أضف سؤال أو موضوع جديد          

نصيحه لكم لاناقه لي ولاجمل لكن معلومه اعرفها وحبيت افيدكم

up 86 down 65
مدرس عاطل 5
قبل 8 سنه و 2 شهر



السلام عليكم  
اسعد الله اوقاتكم بكل خير 

ادري الموضوع شاطح لكن اشوف باغلب المنتديات دايما وابدا السؤال المتكرر 

وش افضل نوع زيت كم علبه تاخذ السياره والبنشري يحط 

وحبيت اعبر خخخخخ عن شعوري

دايما وابدا لاتثق في البنشري ماساق السياره بديرتهم ولاساقها عندنا  وتثق بكلامه 

الشي الثاني  بخصوص كميه الزيت افتح كتيب السياره ودليل الصيانه وتلقى الصيانه الدوريه وكميه الزيت
ثالث شي اذا الكتالوج ضايع او انقليزي توجهه لاقرب وكاله واسال عن كميه الزيت 
ثالث شي شي نوع الزيت ابتعدوا ابتعدوا ابتعدوا عن زيت 20w50
مثل الترا سفن سوبر جي تي. شل سوبر والخ 
هذا يستخدم على مكاين الحديد والزهر اللي انقرضت تقريبا من عام ١٩٨٨

راح يجي واحد يقول ماينفع للحر ومدري ايش وكيف 
اصلا حراره السرندل او قلب المكينهثابته صيفا وشتا مثل حراره جسم الانسان خخخخخخ
لانه المكينه مرتبطه بدورات تبريد الزيت والماء والمراوح والى اخره للمعلوميه لو وصلت درجه حراره المكينه ١٠٠
راح تسمع صوت الماء يغلي بالقربه 

دايم وابدا بكون فيه بلف حراره للماء ويختلف ع حسب نوع السياره ٧٠  و ٨٠ و٩٠
وظيفتة تثبيت درجه حراره الماء عند هذه الدرجه وبالتالي تثبيت درجه حراره المكينه وهذا اللي يفسر ذوبان وجيه راس المكينه
لانها بلاستيك ولاتتحمل حراره عاليه بكل بساطه وبالتالي تنسيم بالراس وارتفاع مستمر بالحراره وكبس ليات والخ الخ من مشاكل الحراره المعروفه

سبب طرحي لها الموضوع اي شخص يستخدم زيت 20w50 عندما يقوم بتشغيل السياره  يسمع صوووووت دايم وابدا اللي هو ( قررررررررررررر) ويستمر لمده حوالي اربع ثواني
وماهو الا صوت اشتغال المكينه بدون زيت بكل بساطه وبعضهم يسمع ( تك تك تك تك ) مستمر وثابت بالذات اذا كان واقف برى السياره وبجانب الكفر الامامي
وهذا صوت ضعف الطرمبه بسبب ثقل الزيت وهي في وضع الراحه والسكون ٧٠٠ دوره بالدقيقه اجل كيف مع الضغط
الزبده هذا اللي يفسر تخبيط السيارات ع ١٠٠ الف كم اكثر او اقل الزيت غير المناسب

لانه عندما يتم تشغيل السياره ويظهر الصوت ( قررررررررررررررر)

معناه ان المكينه اشتغلت بدون زيت لمده اقل شي ٤ ثواني طيب خلوكم معي عمليه حسابيه بسيطه

تم تشغيل السياره عشر مرات باليوم مع ان المده تزيد بالصباح عن اربع ثواني وتخف ان كان التشغيل متقارب المهم

٤ ثواني *١٠ مرات تشغيل = ٤٠ اربعون ثانيه تشغيل بدون زيت 

طيب كل يوم اربعون ثانيه *٣٠ يوم ( لمده شهر يعني) = ١٢٠ ثانيه ( دقيقتين)

طيب ٢ دقيقه *١٢ شهر (لمده سنه كامله)=٢٤ دقيقه تشغيل بدون او لم يصل الى سطح المكينه

شفتوا كيف مفعول الثواني خلال سنه هذا بكل بساطه اللي يخلي سياراتنا منهاره خلال اربع سنوات بالكثير واصوات بالمكينه من هنا وهناك وترشيحات بينما ٩٠ بالميه من الوارد الامريكي مقارنه بسياراتنا يعتبر وكاله مالم يكون مصدوم وبكل بساطه ثقافه الصيانه واستخدام الاشياء المناسبه

طوولت بكلامي 
لكن والله انغبن يوم اشوف هالمواضيع ويعالم ترى سيارات الديزل  زيتها 15w40
وينكم رايحين بخصوص اللي مثلي سيارته تويوتا ويغير من الزيت الحديد يحاول يبتعد عنه تراه زيت تجاري للوكاله يعبا هنا بالسعودي تجاري


نهايتي كلامي واللي والمختصر الخيارات كثيره ومتوفر ولا راح اسوي دعايه لاي شركه عشان محد يقول عميل ومدري ايش


الزيت المناسب لجميع السيارات وبانواعها الياباني والامريكي الجديده

لازم يكون الرقم اللي قبل w اقل من ١٠

مثل.         0w40
               5w30
               10w30
              واقصى شي 10w40


اللي مهو مقتنع بكلامي يجرب لمره واحده ويغير زيت ويقارن مع 20w50

ويلاحظ التشغيل والصوت والعزم والاستجابه وصرفيه البنزين 

طبعا انواع الزيوت كثيره ابحث عن التخليقي ثم نصف التخليقي ثم العادي
ودايم يتوفر الافضل وبسعر ارخص لكن لازم تتعب قدميك وتلف وتسال 

وبالتوفيق للجميع 

ان اخطات فمن نفسي والشيطان وان اصبت فمن الرحمن 

وسلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


واحلا لايك لك يا مدرس عاطل


up 2 down 2
آبورسيل -5
قبل 8 سنه



معي كامري لها الان ٩ سنوات بفضل الله من طلعت من الوكاله استخدم ٢٠-٥٠. ولله الحمد المكينه ممتازه ولافيها اصوات وناعمه 


up 3 down 0
سيزو 420
قبل 7 سنه و 11 شهر