محتار وش اشتري وش الافضل

ماركيز واذا كنت راعي بر وتحب العادي هايلوكس كلها ماشاء الله تكد والله يكتب لك الخير ..

هايلكس ابعد عنها اعرف واحد تفككت عليه الرفارف من المطبات 

الماركيز ممتاز جدا

هايلوكس - قوي - مكينة بسيطة - اقتصادي - مضمون اما الانترا فرق بينها وبين الهايلوكس ... والماركيز انتهى عصره

نصيحة اخويه ابعد عن الالنترا ولا يهمك اللي يقول الكوري قوي ترا الكووري فااااشل من واقع تجربه

من واقع تجربه للكوري ماشي معاي للحين ٥٠ الف ماخليت ديره ماجيتها
وطبلون السياره ماينزل عن ١٦٠ وضرب فيه مطبات على سرعه عاليه كم مره
حق كرف  لو تلعن جد جده يصبر
والله يشهد على ماذكرته
وانصحك بالماركيز والالنترا 
الهايلكس خذها اذا انت راعي بر
ونصيحتي ابعد عنها واذا بتاخذ خذ من قطر 
ورب الكون يوفقك ويكتب لك الي فيه خير

حدد استخدامك 
 
ان كانك راعي بر + المنطقة اللي انت عايش فيها منطقة جبلية او وعرة  وفيها عقبات=هايلكس

ان كانك تبيها استخدام داخل مدينة  وانت مثلا بالرياض منطقة عادية = النترا

ان كانك تبيها استخدام داخل مدينة +خطوط =ماركيز


مع اني شخصيا افضل الماركيز من وحهة نظري ولكن مثلما قلت لك حدد استخدامك ووسع خياراتك اكثر 

مادامك تبغى اقتصاديه خذ لك النترا وريح راسك ,, الفورد اكيد افضل ولو اني مكانك ماراح اشاور اباخذ الفورد لكن انت بغى سياره اقتصاديه 

الماركيز افضل بكثيرررررررررررررر

أنت تقول سيارة أقتصادية وتفكني من الورش

طيب الاختيار بيكون في النترا أكيد 100%

والي يقول غير كذا ماعنده علم الصراحة

والفورد أبعد عن المستعمل لانه غير أقتصادي في البنزين وإذ طحت في واحد مستعمل ومعدوم بيتعبك بالورش لاتدور غير الجديد وسلامتك

ماركيز مريح جداً لكن ممكن التعبان تصرف عليه كثير .. انا طبيت ف واحد مضروب كلفني 5500 ريال ولسه يبيله بويه جديده  ..

والالنترا ممتازه واقتصاديه يكفيك بكل شارع تشوف 3 .. 

ومبروك مقدماً ..

النترا ولا تشاور

الله يجزاكم خير ويوفقكم

انا بالرياض ولاني راعي بر / لاكن راعي خطوط نوعاً ما يعني اسبوعياً لازم خط او اسبوعين كذا

بالنسبه لصرفية البنزين اقول اقتصاديه لان معاي كابر 2002 فـ البنزين بالهبل هههههه

الله يوفقكم ويجزاكم خير بشوف الاسعار وبقرر ماقصرتو

اجل على كذا انصحك بالماركيز

لانه النترا ما تصلح خطوط نهائيا الماركيز افضل منها

الماركيز افضلك ومايصرف بنزين وخاصة فاخطوط الفل يمشيك حول 550 كليو