أضف سؤال أو موضوع جديد          

استفسار بخصوص شركات التأجير المنتهى بالتمليك

up 1 down 0
a v a l o n 2181
قبل 6 سنه و 8 شهر



السلام عليكم ورحمة الله وبركآته , 

اخواني محتاج معلومات عن شركات التأجير المنتهي بالتمليك .. من ناحية الافضل والارخص والاسهل 

طبعا كلها بتآكل من جيوبنا ولكن ادور أقل واحد فيهم يآكل , 

انا اليوم رحت لأوتو ستآر فرع الاحسساء وسالت عن كم سياره عندهم [ مجرد سؤال ] 

الكآمري 2012 سعرها كآش 91 الف .. وقلت له بعطيكم دفعه 10 الاف ريال 

وطقطق ع الكمبيوتر وقال لي دفعه 10 الاف والقسط الشهري 1750 ريال على 5 سنوات 
ودفعه اخيره 13 الف 
يعني قيمة السياره الاجماليه تطلع بـ 128 الف ريال .. يعني فايدتهم 37 الف ريال !!! 

يــــــــــــــــــــــــاساتر 
وسالته قلت لو استخدمت السياره لمدة سنه وحبيت اردها يعني ماعد ابغاها 

قال لي ماتقدر لازم تقدم على سياره جديده وتدفع فرق او تدور واحد ياخذها عنك ... 

والجنسس قيمتها بـ 121 الف ريال الكاش = دفعه 20 الف والقسط الشهري 2200 ريال والدفعه الاخيره 15 الف 
تطلع قيمة السياره الاجماليه 167 الف ريال 
يعني فايدتهم 46 الف رياااااااااااال 

يـــــــــــــــــــــــــاساتر .. 


استفساري يااخوان : 
وش شركة التأجير الي اقدر اطلع من عندهم سياره ولو حبيت ارجعها بعد فتره اردها بدون اي غرامات 
او شروط .. 

لاني فترة الـ 6 اشهر الجايه محتاج سياره ولازم تكون جديده لامور خاصه 
وابغا سياره اقسطها كل شهر من 1500 إلى 1700 شرط انه بعد 6 اشهر اقدر ارجعها 

يعني هل شركات تأجير السيارات بحصل عندهم طلبي ؟ 


ووفقكم الله 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله يا اخي كلهم نصاين لكن من واقع خبرتي هقولك الألعن فالأقل لعنا ههه آسف ع التشبيه
1/ عبد اللطيف جميل الفائدة أعلى وقبل بداية الشهر بخمسة أيام يدوشوك تلفونات
2/ الوطنية وهي أقل من عبد الطيف بس مش قوي يعني تقريبا نفس الفايده
3/ اليسر واللي هم اوتوستار وعبد اللطيف العيسى وهم أقل فائدة من سابقيهم وتعاملهم في الأقساط محترمين لكن لو لاقدر الله وصار شي للسيارة بيبهدلوك في موضوع التأمين ويدخلوك في سيارة اخرى بفائدة اعلى وعلى رقولتنا يامصريين دوخيني يا لمونه
الزبدة ،، كلهم نفس الشروط في الأسترداد لما تكون ما تبغى السيارة الله يعينك وتشوف حد يتقبلها منك ويكمل هو الاقساط
الجبر كيا تعاملت معهم محترمين جدا جدا في تحصيل الاقساط ممكن تتاخر قسطين او ثلاثه ماهي مشكلة وسياراتهم أقوى من هيونداي وومن تويوتا عن تجربة لكن عيبهم الصيانة زبالة وانتا بكرامه أتمنى اكون أفدتك ولا تزعل اني أحبتطك لكن خد رأيي لو انك من الرياض فيه سيارات عند الجميح مستعمله بحالة ممتازه زي الكابريس 2012 و2011 حصلتها بحدود 60 الف 8 سلندر واقساتها ميسرة وعليها ضمان لكن الشباب خوفوني من الكابريس الله يعينك


up 2 down 0
mr.teto 584
قبل 6 سنه و 8 شهر



 السلام عليكم ...
اخوي تسمحلي بهذه النصيحه ....
بانسبه للتأجير المنتهي بالتمليك ما في اجماع من هيئة كبار العلماء ، والمجود فتاوي فرديه من بعض المشايخ جزاهم الله خير
 معظمهم يحرمها والقليل يحلل صور محدده من عقود التأجير 
لكن ..........
العقد عباره عن عقدين في عقد واحد وهذا محرم ( تأجير وتمليك ) .
 السياره تبقى باسم الشركه خلال فترة العقد ولا يحق لك التصرف فيها او حتى يسوقها ولدك او اخوك وهذا ظلم .
الصيانه واالتأمين عليك رغم ان اليساره ملكهم وهذا ظلم .
نسخه من المفتاح عندهم وكروكي البيت عندهم ويقدروا يسحبوها في اي وقت لو اتأخرت بالسداد ، ولو فيها اشياء خاص وفقدت
 فهم غير مسؤلين عنها وهذا ايضا ظلم .
 عندهم تجديد التفويض بالقياده لازم تجدده كل سنه تقريبا ، وبعض الشركات تضع عليه رسوم .
الدفعه الاولى ما يجوز اخذها نهائيا لانه ما لها وجه حق او شرعي 
 والله يوفق الجميع وسامحني على الاطاله


up 3 down 0
dub_r-50 386
قبل 6 سنه و 8 شهر



نصيحة اخويه ابعد عن (السرقة والقهر المنتهي بالتمليك) ترا والله يقهرونك ويضيمونك ويغبنونك بحلالك بشي قاعد تدفع فيه

