أضف سؤال أو موضوع جديد          

إعادة تصنيع بطارية السيارة .

up 14 down 2
مستر بن . 10378
قبل 7 سنه و 7 شهر



السلام عليكم ورحمة الله وبركاته .

مساكم الله بالخير والصحة والعافيه .. لقيت لكم مقطع عن إعادة صنع بطارية السيارة القديمة !!! .

الي حنا نتركهاعند راعي البطاريات ياخذها ويرسلها هي ومجموعة معها الى أماكن اعادة الصنع وتنباع على انها جديدة

والسعر فوق وهي أصلإ مجددة !!!! والله مو ماكل ( هوا ) غير المواطن المستهلك ؟؟؟؟؟؟؟؟؟ .

الله يعوضنا بالجنة ويسهلنا طريقها .. آآمييين يارب .

رابط المقطع ومدمج معه موسيقى ؟؟........ تحياتي لكم .

https://www.youtube.com/watch?v=RdFtl9SQtjs


















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله يمسيقه تفقع الراس

واحلى لايك تشكر علي الموضوع 


up 2 down 0
zezo2468 263
قبل 7 سنه و 7 شهر



اشكرك اخوي مستر موضوع جميل

وانا بطبعي لارحت اغير شئ بسيارتي اخذ معاي القطعه القديمه واحطها بالمستودع لاكن بالأخير بعد كم سنه ارميها وبلأخير مستفاد المهندس ولا استفدت انا اشوف اذا بتترك قطعه قديمه عادي بشرط تنوي بها صدقه لوجه الله الرجال متغرب عن وطنه واهله خله يستفيد خاصتن اللي تشوفه امين وصادق


up 5 down 0
brake 1306
قبل 7 سنه و 7 شهر



المشكله صناعه ردئيه واسعار نار وما تكمل معك سنه !!! .............


يعطيك العافيه ياصاحب الموضوع واحلى لايك


up 2 down 0
سيف الهاجوس 912
قبل 7 سنه و 7 شهر



أكيد هم مايشترون البطاريه منك أو ياخذونها رجيع بدون فايده .. لهم فوائد منها .. وهم المستفيدين .. وموضوع جميل يامستر بن .. وإنت الأجمل .. على فكره .. أمس وأنا ماشي في طريق المدينه .. شفت لك سييارة مستر بن أخت اللي معه .. لونها أسوود وصغييييييييييره مررره .. وربي جنان ماشاء الله .. على طووووول تذكرتك يالغالي .. تستاهل لايييك .


up 3 down 0
عاشقـ الماركيز {1991} 3502
قبل 7 سنه و 7 شهر



حبيبي أبو ميان تدري وين المشكلة ؟ إن كثير من الناس على نياتهم , يعني يروح لم (بنشري) يركب بطارية و طبعاً يجيك اليماني
يقول: هات البطارية أرميها و بعض الناس يصدقون , طبعاً أنا إنتبهت للشغلة من حوالي 5 سنين قال لي واحد من الشباب: إن البطارية
القديمة ما تنرمي يبيعونها رجيع و في محلات متخصصة تعيد تصنيعها , و فعلاً لمًا رحت (البنشري) قلت له: بكم تاخذ البطارية؟
قال: هذي خربانة أرميها في الزبالة (تكرمون) قلت له: طيب خلاص عطنياها أرميها عنك المهم قال: آبخذها ب 20 قلت له: مو
تقول إنها تنرمي في الزبالة ؟ قال: يا أخي خلاص أنا أبيها المهم ومنا ومنا و آخر شي أخذها ب 40 , فأتمنى من الشباب ينتبهون
للنقطة هذي و سلامتكم , شكراً حبيبي + أطلق لايك .


للمعلومية سعر الخربان يتراوح من 10 الا 25ريال ويمكن اكثر في محلات يشترونه منك وهم يبعونه علا المصانع الي تعيد 
التدوير


up 3 down 0
ابوعابد_1414 1201
قبل 7 سنه و 7 شهر



غرك جمالك وابوعابد لكم لايك


up 3 down 0
brake 1306
قبل 7 سنه و 7 شهر



انا اذا جيت ابشري بطاريه جديد ابيع البطاريه القديمه بي 40ريال على صاحب المحل وشكرن---------


up 2 down 0
فارس صالح3 796
قبل 7 سنه و 7 شهر



اهلين اخوي اشكرك على الموضوع الجميل بس بقولك شي (البطاريات الغير معاده تصنيعها حقت فورد وسعرها غالي وتعمر معاك)+(وفي بعض البناشر او محلات بيع البطاريات ينظفوها ويغيرو الي في داخليها ويعبوها مويه ويشحنوها ويركبها بسيارتو للتجربه خلال 5 دقائق ويحطلها كرتون على انها جديده) وهاده الكلام من خوي كان يعرف واحد شغال في محل بطاريات (وسعر البطاريه الخربانه من 15 لـ 30 ريال ولو اشتريت من عندو بطاريه ينقص من سعر الجديده) اخي المستهلك لا تنسى تاخد فتوره من محل الي بتشتري منو بطاريه عشان لها ضمان سنه ولو خربت اقل من سنه ترجعها ويركب غيرها من غير دفع ولا ريال والله يعطيكم العافيه وشكرااا لكم


up 2 down 0
bes0 731
قبل 7 سنه و 7 شهر



مشكوريين أخواني الله يعطيكم العافيه ماقصرتو على مشاركتكم لي الله يوفقكم ولكم لايك .


up 3 down 0
مستر بن . 10378
قبل 7 سنه و 7 شهر



تسلم يامستر على التقرير الرائع وهذا البرنامج جميل أكتب ( How It's Made ) وتشوف كيف الصناعات من البدايه للنهايه



up 2 down 0
ابــو ســنــد 10638
قبل 7 سنه و 7 شهر