أضف سؤال أو موضوع جديد          

محتار بين أبقاء التاهو او شراء رانجلر

up 8 down 1
بدر بن حسين 424
قبل 7 سنه و 10 شهر



السلام عليكم و رحمة الله و بركاته

بارك الله فيكم و بكم ، و اسأل الله ان يوفقنا و يوفقكم لما يحبه و يرضاه

اخواني الكرام ، انا املك تاهو ltz 2008 ، وكاله من يوم ماطلع معاي
ما شاء الله الان تقريباً لُه 5سنوات ونصف !

بصراحه بديت فعلياً بالفتره الاخيره بـ ( فكرة تغير السياره )
و فكرت إني إبيع التاهو و إشتري ( رانجلر ) ، موديل 2011، 2012 ! ( بآب أو بآبين ) !

طبعاً لـ المعلوميه : التاهو ( سيارتي الخاصه ) ، لان انا من الناس الي إرغب السيارات الكبيره .
+ محسوبكم ( مطوع ) ههههههههه ، حِنا المطاوعه مانركب أي سياره كخخخخخخ ،

فـ وشرايكم بالفكره
هل تؤيدون التغيير ؟
هل الخطوه هذي تعتبر خطوه إيجابيه في التغير ؟
هل الرانجلر سياره عمليه مثل التاهو ؟ ولا تعشق الورش الله يبعدكم و يبعدنا عنها ؟
وتقريبـاً الاسعار كم بـ السوق للمستخدم النظيف ؟

لـ المعلوميه : انا مانيب راعي لا تطعيس ولا سرعه ولا بر .

طبعاً انا كاتب الموضوع ( للإستشاره ) و أيضاً لإخذ وجهات النظر
- مُتأكدً بأن لكل إنسان شخصيه مُستقله ، ولكن بعض الاوقات تكون بعض القرارات تحتاج لـ ( رأي اخر ) .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بصراحة رانجلر شبابي ما يناسبك
سيارات جنرال موتورز كبيرة الحجم:
تاهو - سوبربان - يوكن - يوكن اكس الا
هي الانسب للمتدينين ( مطاوعة ) لكن اللفظ مهذب

وهذا رايي


up 5 down 0
albrufesoor 2100
قبل 7 سنه و 10 شهر



اكس ال طويل يعني


up 1 down 0
albrufesoor 2100
قبل 7 سنه و 10 شهر



وعليكم السلام


اخوي التاهو افضل من الرانجلر

انتوا يالمطاوعة ماتكفيكم حرمة واحدة لازم تثنون وتثلثون ههههههههههه فانا اقترح ان تبقى على التاهو لانه اوسع واحلى في الشكل



up 5 down 0
شهري 507 2306
قبل 7 سنه و 10 شهر



انت شكلك كرهت السيارة لانها طولت معك ، رأيي تطق لك دودج دورانجو ، او جيب قراند شيروكي 

سيارتين فخمة وعائلة وعملية وسعرها حلو

الله يجعلنا جميعا مطيعين لله سبحانه ، 

عكس المطيع = عاصي ، ومن يرضى ان يكون عاص لله !


up 5 down 1
Bin.salem12 854
قبل 7 سنه و 10 شهر



يالغالي اذا كنت مرتاح مع التاهو خله معك احسن



( خلك على قردك لا يجيك اقرد منه )


up 4 down 0
hmada1213 2020
قبل 7 سنه و 10 شهر



التاهو سياراه ذات جوده ممتازه و تتحمل الاستخدام
عكس الرانجلر تماما رح تستمتع فيه اول شهرين و بعدين تراجع فيه الورش والوكالات
عن تجربه سيارات *دوج كرايسلر جيب* لاتستحق الاقتناء ابدا


up 7 down 1
فــــهد 270
قبل 7 سنه و 10 شهر



الحقيقه ما في مقارنه لان الرانجلر صغير و شبابي و حق بران و مكينته كمان اظعف من التاهو خلك على التاهو احسنلك لانها عائليه و واسعه و قويه و يكفي انها 8 سلندر  


up 4 down 0
abo3tb 511 1737
قبل 7 سنه و 10 شهر



الرانجلر كود تاخذ حقك منه بالبر ولاتراك بتطلع خسران ! 
 
 وبعدين غالي ، عندك الباب الواحد ب ١٠٠ الف تقريبا اذا بتاخذ فل
 
 هذا غير انه يفرق ١٨٠ درجة عن التاهو بالراحه والعزل والهدوء
 
 وانصحك إن كان لابد من التغيير بالدوج دورانجو ، صحيح الوكاله الله بالخير
  
لكن الموتر تحفه 


up 2 down 0
فكوك 1684
قبل 7 سنه و 10 شهر



التاهو احسن لك ياخوي قوة وفخامة وقطع ارخص بكثير من الرانجلر الوكيل زفت وخدمات تعابنة التاهو كبير واحسن للعائلة


up 0 down 0
رايق السيارات 590
قبل 7 سنه و 10 شهر



تاهووو منتاز


up 0 down 0
oo8m8oo 202
قبل 7 سنه و 10 شهر



يا اخي انا ما ادري وش دخل المطاوعة بالسيارات!!!الناس كلهم مطيعون الله بصلاتهم وصيامهم


up 0 down 0
ابوعبدالمحسن123 531
قبل 7 سنه و 10 شهر



القراند شيروكي الشكل الجديد من ٢٠١١ ،،،،
يجمع مميزات الجيب في البر وأيضاً ممتاز في المدينة والسفر .


up 0 down 0
aboabdarrhman
قبل 7 سنه و 7 شهر