تدري لو تدفع لهم 30 الف وعند باب الوكالة انصدمت واتلفت اذا كانوا كويسين قالوا لك رح مانبي شي وبالنسبة لركة الحمراني يقولون تعال ادفع 8 اقسااط


up 0 down 0
abo fahhad 52
قبل 6 سنه و 8 شهر



اخوي شركات التقسيط كلها مثل بعض تقريبا ، وبالنسبة للامور الشرعية انا استفتيت احد المشايخ وقالي الافضل تاخذها من الوكيل مباشرة بحكم انه يملك السيارة في الاصل مو مثل الشركات الي تدفعلهم دفعة اولى وتجهز كل شي ثم يشترون السيارة لك .

ابعد عن ابو جميل نهائيا لانه الاسوأ

انصحك اذا حبت بالجميح جديد او مستعمل تعاملهم جدا راقي ولا يتعبونك

ملاحظة اخيرة ،،،،
الزيادة في القيمة ليست كلها مربح لا تنسى التأمين الشامل طول فترة التقسيط
في العادة ياخذون 8%مرابحة سنوية -- 4% تأمين ، 4% ربح

والله يكتب لنا ولك الخير ( ما خاب من استشار وما ندم من استخار )


up 1 down 0
asq2004 31
قبل 6 سنه و 8 شهر



ياخوي طلعها ع طريق بنك العربي اقل نسبة ربح


up 0 down 0
ahbeeech 73
قبل 6 سنه و 2 شهر



يا شباب انا ابغي اطلع سياره من عند شركة اليسر ...طبعا ايجار منتهي بالتمليك طبعا مجبور

لكن ابي اسال انا عندي رخصه لكن هل لازم اسدد المخالفات اللي عندي او لا ..؟ تكفون واحد يجاوبني



up 1 down 0
abo-badr330022 4
قبل 6 سنه و شهر



لازم تسدد كل المخالفات


up 1 down 0
medooo 52
قبل 5 سنه و 10 شهر



ليه ماتاخذون قرض و الفايدة بالكثير 5% ؟؟


up 1 down 0
خيو الجهني 33
قبل 5 سنه و 10 شهر



سؤال : ايش شروط التاجير م اليسر (للمستعمل)


up 1 down 0
سبيع503 -18
قبل 5 سنه و 10 شهر



شركة اليسر

اخذ منهم احد الزملاء سيارة هوندا اكورد تأجير منتهي بالتمليك 2004 في زمنها وحسبت عليه ب84000 تقريبا

وسدد منها ما يقارب 70 الف واثناء هذه الفترة تأخر عن السداد وكان المبلغ المتبقي 14 الف تقريبا ..

شوف المصيبه :-

سحبت السيارة وبيعت بمبلغ ( 38000 الف ) ريال

والان يطالبونه بمبلغ ( 33000 الف ) يلعن ام الفوضه

يعني وصلهم :- 70000 + 38000 = 108000 الف ريال ويطالبونه بمبلغ( 33000 الف )

يعني السيارة بيكون سعرها = 138.000 الف والله هذا ما حصل

من يحمينا من ....

اذا صار صاحب الوكاله اكبر من وزارة التجارة فليس لدينا حل الا ان نرفع ايدينا لرب العزة والجلال

ونقول حسبنا الله ونعم الوكيل


up 2 down 0
dsl_77 52
قبل 5 سنه و 8 شهر



لاحول ولاقوة الا بالله


up 1 down 0
أبومحمدحماه 1
قبل 5 سنه و 3 شهر



انا اعرف شخص بالمرور هل يقدر يعلق مخالفاتي حتى اصدر اللوحات ومن ثم يرجعها علي




up 0 down 0
احمد كعمان
قبل 4 سنه و شهر



مصيبه والله يعني مافي احد يقدر يوقفهم عند حدهم هذا ظلم للمواطن 


up 0 down 0
حسين الهاشمي الرياض
قبل 3 سنه و 4 شهر



معي سيارة قديمة شوي و ملعون جدفها معليش على التعبير
لكن ملك لي و الملك لله وحده
لاني جربت الاقساط الله لا يعيدها من ايام
تنام تحلم بالقسط ههههههه


up 0 down 0
madico
قبل 2 سنه و 7 شهر