أضف سؤال أو موضوع جديد          

الورش و الإحتيال على أصوله

up 23 down 1



السلام عليكم و رحمة الله و بركاته ,,,

أسعد الله أوقاتكم بكل خير حبايبي و اخواني , اليوم حبيت أطرح موضوع عن (إحتيال الورش) و طرق تفاديها بإذن الله
من خلال مجهود متواضع و خبرتي البسيطة في الورش و تعاملهم مع الزبائن , و الموضوع هذا للمشاركة و ليس للإطلاع
فقط !!! أنا أبطرح اللي أعرف فيه و قد تغيب عن بالي نقاط أخرى مهمة و على قولة المثل المصري:( البركة في اللمة)
و أنا طرحت الموضوع للإفادة لأني لاحظت كثير من الأعضاء ينزلون مواضيع يشتكون فيها من الورش ونصبهم !!!!

1/لا تتفق مع أي ورشة (على طول) !!!! بل حاول إنك تاخذ لفة على الورش و تعرف أسعارهم و تعرف الفاهمين من
غير الفاهمين , وهالشي يفيد بتحديد المشكلة اللي عندك إذا ما كانت معروفة !!! مثلاً: تمر على خمس ورش و تلقاهم
يجمعون على مشكلة واحدة عندك , بينما لو تروح عند ورشة وحدة فما تدري هل هو ينصب عليك أو فعلاً فاهم.

2/ لا توافق بالسعر الأول أبداً !!!! أكثر الورش و بلا إستثناء الجيدين و الإستغلاليين (يشطحون بالسعر) !!!
إذا جيت تصلح عندهم , حاول قدر الإمكان أن تكون ذكي و إستخدم طريقة (سعر الورشة الفلانية أرخص)
وهذي الطريقة تفيدك بمعرفة أمانة العامل في الورشة , مثال: أنا أبي أركب فحمات و أخرط هوبات رحت عند
ورشة و قال لي ب 150 أجي لمه و أقول بس الورشة الثانية ب 100 !!! طبعاً إذا كان نصاب بيقول لك خلاص
تعال ب 100 بس إذا كان واثق من سعره و شغله بيقول لك بكيفك هذا سعري و أغلب الورش تشطح بالسعر لأنهم
لاقين ناس على النية ما يفاوضونهم ولا يسعرون في الورش الأخرى المختلفة !!!

3/لا تفوض العامل أو الورشة بشراء القطع من محلات الغيار أو (التشاليح) إلا إذا كنت واثق تمام الثقة منه !!!
وطبعاً بعض الزباين يصدق الورشة عشانها تجيب فواتير !!! الفواتير أغلبها وهمية و فيها تحايل على العميل
في أكثر الأحيان , طبعاً في أكثر من طريقة للتحايل إما إنه يكون متفق مع محلات لقطع الغيار ترفع السعر في
الفاتورة و الزيادة تكون في جيب العامل و يعطي محاسب المحل (علاوة) , أو يشتري قطع ما هي مهمة و بعدين
يرجعها و ياخذ حسابها و لامن جيته عطاك الفاتورة الأولى القديمة , أو يشتري قطع ماهي أصلية و يحسبها لك
على إنها أصلية إلخ ... من الطرق و الوسائل المختلفة لذلك إشتر (القطع) بنفسك ولا تجعل نفسك عرضة للنصب.

4/ لا تذهب إلى ورشة لم يسبق لك التعامل معها أو لم تسمع بها !!!! فأكثر المشاكل تحصل من هذي الطريقة تروح
لم ورشة و تعرض عليهم المشكلة في السيارة و يوافق على تصليحها حتى لو ما كان يعرف ماخذينها (حقل تجارب)
بسيارات الناس , لذلك إحرص على إنك تروح لم ورشة معروفة بسمعتها و شغلها و لو كانت أغلى شوي.

5/ خذ ضمان من الورشة على شغلهم , بحيث تتفق معاهم قبل لا تحط السيارة عندهم إذا ما حلوا المشكلة ما تدفع لهم
الفلوس اللي إتفقتوا عليها , و لا تدفع كامل المبلغ إلا إذا أخذت السيارة و جربتها و تأكدت بأن المشكلة إنحلت.

6/ حاول قدر الإمكان إنك تسأل الفني في الورشة عن حجم المشكلة و توابعها إلخ ... حتى تتأكد و يتضح لك فهمه أو
عدم فهمه !!! لأن كثير من الزباين ما يهتم بالنقطة هذي , فلذلك إحرص على كثرة الأسئلة و الإستفسارات.

7/ لا تغتر بالشكل الخارجي و الفخامة الموجودة في الورشة !!! في بعض الورش قد يخطر على بالك إنها سيئة و لكن
فيها عمالة فنية ماهرة جداً , طبعاً هذي الشغلة إنتشرت بالورش تحسًن الشكل الخارجي و بعضهم يحطون إستراحة
فيها شاهي و قهوة و تلفزيون بلازما و مكيف (يذعذع) بوجهك , حتى يغتر العميل و يعتقد بأن الشكل الخارجي مقياس
للجودة في العمالة الفنية و الإتقان في العمل , و هي طبعاً شغلة نسبة و تناسب ماهي مقياس أساسي بس أنا أحذرً من
الإنخداع في الشكل الخارجي !!!!! و عدم الإلتفات لجودة العمالة الفنية و الإتقان في العمل.


