هل يوجد فيلا بـ 300 الف في الرياض ؟

بتلقى شقه تمليك بّ آلسعر هذآ ترى مو تحطيم لكن هذآ آلآمر آلوآقع ..

يا حبيبي هذي يمكن قيمة الارض بس

ولكن بال500 الف تحصل فلة دور لكن قديمة  يكون عمرها 20 سنة   والفلة الصاحية اللي عمرها شبه جديده يعني من 7 الى 10 سنوات ودورين فاتوقع من ال700 وطالع على حسب موقعها ومساحة الفلة 

العقار في حالة ركود ونزول .
الي معه بيت بانيه شخصي وجاب قيمة خيالية قبل كم سنة مراح يبيع الحين إلا إذا كان مظطر 
وحالياً أغلب مافي السوق فلل تجارية وشقق تمليك .
أحد الأقارب شاري دورين بمساحة 312.5 بسعر 800 ألف قبل تقريباً 6 شهور 
والآن بنفس المواصفات بسعر 750 واحتمال أقل إذا شافوك جاد 
ولكن ابتعد عنها قدر ما تستطيع لو جلست بإجار إلى أن ربك يفرجها .
حسرتها أكثر من فرحتها .

خالد وين العقار في ركوود !!! شقتي كانت ب16 وصارت ب19 والحين 26 واليوم لقيت شقق تمليك فمخرج 10 مساحه 180 دورين ب745 الف ريال والاراضي ارتفعت اسعارها وانا شاري اراضي رخيصه والحين زاد سعرها والمخطط اتبنى فيه بيوت وبدات تغلى ... خويي فالدوام اخذ قرض 220 الف عشان يبني شقه فبيت ابوه !! كلفته 190 الف قالوها كثيرين اجلس في ايجار لين تجيك قرض الصندوق العقاري وراحت السنين وجلسوا 14 سنه واخرتها لاجاه قرض عقاري وارتفعت اسعار العقار وضيع وقته فالايجار لو حطها فشقه تمليك كان خلص منها 14 سنه او شرى ارض وخلاها وبناها حبه حبه كان يمديه خلصها

ال ٥٠٠ الف تجيب لك شقة غرفتين وصالة. تبغى فلة ب ٥٠٠؟؟ الله يرزقك 
انا محصل فيلا دورين في العليا و٤شقق مساحة الارض ١٠٠٠ م ب ١٨٠ الف قابل للتفاوض 

والله ال ٥٠٠ الف ما عادت تجيب شيء عسى الله يلطف بنا.......

مافهمنا يابو عبدالله يعني الفيلا ارخص من الشقة !! ووين هذاي الفيلا ابو 180 الف 

500000 ما تجيب عمارة عظم وانتي تبي فلة
ياخي كلام غريب

بتحصل في عقار ستي

بس قديمه وفي أحياء ما هي مرغوبه مثل السويدي و النظيم والنسيم ..الخ

يامة محمد هههههه واحسب نفسي ساكن في بيت هههه الله يزين الحال 7000000 الف 

والله ان تسمع بها ههههههههههههههههههه 500 ماتجيب ارض الحين والله يرزقك بقصر ...

أعوذ بالله يا اخوان انا بالاساس عندي ارض ومفكر ابيعها مساحتها 800 متر بعد ما شفت الاسعار خلاص ما ني بايع ابي ابنيها افضل لي 

تحياتي للكل 

نعوذ بالله من الغلا

الله المستعان
بعد كم سنة بتصير الصندقة ب ٥٠٠،٠٠٠ الف