تجربة شراء سيارتي من الامارات و وفرت عشرين الف في جيبي
24
1
إضغط هنا للإخفاء
السلام عليكم
احب انقل تجربتي الشخصية من باب حب لاخيك ما تحب لنفسك و تعاونوا على البر و التقوى
انا رحت للامارات في عام ٢٠١٠ وشريت بكب متسوبيشي دبل جديدة وكالة و مواصفاتها
سنتر لوك للابواب
جنوط و سيدي و مقابض الابواب كروم و المرايات كهرب و كروم نوافذ كهرب و الاسيات الامامية
مفصولة بدرج المهم انا حاب الموتر و هاوية
وبدا مشوار البحث رحت للوكالة عندنا بالسعودية قالوا لي ب ٧٣٠٠٠
قلت كانه غالي
ورحت للمعرض ولقيت واحدة مقلوبة و حالتها حالة قال ب ٤٠٠٠٠
موديل ٢٠٠٧
المهم بحث بالنت وطحت على(((( معارض راس الخور)))) في دبي اكثر بيعهم جديد
رحت هناك و اخذتها ب ٥٢٥٠٠ مع اوراق الجمرك و كل شي قلت ما شاء الله توفقت
ليش الوكالات الي عندنا اجل غالين هل فيه سبب معين
المهم مرت الايام و احتجت موتر كبير هذا في عام ٢٠١٢
و ابحث بالنت واطيح ع معرض برضو براس الخور و احصل عندهم اكسبدشن
واكلمه واتفق معه ب ١٠١٥٠٠
مائة الف و الف و حمسمائة درهم يعني طلع بالريال ١٠٦٠٠٠ مائة و ستة الاف
طبعا ستاندر دبل مع الاوراق الجمركية و المقاصة
هذا بالنسبة للجديد
وشفت دداسن جدد و سيارات هونداي و هايلوكسات و يفرق بالسعر عن السعودية
مبلغ طيب تحطة في مخباك
يعني انا وفرت بالمتسوبيشي الl200 حوالي ال٢٠،٠٠٠
و بالاكسدشن وفرت تقريبا حول ال٢٠،٠٠٠
اولا ادعو الله ان يبارك لنا في هالسيارتين
ثانيا الي يبي جديد ياخذ دراهمه و يروح و باذن الله يدعي لي
انا ادري ان بعض الشريطية ممكن يهاجم موضوعي هذا لانه يبي الفايدة له
لكن الله يصلحهم
الشي الثاني اذا تبي سيارة مستعملة خذ من مواقع النت بالامارات مباشرة من المالك
لاتروح للشارقة اكثرهم ينزل العداد
مثل هذا الي راح وشراء جيب نتيفا ٢٠٠٨ ماشي ٥٠،٠٠٠ ويحلف انه صادق هذا ممشاه
وهو كذاب
كيف تعرف هل هذا ممشاه الحقيقي اطلب دفتر او كتيب الضمان و تحصل ختوم الوكالة عند التشييك
و الممشا الحقيقي و اذا قال مب عندي الكتيب اعرف ٨٠٪ انه كذاب
لكن خذ رقم الشاص و انطلق للوكالة و شيك ع الممشى
لان اكثر يغشك بالممشى هناك
مرة في عام ٢٠٠٦حصلت باث فندر له اربع سنوات طالع من الوكالة ماشي ٣٣٠٠٠
قلت للمعرض ياخي قليل الممشى
رد و قال حق حرمة مشلولة ولا عندها مشاوير كثر
شف لوين الاستخفاف لا ومن جده يتكلم يعني شايفني مجنون و بصدق
يوم قلت باخذ رقم الشاصي بشيك بالوكالة عليه اذا ممشاه حقيقي اعتبرني شريت
دخل للمعرض شوي و طلع قال امباع قبل شوي صرفني عشان ما اكشف كذبهم
و رحت لمعرض ثاني اخذت منه واحد طالع من الوكالة له ٩ شهور ماشي ٦٢٠٠٠
معدل ٦٠٠٠ بالشهر ومع كتاب التشييكات تلاحظ انهم يمشون السيارات مسافات طويلة
بوقت قصير
الخلاصة الجديد هناك ابرك و ارخص
والمستعمل تاكد من عداده
ولا تنسونا من دعواتكم
واي استفسار انا حاضر. : )
شباب الله لا يهينكم لايك لتعم الفايدة
حب لاخيك ما تحب لنفسك
إبلاغ
الردود
اركب الطيارة لدبي واذا نزلت قل لاقرب تاكسي وديني لمعارض راس الخور
راس الخور منطقة في دبي كلها معارض بس تبيع الجديد
والاسعار انا موضحها بالموضوع ممكن تحصل الان لاني اشوف بعض الناس جايبين
٢٠١٣ من دبي هذا دليل انه مازال موجود
لكن للاسف ماعندي ارقام
اذا حصلت بتزلها ان شاء الله
0
0
قبل 11 سنه و شهر