أخيراً (لا تحرموني من الإضافة و المشاركة , أستودعكم الله التي لا تضيع ودائعه)

محبكم &&& أبو طـــــــلال 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الفقره الرابعة صعب كيف ورشه مشهورة ؟؟ وعموما دام ابو يمن موجود. في الورش ثق ان الفساد موجود ،، تحيه 


up 12 down 8
كبار الشخصيات -19
قبل 6 سنه و 9 شهر



هلا بك أخوي (كبار الشخصيات) الفقرة الرابعة طال عمرك ما هي صعبة , شف لك ورشة تعرفها أو قد سمعت فيها , والورش الزينة معروفة بالسمعة تلقى ناس كثير يمدحون فيها و تلقى ناس يوصونك على ورش معينة مو عشان شي عشان شغلهم زين , تحياتي لك حبيبي و أشكرك على المشاركة .


up 10 down 0



شكرا على الموضوع يابو طلال ولكن عندي تعليق على رقم 3 لاتـــــاثق في احد مهـــما كان لان العماله تفكيرــها كيف تجمع فلوسباي طريقه فلي ذالك لازم تروح انت بنفسك وتشيك على المحلات وتشوف االسعر لان كل محل عنده سعر ويبيع على كيفه


up 7 down 0
جني جبله 921
قبل 6 سنه و 9 شهر



كبار الشخصيات ليش كل ما دخلت موضوع سبيتنا .. اتق الله في نفسك
لان كل من يقرأ تعليقك يدعو عليك .. واحذر لان كثرة الدعاء عليك قد تهلكك


up 12 down 5
marwan699 5851
قبل 6 سنه و 9 شهر



تسسلم ي غرك جمالك على مواضيعك الزينه واسلوبك الراقي ..



up 5 down 1
كن بسيطآ تكن أجمل 7881
قبل 6 سنه و 9 شهر



هلا ابوطلال مميز دايم مشاء الله عليك ، عندي تعقيب

لاتتفق مع الورشة الي عنده سيارات حاول تدور ع الفاضي لاني مرة عندي شغله تكلف 70 ريال ومريت بورشة عنده سيارات شغال فيها وسألته قالي 150 وانت بعد هذي السيارة 10 دقايق واخلصك قلت له ياسطل هذي ب كذا قالي بس الشغل يفرق ووووووو ، لو انه فاضي كان بدا معي ب 100 ع الاقل شف الفرق ، فالحذر من الورش الي يرمي لك سعر صابت مرحبا ماصابت عنده غيييييرك ولايككككك للللكل


up 5 down 1
aziz..747.. 2423
قبل 6 سنه و 9 شهر



مراون نصيحه :

طنش وماعليك من اللي يسب 

انت كذا تظهر لهم انك تستفز وتعصب بسبب ردودهم

وهم كذا يمبسطون ويزيدون يستمرون في نفس الاسلوب عشان يرفعون ضغطك




لاااااااااااااااااااااااااااااااااااااااااا اهاااااااااااااااااااااااااااااااااااااااااااااااااااااا احم معلش ذي صرخة غضب اما انا فلا تخاف علي ان اقبل ما اصلح احقر حاجة بالسيارة حتى لو تركيب فحمات ادور على 8 او 9 ورش على الاقل و انا من النوع الي يحب يماطل و يفاوض و اتمتع بنفس طويل ههههههههههههه يعني لدرجة نشبت لواحد يمني قالي خلاص روح مابي فلوس مابي فلوس خخخخخخخخخخخخ لاكن الي ينرفزني هذولي الي ما يقدرون قيمت الفلوس يعني لو قالة سعر دبل 5 مرات راح يوافق


up 4 down 0
بوخا 3563
قبل 6 سنه و 9 شهر



جزاك الله خير والله يجعلها في موازييين حسناتك .


up 6 down 0
مستر بن . 10375
قبل 6 سنه و 9 شهر



كبار الشخصيات ...شوف السعوديين اللي بالوزارت والمناقصات الوهمية والفواتير المكذوبة ومايحتاج افصل اكثر


up 3 down 1
talal abdullah 5421
قبل 6 سنه و 9 شهر



يعطيك العافية اخوي على الموضوع وانا احب اضيف ان بعض الشباب 
حتى لو راح يصلح حاجة بسيطه بالورشه يتركها عنده ويمشي وذا غلط لان بعض 
ضعاف النفوس من اصحاب الورش اذا انت جايب له قطعة من الوكاله يستغل غيابك
ويبدلها بقطع من عنده 


up 2 down 0
هشام العتيبي 102
قبل 6 سنه و 9 شهر



الأجمل مروركم حبايبي كلكم بلا إستثناء , تم توزيع اللايكات ولله الحمد .


طيب وانا عطيتني لايكـ ..؟ خــــــــــــــخــــــــــــــخــــــــــــــخــــــــــــــخــــــــــــــخ


up 2 down 0
برينسيزو 542
قبل 6 سنه و 9 شهر



ياخي النصب وصل ف المواد الغذائيه ..

جيت باخذ رِجله يقولي الحبه بـ 6 بصوت واطي قلت له ويييين يبوي قالي يالله خذها بـ 3 عشانك بس رحت لمحل ثاني خذيت 3 حزم بـ 6 ريال ..


up 2 down 1
برينسيزو 542
قبل 6 سنه و 9 شهر



شكر اخي شاقح وشكرا للجميع


up 1 down 0
marwan699 5851
قبل 6 سنه و 9 شهر