترحاتكم وممكن يكون مشروع كبير فيه مساهمات من ناس جاده تتواصل معانا بالأفكار والمجال مفتوح للمساهمه بالأفكار
وأثق كل الثقه في إخواني بجديتهم بحيث نجمعها ويكون فكرة جيده لمشروع له مساهمين وأرباح تتوزع على كل مساهم ...


محبكم أبو يوسف
 

إبلاغ

الردود