هي دي القواعد إلي إتعلمناها من الطريق ههههههههههه

19 10

لايمكنك التصويت حتى الحصول على 20 نقطة على الأقل
إضغط هنا للإخفاء

ramyshubra 1320
قبل 11 سنه و 2 شهر

السلام عليكم ورحمة الله

طبعا ده موضوع باللغه المصريه وللأسف القواعد دي الناس بتكتسبها من بعض في الطريق

( تحذير : هذه القواعد ضارة بالصحه ... أنا حذرتكم أهوه لأن الموضوع للضحك فقط )
( كلمة "غرز" معناها بالمصري أنك تلف من حاره لحاره في الطريق بدون إشارات كتشبيه بمن يمسك بيده إبره خياطه ويقوم بخياطه ثوب وعمل غرز)

******************************************************************************
القاعدة الأولى: 
لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!! 

ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!! 
------------ --------- --------- - 
القاعده الثانيه: 

قاعدة البوز بيز:اللي يدخل ببوز عربيته الاول للتقاطع هو صاحب أولوية المرور! احرص على أن تكون صاحب أول بوز. 

ملحوظة: لا تطبق الـبوز بيز مع أي لوري أو أتوبيس، حرصاً على بوزك لا مؤاخذة. 
------------ --------- --------- -
القاعدة الثالثة: 

الإشارات تكشف نواياك للأعداء، أياك أن تستخدمها! 
------------ --------- --------- - 
القاعدة الرابعة: 

لا تترك مسافة للأمان بينك و بين السيارة التي أمامك فهذا له عدة مخاطر: 

1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية. 

2. حتدي فرصة للعيال يملوا الفراغ بينك وبين السياره الي قدامك. 

3. الي وراك حيقعد يزمر - لو كان مؤدب - 
أو تسمع شوية أسامي حيوانات لو كان سواق تاكس - مؤدب - ،  أو حيخبطك من ورا لو كان سواق ميكروباص - و دول مفيش حد منهم مؤدب -. 
الإشارات مش معمولة علشان تنظم المرور ، معمولة علشان شكل الشوارع يبقى حضاري بس! 

------------ --------- --------- 
القاعدة الخامسة: 
اذا كنت مش واقف في الصف الأول في الاشارة اعمل حسابك تضرب زمور بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!! 
------------ --------- --------- -
القاعدة السادسة: 
معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط! 
----------- --------- --------- - 
القاعدة السابعة: 
الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم. 
------------ --------- --------- -
القاعدة الثامنة: 
من حقوقك الدستورية أن تركن أمام باب المحل الذي تريد أن تشتري منه، اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟ 
------------ --------- --------- - 
القاعدة التاسعة: 
من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً. 
----------- --------- --------- - 
القاعدة العاشرة: 
إحترس من ثلاث أنواع من السائقيين بيسوقوا و كأنهم مش ممكن يموتوا: 

1. العيال الروشين الي بيلعبوا Computer Games فاكريين إن ممكن يكسبوا Life زيادة لو ساقوا أسرع 
2. موتوسيكلات توصيل الطلبات ( Home Delivery ). 
3. سواقين الحافلات والأتوبيسات واللوري. 

ملحوظة: إوعى تحاول تثبت لحد منهم إن فكرته غلط. فاهمني!!!. 
----------- --------- --------- - 
القاعدة الحادية عشر: 
لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية. 
------------ --------- --------- - 
القاعدة الثانية عشر: 
عمال النظافه لازم يحللوا اللقمة الي بياكلوها، حاول تنفعهم و ترمي أي حاجة من الشباك. 
------------ --------- --------- - 
القاعدة الثالثة عشر: 
لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ). 
------------ --------- --------- - 
القاعدة الرابعة عشر: 
من حقك أن تعبر الشارع في أي وقت و من أي مكان. 
------------ --------- --------- - 
القاعدة الخامسة عشر: 
اذا كان هناك سيارة قادمة اعمل نفسك مش واخد بالك و عدي براحتك خااااالص بسيارتك، ما تخافش، هوا حيقف، هو اهبل يدوسك و يودي نفسه في داهية؟ 
----------- --------- --------- - 


للأسف , دي سلبيات موجوده يوميا في الشوارع وإتعلمناها من زحمه الطرق والموضوع للتسليه والضحك فقط

تحياتي
أبو يوسف

إبلاغ

الردود