أضف سؤال أو موضوع جديد          

بلف الحراره - الثرموستات - Thermostat

up 15 down 1
speed for ever 3701
قبل 6 سنه و 8 شهر



السلام عليكم ورحمة الله وبركاته

بلف الحراره مهم جدا جدا وينظم الحراره ويخليها ثابته عشان يحافظ على راس المكينه

ولازم تركب أصلي وكاله وتتأكد أنه مناسب لسيارتك .. لأن درجة حرارة البلف تختلف ( البلف يفتح عند درجه حراره محدده .. حسب الحراره يسكر أو يفتح شوي أو يفتح بالكامل )

اذا ركبت بلف تجاري أو بلف غير مناسب لسيارتك ... راح يلخبط الحراره عندك وبيأثر على السياره

لو تلاحظ اللي فاك البلف .. الحراره تلعب مره ترتفع ومره تنخفض .. وهذا يؤثر على رأس المكينه ( ينشعر بسبب التغير المفاجئ بحرارة الماء )

لكن الشريطيه .. عشان يتخلصون من السياره اللي حرارتها ترتفع جدا وبأقل تكلفه .. يفكون البلف واذا جيت تشتري السياره يقولك ماله ضرر والخ ... وهو نصاب

يعني معقوله يكون أكثر خبره من المهندسين اللي صنعوا السياره !! مستحيل


طيب كيف نحل مشكله الحراره العاليه ؟؟؟

1) لازم تكون السياره بارده تماما ( لأن التغير المفاجئ بالحراره يعدم رأس المكينه )

2) تسييخ رديتر وتنظيف مجاري الماء برأس المكينه .. فيه مادة خاصة للتنظيف ( عند ساكو ) عليها رسمة رديتر ومكتوب عليها Flush .. المادة هذي مصنوعه خصيصا لتنظيف الراديتر ومجاري الماء برأس المكينه .. لكن اتبع الإرشادات المكتوبه خلف العلبه ..

^ ترى هذا يختلف اختلاف كامل عن (( فلاش الحمامات الله يكرمكم ))
فيه فرق بين Flush و Flash .. فلاش الحمامات يضر المكينه واللّيات و الراديتر

3) فحص طرمبه الماء .. وتغييرها بأصليه اذا تحتاج تغيير

4) تلحيم الراديتر اذا فيه تنسيم أو تهريب

5) تغيير اللّيات اذا فيها شقوق أو تهريب أو تعيق حركة الماء

6) تغيير غطاء الراديتر اذا يحتاج تغيير ( اذا كان متآكل من الصدأ أو متقطعه الربلات اللي تكون بالغطاء )

7) تنظيف الخرطوش \ اللّي يكون بين الراديتر وقربة الماء ( الخزان الإحتياطي )

8) تنظيف القربه وغسلها

9) فحص مراوح التبريد والتأكد بأنها تعمل بشكل ممتاز ومراوحها سليمه ومافيها كسور - فحص حساس الحراره

10) تعبئة ماء راديتر أصلي ( والنوع المناسب يختلف حسب السياره .. ألمنيوم أو حديد أو الخ ... ) أقرأ كتالوج سيارتك .. واذا كتالوج سيارتك ضايع لا تشتري ماء الراديتر إلا من الوكاله .. لأن عندهم النوع المناسب لسيارتك

بعض انواع ماء الراديتر يجي غير مخلوط ومركز 100% ويحتاج تخفيف ضروري بالماء المقطر , لازم تكون النسبه 50%ماء راديتر و 50% ماء مقطر

بعض انواع ماء الراديتر يجي مخلوط ومركز بنسبة 50% .. فقط تعبيه .. ولا تضيف ماء مقطر بنسبه كبيره !!
لأنه أصلا مخفف ونسبة التركيز 50% .. تحتاج 2 جالون ماء راديتر
واذا نقص ماء الراديتر عندك .. زده ماء مقطر

لنفرض انك بتعبي 1.75 لتر ماء راديتر و 5.25 لتر ماء مقطر .. بتصير نسبة تركيز ماء الراديتر فقط 25% !!


طيب متى تحتاج تغير ماء الراديتر ؟؟
حسب نوع ماء الراديتر ..

بعض ماء الراديتر .. عمره وصلاحيته طويله .. و صالح للإستخدام لمده 5 سنوات أو 200 ألف كيلو متر ( يكون مكتوب على العلبه )

وبعض ماء الراديتر .. عمره و صلاحيته قليله

واللي يجي من المصنع .. جودته عاليه
لكن لكل شيء صلاحيه

يعني مثلا ماء راديتر الهوندا أكورد من المصنع يتحمل 200 ألف كيلو أو 10 سنوات ( من الكتالوج ) .. ثم تحتاج تغيره كل 100 ألف أو كل 5 سنوات ( من الكتالوج )

يعني اذا السياره على يدك وكاله .. ولا احد غيّر ماء الراديتر قبلك .. شف كتالوج سيارتك ولا تغيره إلا اذا وصلت المسافه أو المده المحدده بالكتالوج


أخوي كان معه فورد مفكوك بلف الحراره .. وخبطت عليه المكينه بعد فتره


ملخص :

فوائد بلف الحرارة :

1) تنظيم وتثبيت الحراره ( الحراره المحدده من المصنع .. هي أفضل حرارة للسياره من جميع النواحي " الأداء - استهلاك البنزين - الحمايه - والخ... " ) وأغلب السيارات خصوصا الجديده حرارتها على الربع أو الثلث

