أضف سؤال أو موضوع جديد          

دقه حجر بسطح الالتيما ايش الحل

up 9 down 3
aboamani 1147
قبل 6 سنه و 2 شهر



السلام عليكم ورحمة الله وبركاته مساء الخير احباب قلبي عندي مشكله ب الالتيما السيارة عند الباب واقفه وجاء واحد وضربها بحجر وحط رجله

وانا ماعرف اهو صغير او كبير وانا مالي اعداء بالحاره وعندي سياره ثانيه اداوم عليها وما استخدمها الا قليل بس المشكله الضربه بدت تصدي ويطلع لون الصدى

قلت بعرض لكم صورتها بالمنتدى وابيكم تعطوني الحل الاكيد لها هل يحتاج لها تعديل ورش بويه

وفين يمكن القى الورشه المميزه والسعر المناسب وهل يحتاج فك فتحة السقف بحكم انها قريبة من الفتحه الموقع الرياض وهذه صورة الضربة


الموقع الرياض








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


في نظري تلقيط 
اذا علبة البويه حقت الوكاله موجوده  نقط عليها بريشه صغيره واذا مافيه
اقرب محل بويات وربع كيلو بويه نفس البويه واقرب مكتبه اشتر ريشه صغيره
وصنفر مكانه الضربه خفيف ونقط عليها ماتستاهل رش وسمكره ولخبطه 

كلها هالاشياء ماتكلف اربعين ريال 
وبالتوفيق


up 17 down 2
مدرس عاطل 31
قبل 6 سنه و 2 شهر



مدرس عاطل عطيتك احلى لايك على احلى طلة بموضوعي وردكـ مميز





up 6 down 0
aboamani 1147
قبل 6 سنه و 2 شهر



صدقت مدرس عاطل ، تعقيب صغير لازم يتقفل مكان الدقه بمعجون عشان ماتتسرب المويه وتنقز ثاني ،
او بعد البوية حق لزقه شفافة عليها


up 6 down 0
aziz..747.. 2421
قبل 6 سنه و 2 شهر



ما أزيد على كلام مدرس عاطل غير مثلا تحط تجليد أبيض صغير احسن من مافي لاكن لاتروح الورش عشان الوصلة

الصغيرة ذي بيقولون لك رش المنطقة كاملة ... نصب وضحك على الناس ... الله يعوضك خير .


up 5 down 0
مستر بن . 10372
قبل 6 سنه و 2 شهر



اخوي aziz..

تسلم على الطله بس خوفتني من سالفة تتسرب المويه بكذا الورشه اشوف احسن لانهم اخبر مني ولك لايك ماشي مليون هه


up 1 down 1
aboamani 1147
قبل 6 سنه و 2 شهر



مستر بن

في مره من المرات مريت الصناعيه وسألت واحد قال يرش موقع الضربة فقط بـ300 ريال والسبب فتحة السقف لازم يفكها وهذا اللي مادخل مزاجي ولك احلى لايك يالغالي على المرور


up 3 down 0
aboamani 1147
قبل 6 سنه و 2 شهر



لاخوف ولاشي ،،، الصدى الموجود سببه هواء وماء ، واذا رشيت ع الوضع الحالي حيكون في دخول للماء فلازم ترش ع نظافة ، واسأل وتنور من الورش وانت قرر بعدها وبعدين لو رشت حيكون الباب معيوب بالرش لاتستعجل موفق


up 3 down 0
aziz..747.. 2421
قبل 6 سنه و 2 شهر



تسلم والله ابو اماني 

ابد نعين ونعاون


up 2 down 2
مدرس عاطل 31
قبل 6 سنه و 2 شهر



ما انتبهت انها بالسقف اقصد يتسرب الماء من بين البوية الي بترشها بدون معجون مو تتسرب عليك من السقف هههههه طالما بالسقف حط لزقة شفافه ووفر 300


up 3 down 0
aziz..747.. 2421
قبل 6 سنه و 2 شهر



فيه محل اتوقع في الصناعية القديمة يرجع الدقات اللي زي هذي شفت له جيب لعب فيه البرد ورجعه وكالة بدون رش بس تعديل علي البارد يحط جهاز ويسحب الضربة وترجع وبعدين نقط عليه بنفس اللون


up 1 down 0
ابوابراهيم ksa 1385
قبل 6 سنه و 2 شهر



ابو ابراهيم تسلم على المرور والرد بس هذا البويه طلعت !!


up 1 down 0
aboamani 1147
قبل 6 سنه و 2 شهر



قدامك حلين اما لزقه يعني تجليده نفس حق الوكالة

او انك تروح لسمكري شاطر وفاهم يضبطها لك وعلى حسب خبرتي انه مايحتاج فك الفتحه


up 1 down 0
abo fahhad 53
قبل 6 سنه و 2 شهر



مر المكتبة القرطاسية و خذ طامس او مزيل 
ب٢ريال و نقط عليه افضل من الرش و البوية

وللعلم اذا كان اللون احمر وفيه ذي الصورة اعلاه حط مناكير احمر

او تمر حقين البوية و قل له ابي ب١٠ ريال بوية زي اللون الفلاني او خذ السيارة معك

بالتوفيق


up 1 down 1
abo riman 697
قبل 6 سنه و 2 شهر



هل كان بالسياره شي ثمين ﻻن الحجره كانت جهة القزاز لكن الحرامي مهو صويب واخطاء الهدف وهاذي حجره كبيره باين من طعجة السقف يعني مقصوده وانتبه تخلي شي ثمين داخل السياره لن الحرامي لشاف شي علا طول يكسر القزاز ولو الباب مفتوح .ﻻاله اﻻالله


up 2 down 0
اهمد 1206
قبل 6 سنه و 2 شهر



بالنسبة لرأيي انا .. انصحك تصنفر الصدأ عشان مايأكل البدي من تحت
تروح لورشة سمعتها طيبة وتقوله يصنفرها لك ويمعجنها ويرش جهة المعجون فقط

ومع ضرب الشمس راح يتساوى اللون خصوصا ان السيارة بيضاء

ترى كلها 50 الى 100 ريال بس


up 1 down 0
marwan699 5850
قبل 6 سنه و 2 شهر



لكل من مر لايك وتسلمون اخواني على النصائح


up 0 down 0
aboamani 1147
قبل 6 سنه و 2 شهر