يوكن vs ايسكاليد

اليوكون نفس الاسكاليد في الميكانيكا يعني المكينة والقير 
بس الاسكاليد افخم بكثير هذا اللي اعرفه   ويفيدونك الاخوان 

والله ياحبيبي .. معانا دينالي وكنا بنشتري اسكاليد شاورنا قالولنا ماينفع 
لكن تبي الصدق .. خذ اسكاليد كشخة وتحس إن معاك شي مميز 
على عكس اليوكن كل بيت عنده لكن الإسكاليد مميز 
وهو نفس قطع اليوكن الدينالي اللي معانا حتى المكينة 
مايفرق إلا الإكسسوارات 
وأتمنى إني أفدتك ووالله لو معي حقه كان أهديته لك 
واستخير يالبى قلبي قبل كل شي

يالغالي انا انصحك باليوكن لان الاسكاليد حساس وصيانته صعبه شوي بس فخم لكنه موب مرغوب وقطع غياره ن

وقطع غياره ناااار

انا معاي اسكاليد 2007 نفس قطع اليوكن والقير والمكينه نفس الدينالي


الفرق الوحيد الاكسسوارات وبصراحه لامقارنه بينه وبين اليوكن


الاسكاليد افخم بالتاكيد يكفيك اسمه واذا مشيت به الكل يطالع لك

اضف الى ذالك


مره خربت علي الفلنجه ويوم سالت موضف القطع قلت له فلنجه اليوكن تركب عليه ابتسم وقال كلها نفس بعض التاهو واليوكن والاسكاليد واي واحد يقولك ما يصلح وخرباته كثير تاكد انه شخص حسووودي وسلامتك اتمنى اني افدتك وافدت الاعضاء تحياتي

والله اني مني عارف كيف اشكركم  الف الف شكر
.....وشكرا اخويا عبدالرحمن على ذوقك ....فديتك
وفديت الرجال  الي قدروني الله يرفع قدركم

اليوكن لك وللزمن الاسكاليد فخامة لاتضاهى تزول بمرور الايام(انت الحكم)!!!

ليييييييه الاسكاليد يذوب معا الزمن مثلا

والله أنا أشوف الامر مافيه مقارنة وفي نفس الوقت فيه مشكلة تحيركـ زي ماقالوا الاخوان ! , الاسكاليد فخاااامة وجبااااااار في كل شي , 
وفي نفس الوقت والله ما أدري كيف خراباته لكن أعتقد انه تحسن بشكل كبير وماعاد احد يشتكي منه !

اخوي انا معي اسكاليد والوالد معه يوكن وان شاء الله افيدك قدر المستطاع 
بالنسبة للمكينة الاسكاليد مكينته 6.2 مثلها مثل مكينة الدينالي اما اليوكن فهو 5.3 
طبعاً الاختلاف

الرد السابق ما كملته البنت الله يحفظها لعبت بالجهاز 
الاختلاف في الجزء السفلي من المكينة في سلندر المكينة وبالضبط في البساتم بستم الاسكاليد والدينالي اكبر من اليوكن
اما باقي قطع المكينة من سيور وبواجي وكويلات وحساسات وكراسي مكينة ولديترات ومكيف وفلاتر وطرمبة ماء وطرمبة وبنزين وكل شي فهم مثل بعض
 طبعاً الاسكاليد والدينالي يتميز بالقوه عن اليوكن والتاهو وذلك لكبر حجم بساتم المكينة
بالنسبة للفرامل والرمانات والاذرعة فهم مثل بعض ولا فيه اي اختلاف 
الدبل في الاسكاليد والدينالي رباعي مستمر ويفصل اتوماتيك عند زيادة السرعه فوق ٨٠ اما اليوكن فهو تحكم يدوي 
طبعاً السيارتين يجي منها دبل ويجي منها بدون 
ولمعرفة الدبل من الي بدون دبل شوف رقم الشاص اذا كان خامس حرف من اليسار K فهو دبل واذا كان C فهو عادي بدون دبل
المساعدات في الاسكاليد والدينالي تجي كلها هواء للخلفي وكهرباء للأمامي اما اليوكن فهي عادي وللأمانه السيارة مريحه بمساعدات كهرباء او عاديه 
طبعاً المساعدات الهواء والكهرباء تفرق في القيمه واغلى بكثير من العادي وميزتها ترفع السيارة تلقائياً عند زيادة الحمل في السيارة
القير والدفرنس والدبل كلهم مثل بعض 
والي يقولك الاسكاليد والدينالي حساس وماهو حق كرف ولا يتحمل مثل اليوكن والتاهو اسمحلي اقول انه ماعنده سالفه لان كل شي ميكانيكي فيهم متشابه فكيف راح يكون هذا يتحمل والثاني لا 
من ناحية الاسكاليد افخهم شكلياً من ناحية الواجهه  واكسسواراته احلى بكثير منهم كلهم والداخليه والديكوات روعه والشي هذا طبعاً لأنه كدلك 
الدينالي في المرتبه الثانيه بعد الاسكاليد 
ويفرق عن اليوكن في الشكل زيادة الاكسسوارات مثل الجنوط وازياق الابواب والشمعات الامامية والشبك والاسطبات الخلفيه فمثلاً الى عنده يوكن يقدر يغير شكله لدينالي لان البودي واحد 

بودي الاسكاليد يختلف تماما عن الدينالي واليوكن من ناحية المقدمة والابواب والرفارف مع ان الشكل يكاد يكون متقارب ولكن القطع ماتركب
عكس الدينالي واليوكن عندك مثلاً كبوت ورفرف وصدام الدينالي نفسه يركب على اليوكن
بالنسبة لقطع غيار بودي الاسكاليد غاليه بكثير عن اليوكن عندك مثلاً 
شمعة نور الاسكاليد في حدود ٤٠٠٠ الاف ريال واليوكن ١٣٠٠ ريال تقريباً
الشبك الامامي للاسكاليد في حدود ٣٥٠٠ ريال واليوكن  ١١٠٠ ريال تقريباً
وهذا سبب ابتعاد الغالبية عن اللكديلاك غلاء قطع غيار البودي 
اخيراً اتمنى لك التوفيق ولك تحياتي ،،،،،،،،