2) سرعة تسخين السياره بالشتاء ( السياره اللي مفكوك بلفها تاخذ وقت طويل عشان تسخن بالشتاء )

3) حماية رأس المكينه والخ... من تغير حرارة ماء الراديتر بشكل مفاجئ


والوقايه خير من العلاج

غيّر ماء الراديتر حسب توصية الشركة الصانعه لسيارتك ( الكتالوج ) وراح تحافظ على سيارتك وتحمي أجزاء تبريد السياره من الصدأ والتآكل


* لا تخلط ماء الراديتر بنوع ثاني أو بلون ثاني .. اذا نقص وبغيت تزيده ( زده ماء مقطر )
* النوع المناسب .. تعرفه من كتالوج سيارتك أو من وكالة سيارتك
* كرتون الماء المقطر بـ 15 ريال ( 12 علبه ) يعني العلبه بـ 1.25 ريال .. والبناشر يبيعون العلبه بـ 2 أو 3 ريال
* ماء الراديتر التجاري مستحيل يكون مثل الأصلي .. التجاري فقط لون





















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صراحه موضوع رائع والنصايح مهمه وتحذير من حركات الشريطية
بيض الله وجهك ولك لايك


up 1 down 0
ali-911 3097
قبل 6 سنه و 8 شهر



تستاهل لايييك يالطيب .. وموضوعك ممتاز جدا ومفيد .. للي يبي يحافظ ع راس الماكينه ..


up 2 down 0
عاشقـ الماركيز {1991} 3502
قبل 6 سنه و 8 شهر



معلومات هامة و إستفدت منها حقيقة , شكراً حبيبي + أطلق لايك .


اهنيك على موضوعك الكامل والجميل والله يسعدك يارب


up 0 down 0
bes0 732
قبل 6 سنه و 8 شهر



تسلم على الموضوع أما بالنسبه لي أنا أشيل البلف بالصيف وأركبه بالشتاء أعتقد إذا شلته بالصيف المكيف يبرد أكثر وهو بالأساس

مصنوع للمناطق البارده ومايناسب أجواء الخليج اللطيفه 


up 1 down 0
ابــو ســنــد 10639
قبل 6 سنه و 8 شهر



السلام عليكم ماشاء الله تبارك الله والله معلومات مفيده جدا وهذا عين الصواب على وكالتها لاتسوي شي اشكرك على هذا الموضوع


up 0 down 0
مزعل فرحاان
قبل 6 سنه و شهر



جزاك الله خير         


up 0 down 0
طاهر ال عيسى 2
قبل 4 سنه و 4 شهر



مشكووووور اخي موضوعك جدا رائع ومفيد 
بارك الله فيك 


up 0 down 0
EMADQAROT 17
قبل 4 سنه و 3 شهر



ممتاز وأستفتدت كثير من طرحك بارك الله فيك


up 0 down 0
sniper 999 -1
قبل 3 سنه و 7 شهر



0553443438               


up 0 down 1
sniper 999 -1
قبل 3 سنه و 7 شهر



مشاهدة الصور عن طريق الروابط الموجوده في الاسفل
 صور مشبات,مشبات,مشبات رخام,ديكورات مشبات,ديكور مشبات,
 مشبات حديثه,مشبات جديده,مشبات ملكيه,ديكورات مشبات حديثه,مشبات تراثيه
 ديكورات مشبات,ديكور مشبات,ديكورات مشبات جديده,ديكورات مشبات ملكيه
<a href="http://www.mchaabat-photos.com/">صور مشبات</a>
<a href="http://www.mchaabat.com/">مشبات</a>
<a href="http://www.mchaabat.com/">مشبات رخام</a>
<a http://www.mchaabat.com/2014/05/Photos-Mchaabat-decorations-Mchaabat-Mhb-fire.html/">مشبات رخام</a>
<a href="
http://www.mchaabat-decoration.com/">ديكورات مشبات</a>
http://www.mchaabat-photos.com
http://www.mchaabat.com
http://www.mchaabat-decoration.com  
<a href="
http://www.mchaabat-decoration.com/">مشبات,مشبات رخام</a>
<a href="
مشبات الرياض,مشبات ملكيه,مشبات طوب,تصميم مشبات,مشبات تراث
مشبات نار,مشبات حديثه,اوجار,اكمار,مشبات شيوخ,مشبات خيام
http://www.mchaabat-decoration.com  
<a href="http://www.mchaabat.com/">صور مشبات,مشبات رخام,ديكورات مشبات رخام,تصميم مشبات</a>
<a href="http://www.mchaabat-photos.com/">مشبات,مشبات الرياض,مشبات رخام,ديكورات مشبات</a>




<a/">صور مشبات</a>


up 0 down 1
تصميم مشبات -2
قبل 2 سنه و 11 شهر



بصراحة حبيت اعملك لايك بس ماخلوني مشان النقاط وهاي لايك بالتعليق


up 0 down 0
tareqnasief 3
قبل سنه و 11 شهر



بصراحة حبيت اعملك لايك بس ماخلوني مشان النقاط وهاي لايك بالتعليق


up 0 down 0
tareqnasief 3
قبل سنه و 11 شهر



جزى الله خيرا كاتب الموضوع
قمت بتغيير بلف الحرارة اليوم وللأسف لم انتبه لتغيير الماء في اللديتر وسأحاول تدارك الأمر


up 0 down 0
abo_marthad 130
قبل سنه و 11 شهر