أضف سؤال أو موضوع جديد          

النية مطية و قصة للفائدة

up 16 down 1



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , اليوم جايب لكم قصة عن سوء النية !!! أعاذنا الله و إياكم من سوء النوايا
وزي ما يقول المثل: (من عاش بالحيلة مات بالفقر) !! كثير من الناس للأسف صاروا يهتمون بالجوانب المادية و يغفلون
تصفية (الذمة و الضمير) !!! يعني على سبيل المثال: تلقى كثير من اللي يعرضون سياراتهم للبيع يحاول يخفي عيوب
سيارته بتسميات غريبة و عجيبة في نفس الوقت !!!!!
1/ ضربة قد الكف .
2/ رش تجميلي .
3/ صدمة خارجية غير مؤثرة .
4/ رش خارجي بدون معجون .
5/ لكر و تنر .
6/ رش كامل لتوحيد اللون .
إلخ ...
و القائمة تطول بالمسميات التي لا أرى هدف منها سوى تحسين صورة السيارة أمام الراغب في الشراء و محاولة كسب
أكبر قدر ممكن من قيمة السيارة !!!! كل هذا ليش ؟ عشان ألف و لا ألفين و لا إن شاء الله 20 ألف !!!! تبي تخسر ضميرك
عشان كم ريال ؟؟؟ المهم اخواني طولت عليكم بالمقدمة نروح للقصة و أرجوا من الاخوان المشاركة و الإضافة:

هذي القصة لها حوالي 7 سنوات , صاحبي كان معاه جيب v-xr موديل 97 المهم الموتر كان نظيف من ناحية البودي 
و الشكل العام و لكن صاحبي هذا ما توفق بالسيارة وضب القير مرتين و المكينة مرة !!!! و طبعاً تخسرً عليه مبالغ
كثيرة و بالأخير قرر بيع السيارة لأنه زي ما يقولون (ماله نصيب فيها) المهم صاحبي كان يعرف أحد الشريطية و
كان هالشريطي ناشب له يبي يشتري الموتر , طبعاً صاحبي من باب الذمة و الضمير علمه على كل شي بالسيارة
طبعاً بودي السيارة نظيف و محركاته زينة لأنه وضبها بمحلات معروفة و بقطع أصلية بإختصار الموتر غاية 
المستخدم , وطبعاً على كلام صاحبي إن الموتر كان يسوى له ب 60 ألف بس عشانه موضب و مغير طيح من
القيمة 15 ألف يعني صارت قيمة السيارة = 45 ألف المهم قال للشريطي: تبيها ب 45 ألف بعتك ؟ المهم وافق
الرجآل على قيمة صاحبي و أخذها ب 45 ألف , المهم قابله بعد فترة و قال له: بشر عساك بعت الموتر ؟
المهم و ذاك يرد عليه: والله إن الموتر ما جاب قيمته و إني بعته بأقل من اللي شريته بألفين !!! طبعاً هو
شاري الموتر عشان يتكسب لكن سبحان الله ما كانت نيته زينة كل ما جاه أحد ينشد عن الموتر قعد يمدح
فيه و إن الموتر نظيف ولا قد جاه شي و من هالكلام !!!! عشان يبيعه بسعر (النظيف) !!!!!

أخيراً
همسة ( أسعد جداً بالمشاركة و الإضافة , لاتحرموني طلتكم , أستودعكم الله التي لا تضيع ودائعه)









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بيض الله وجهك .. وعلى قولت المثل النية مطية ..

وان كانت نيتك طيبة وفقك الله وان كانت عكسها فالله يمهل ولايهمل


up 7 down 0
فيصل الناهي 23
قبل 6 سنه و 9 شهر



كلام قيم الله يجزاك الخير واحلى لايك لاحلى موضوع 


up 7 down 0
abo3tb 511 1736
قبل 6 سنه و 9 شهر



على نياتكم ترزقون ........................


موضوع جميل ولك احلى واروع لايك


up 5 down 0
سيف الهاجوس 912
قبل 6 سنه و 9 شهر



مشكور على الموضوع الممتاز والله يكثر خيرك ويرزقنا وأياكم الجنة خير من الدنيا ومافيها ولك لايك .


up 10 down 0
أبو ميان . 152
قبل 6 سنه و 9 شهر



الله يصلح الحآل مشكور على الموضوع .. ولك لآيك


up 2 down 0
طلال666 2765
قبل 6 سنه و 9 شهر



وعليكم السلام و رحمة الله و بركاته 
الله يصلح الحآل 


up 2 down 0
dub_r-50 386
قبل 6 سنه و 9 شهر



الله يجزاك الخير واحلى لايك لاحلى موضوع 


up 2 down 0
0ابو الوليد0 202
قبل 6 سنه و 9 شهر



اليوم أي واحد يتعامل مع الناس بالنيه والثقه يكون غلطان والأفضل يكون الفحص الكامل للسياره هو الحكم لأن في هذا الزمن 

قلت أو بالأصح إختفت الذمه والأمانه


up 4 down 0
ابــو ســنــد 10639
قبل 6 سنه و 9 شهر



مشكورين على مروركم و تشريفكم لموضوعي البسيط , كان بودي إنكم تذكرون قصص صارت لكم أو سمعتوا فيها لإثراء الموضوع أشكركم من أعماق قلبي .


قال النَّبِيِّ , صَلَّى اللَّهُ عَلَيْهِ وَسَلَّمَ , قَالَ : " الْبَيِّعَانِ بِالْخِيَارِ مَا لَمْ يَتَفَرَّقَا ، فَإِنْ صَدَّقَا وَبَيَّنَا بُورِكَ لَهُمَا فِي بَيْعِهِمَا ،
وَإِنْ كَتَمَا وَكَذَّبَا مُحِقَ بَرَكَةُ بَيْعِهِمَا "

هذا الحديث النبوي الشريف يغني عن كل الكلام في هذا المجال ،،

ومشكور أخوي على موضوعك الرائع ،،

وبالتوفيق 



up 0 down 0
mr.tareq 194
قبل 6 سنه و 9 شهر



غرك جمالك .. تستاهل لايك يالغالي .. ومواضيعك جدا مميزا ومفيده , للأسف اليوم الواحد صار ياخذ ذنوب ويكسب آآثام عشان كم ريال ,, أو كم ألف مثل ماقلت . لكن مثلك عارف النفوس تغيرت والخير أنعدم من الناس إلا من رحم ربي ..
وبالتوفيق حبيبي .


up 1 down 0
عاشقـ الماركيز {1991} 3502
قبل 6 سنه و 9 شهر