المنتدى للقراءة فقط. تم نقل المنتدى إلى حراج السيارات.

اسعار بعض قطع غيار كابرس 95

تقييم إيجابي 7 تقييم سلبي 1
عاشق الشفرر 925
قبل 13 سنه و 9 شهر



السلام عليكم ورحمة الله وبركاته


اليوم رحت للصناعيه وسويت فحص لموتري وطلع فيه قطع استهلاكيه
ورحت وسعرتها فيه محلات عطتني سعر دبل الدبل وفيه محلات عطتني سعر حلو 

1- 4 مساعدات امامي وخلفي بـ 280 يعني الحبه بـ 70
2-لي دركسون بـ 60
3-صوفة دفرنس بـ 50
4- ذراعين قصير دركسون بـ 120 يعني الحبه بـ 60 
5-ذراع طويل دركسون بـ 125
6-وصلت ذراع الدركسون القصير  بـ 40
7- 4 ركب امريكي بـ 260 يعني الحبه بـ 65
8- بواجي بـ 130
9-صليب عمود كردان بـ 30
10- 4 مسامير توازن بـ 100 يعني الحبه بـ 25
11- فلتر قير بـ 65 
12- ذراع شاص بـ 110
13- فحمات فرامل اصلي بـ 100
14- صفاية بنزيم بـ 40

لتعم الفائده فقط  











سيارات للبيع

الردود


ان كانت القطع اصليه درجه اولى وكاله فهي ببلاش

اجل 4 مساعدات ب280 يابلاششششششش بس هل وجدت قطع غير متوفره ؟ هل لازالت قطع الكابريس المديلات القديه مستمره او انقطعت ؟

تقييم إيجابي 3 تقييم سلبي 0



يالبيــــــــــه...صراحه رخيصه حيل
يدوم الرخص ان شاء الله
مشكور عالموضوع ولو مسموح اللايكات اللانهائية اعطيك تريليون لايك
لك مافي إلا لايك...

تقييم إيجابي 3 تقييم سلبي 0
3llawi96 3118
قبل 13 سنه و 9 شهر



كان عندي كابرس تسعاوي اشتريت له مساعدات خلفيه اثنين ب 120 اي سي ديلكو



ويعطيك الف الف عافية يا راعي الموضوع


وجزاك الله خير على الفائدة

تقييم إيجابي 2 تقييم سلبي 0
ssulltan 1509
قبل 13 سنه و 9 شهر



ماشاء الله
شكلي راح اخد واحد
تعرفه وضع الطلاب والطفرة
^__*

تقييم إيجابي 2 تقييم سلبي 0
mohammad saeed 2864
قبل 13 سنه و 9 شهر



لا القطع مو اصليه وكاله  القطع كلها امريكي يعني درجه ثانيه 

يعني اذا صارت الوكاله تستمر سنتين القطعه هاذي تستمر سنه ونص 
والثطع متوفره وبكثره

لبى قلوبكم كلكم  لاهنتوا

تقييم إيجابي 3 تقييم سلبي 0
عاشق الشفرر 925
قبل 13 سنه و 9 شهر



عاشق الشفر يعني القطع اصليه بس درجه ثانيه موصح ؟ وهل القطع الاصليه متوفره ؟

تقييم إيجابي 3 تقييم سلبي 0



ايه متوفره ببعض محلات القطع وموفره بالوكاله نفسها

انا حاليا لي 4 سنوات وانا استعمل الكابرس (الصابونه) ومرتاح عليها


تقييم إيجابي 4 تقييم سلبي 0
عاشق الشفرر 925
قبل 13 سنه و 9 شهر



واذا تفكر تشتري خذ لك وحده نظيفه لا تاخذ مكروفه وبعدين تقول السياره تطلب 

تقييم إيجابي 3 تقييم سلبي 0
عاشق الشفرر 925
قبل 13 سنه و 9 شهر



عندي سؤال حوال الكابريس الامريكي الاخير (91-97)
اناا سمعت ان من 94 الى 97 مو كويسات لان مراوح التبريد تجي اتوماتيكية (على حساس) وان هذه الموديلات تسخن وتفور مثل الاسترالي
ويقولون احسن كابريس امريكي هو 91 لانه يبرد المكينة مثل الكرسيدا مروحة كبيرة تدور مع بكرة المكينة

هل احد منكم يوافق هذا الكلام؟

تقييم إيجابي 3 تقييم سلبي 0
marwan699 5854
قبل 13 سنه و 9 شهر



الحقيقة الكابرس ما نزل 97


عموما الكابرس الصابونة من موديل 91 الى 93 نفس محركات الكابرس التسعاوي قليلة مشاكل الحرارة و هو مروحة وحدة ( تماتيك مروحة) فيه اصدار خاص آخر دفعة للكابرس موديل 96 الدفعة الأخيرة اسمها كوليكشن اديشن مروحة وحدة بس من موديل 94 الى 96 الدفعة الاولى مراوح كهرب مشاكله كهرب المراوح كثير هذا الي اعرفه

تقييم إيجابي 0 تقييم سلبي 0
ssulltan 1509
قبل 13 سنه و 9 شهر



الصابونه من 91 لحد 93 فيها مروحه وحده كبيره 
والصابونه من 94 لحد 96 تجيك مروحتين حجمها وسط وحده شغاله اتوماتيك ووحده تبع المكيف 
والكابرس وقف صناعته  97 و98 و 99 وبعدين نزل موديل 2000

وصح فيه ناس يشتكون من الحراره بس تلاقي اللي يشتكي من الحراره معه ددسن ولا هايلكس او غير الامريكي
 ومتعود عليها وفجأه استعمل الكابرس و الامريكي معروف يبي له تشيك كل 6 شهور اقل شي يعني تعزه يعزك 
 واذا خرب فيه حاجه يصلحه على طول

انا استعملت صابونه 93 اكرفها كرف الحمير الله يعزكم لمدة 3 سنوات وبعدها بعتها 
وشريت صابونه 95 ال اس وفيها عزم جنووووووني وجاني واحد خلال شهر من استعمالي لها وعطاني فايده 3 الاف وبعتها
وحاليا معي صابونه 95 ال تي زد والحمدلله الحمدلله مرتاح عليها



تقييم إيجابي 0 تقييم سلبي 0
عاشق الشفرر 925
قبل 13 سنه و 9 شهر



الامريكي بصفه عامه تخدمه يخدم معك بخصوص الكابرس 95انا مجربها ومعي وحده 95ال اس ماشاءالله تبارك الله راحه تامه وفي الخط تمسك الارض مسك وحرارتها معي طبيعيه ولله الحمد هي سيارات ولكن مايخدم الا النظيف واستخدام حشمه موتري مسيوم مني ب22الف وهو ال اس شكمان واحد ويفصل على 175 اللي له خبره فيها يقولي كيف اعرف انها امريكي او سعودي وشكرا

تقييم إيجابي 1 تقييم سلبي 0
البحري 89
قبل 13 سنه و 5 شهر