أضف سؤال أو موضوع جديد          

ابيع او اصلح؟مشورتكم

up 7 down 4
fvcdh 98
قبل 8 سنه و 3 شهر



هالسياره ماادري وين بتوصلني معاه شكلي بشب فيها...كل ماصلحت شي طلع لي علة ثانيه...مشكلة 2009 ولسه ماوصلت 100 الف كم واخر مره علبة الدركسون وشغلها كلفني 700 ونصحوني الشباب ابيع قبل ماتبدى باللعب الكبير والمكينه والقير واذا بدت على قولتهم ماترحم....ابي رايكم ياشباب ابيع او اصلح؟ علما انها ماراح تجيب الا 30 وفيها حسب كلامهم وهاذي ماتجيب اكسنت....فمحتار.....رايكم؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السياره التيما 2009


up 2 down 0
fvcdh 98
قبل 8 سنه و 3 شهر



الله يعينك وانا اخوك وانا من رايي دام الموتر بادي يطلب بعه وخذ لك موتر ثاني ابرك 

وبعدين هل السياره قد جاتها صدمه من قبل او شيء لان الخرابات هذي مستحيل تجي بموديل 2009 

على العموم موفق ان شاء الله 


up 5 down 1
camry grandi 99 7274
قبل 8 سنه و 3 شهر



هلا اخوي
السياره فيها صدمه مع البابين اليمين فقط وبالنسبه للاعطال مافي مشكلة لكن مضايقني غلاء اسعار قطع غيارها الفاحش


up 1 down 0
fvcdh 98
قبل 8 سنه و 3 شهر



والله وانا اخوك فيه سيارات بديله عنها وعندك سيارات حلوه مثل الهوندا اكورد موديل 2005 افضل واحسن منها بمراحل 

واذا تبي موتر مكينه 8 سلندر عندك الفورد كراون فكتوريا او ميركوري جراند ماركيز موديل 2002 الى 2003 

اما اذا الموتر الى الان ماشي معك كويس ولا فيه اعطال كثيره استخدمه فتره ولين حسيته بدا يطلب بعه واذا انت عايف الموتر خلاص بعه واشتر بداله ولا توجع راسك

بالتوفيق


up 6 down 1
camry grandi 99 7274
قبل 8 سنه و 3 شهر



بيع أخوي وخذلك سوناتا 2010 او 2009 للسيدان نفس الفئة أو جراند ماركيز ل 8 سلندر اذا انت راعي سفر وخطوط


up 7 down 3
hattanatnt 127
قبل 8 سنه و 3 شهر



30 الف طيبة ولا الخسارة كلها اشتري راحت نفسك بيع والله يوضك خير منها ، اكيد بها حــســـد او عــيــن (تحصن)


up 4 down 0
aziz..747.. 2420
قبل 8 سنه و 3 شهر



جزاكم الله خير..قررت ابيع وانصحكم لاتقربو الالتيما


up 2 down 0
fvcdh 98
قبل 8 سنه و 3 شهر



يا غالي الاتيما من افضل السيارات في فئتها ولكن الي عندك ممكن فيها عيوب مصنعيه او اذا انت شاريها مستعمله ممكن من حق سيوول جدة واحتمال السياره فيها عين والعين حق,,,
ما اقول الا الله يعوضك بخير منها


up 4 down 1
asalami 2179
قبل 8 سنه و 3 شهر



غرريب الادممي ههههههههه قبل يوم نزل موضوع ويتشككى واللحين داخل بعضوية ثاننية !!خلااص الالتيمآآ ماهي زينة هههههه رووح واعتقهآ الى حاال سبيلهآ وخذ سوناتا او كاامري !!وتكفىى لا تقرب نيساان خير شر هههههه مانآ
نااقصين بكىى عاللبن المسكووب ^_^


up 1 down 9
حربي666 39
قبل 8 سنه و 3 شهر



بقولها لك بصريح العباره........... الالتيما الشكل الجديد الى نزلت من 2005 مدرى 2004 سياره فاااااااااااااااااااسلة بكل ما تعنيه الكلمه ...... :)


up 3 down 1
سيف الهاجوس 912
قبل 8 سنه و 3 شهر



هذا بلا ابوك ياعقاب
من سيارتن تشريها وتشيلك يوم وتشيلها عشر ايام بالورش
الله يعينك ياخوي ويسهل امرك ويطمن بالك
كلنا مانتعلم لين نندق خخخخخخ
مادام انك عارف الموتر وعارف خباياه
انصحك ماتبيعه استخدمه ومش حالك
ولاتحاول تبيعه وتاخذ بقيمته موتر ماتعرف عنه اي شي
واذا قررت قررت تغيره ووتبي تاخذ البديل
اضرب اسوا الاحتمالات وسعر المكاين والقيور تشليح والتوضيب
تاكد عزيزي بوقتنا الحاضر ٤٠ الف ماتجيب موتر صاحي واذا جابت
يبيله خمسه الاف صيانه كفرات وهوبات واقمشه وزيوت وفلاتر
الاشيا الاستهلاكيه

الالتميا تعاني من مشكله القير العويصه 
هذي مشكله التقنيه في غير محلها 
قير مثل قير الاكورد او الكامري خمسه غيار للتماتيك يفي بالغرض
وسهل التصليح وخرابه قليل
هذا ماعندي وسلامتك


up 6 down 1
مدرس عاطل 4
قبل 8 سنه و 3 شهر



قلنا الف مرة الالتيما ماهي للاستخدام موتر كله خرابات


up 3 down 2
sultan-q 466
قبل 8 سنه و 3 شهر



انصحك بيع لانها بتهلكك صدقني


up 4 down 1
sultan-q 466
قبل 8 سنه و 3 شهر



الاخ سلطان ببيع ونصيحتك راي سديد والاخ مدرس عاطل صدقت ودام ان مشاكلها بالقير ماتخلص بفتك منها ابرك شكل وراها موال


up 1 down 1
fvcdh 98
قبل 8 سنه و 3 شهر



الله يسهل امرك وتبيع بالقيمه اللي تبيها ان شاءالله
في حال قررت على موتر عليك بها الشي
لكن لاتحاول تشري موتر لين تمر قطع الغيار + التشاليح الله لايحوجنا لها
وسعر كل شي لاتخلي شي ابد ابد سواء قطع استهلاكيه او اساسيات مثل مكينه وقير
وصدقني كذا بتاخر الموتر اللي بيريحك ويريح جيبك

مهما كان الموتر امريكي ياباني كوري الماني


up 2 down 2
مدرس عاطل 4
قبل 8 سنه و 3 شهر



سياره تعبانه بعها ابرك


up 1 down 1
ضبي جده 230
قبل 8 سنه و 3 شهر