سيارتك تخدمك مو أنت تخدمها

36 3

لايمكنك التصويت حتى الحصول على 20 نقطة على الأقل
إضغط هنا للإخفاء

غرك جمالك يا خسارة حلاتك 6900
قبل 11 سنه و 9 شهر

السلام عليكم و رحمة الله و بركاته ,,,

أسعد الله أوقاتكم بكل خير حبايبي و اخواني منوريني و مشرفيني والله , اليوم حاب أطرح موضوع مهم جداً عن الإهمال في قيادة السيارات , و للأسف و أقولها بكل حسرة: بعض
الشباب لا يستحق سيارة بل (سيكل و كثير عليه) !!!!! لماذا بعض الشباب لا يقدرون نعم الله التي تتوالى عليهم ليل نهار؟ لأنهم لم يجمعوا المال ولم يتعبوا في إقتناء السيارة !!!!
روحوا شوفوا اللي مطلعين سياراتهم أقساط أو تأجير منتهي بالتمليك , تلقاهم يبالغون في الإهتمام بسياراتهم وطبعاً ما ينلامون (دافعين دم قلوبهم) بالسيارة !!! لكنك تعتب على 
بعض الشباب (الله يهديهم) اللي تلقى في بعض الأحيان أهله دافعين فلوس و مضيقين على أنفسهم سواء أقساط أو ديون أو غيره إلخ ... عشان يعتز و يرفع حاجته عن الناس
والليموزينات و بالأخير (يكرف) السيارة و يستخدمها إستخدام سيئ !!!! والله يا اخوان إني ما أزل عليكم بحرف قبل فترة كنت أدور بالمعارض أدور سيارة المهم و شفت أشياء
عجيبة تلقى سيارات موديلاتها 2009 و 2010 يعني تعتبر من السيارات الجديدة مو قديمة و تشوف شكلها تحس إنها موديل 99 أو 2000 مكروفة و مبهذلة و حالتها حالة !!!!
طيب ليش (تخرب) السيارة بسرعة , أكل مطبات , تفحيط , تخميس , درفتة إلخ ... أنا كنت الصراحة أدور كرايزلر موصيني عليها واحد من الأقارب المهم أخذت الخبير حقي
وهو طبعاً واحد من الأصدقاء , و جلسنا نلف في المعارض نلف نلف بشكل شبه يومي ندور شي نظيف عجزنا !!! وطبعاً اللي مضبطني بالموضوع صديقي لأنه ما شاء الله عليه
خبرة بالسيارات , المهم فحاولنا ندور شي نظيف ما حصلنا و إن لقينا لقينا بأسعار مبالغ فيها !!! فصاحبي هذا نصحني إني أجيب السيارة من الإمارات أو الكويت لأن على كلامه
في سيارات نظيفة و بأسعار معقولة , لأن أكثر السيارات اللي شفناها و فحصناها (مكروفات بالحيل) !!! طايحين فيها الشباب هي و التشارجر (درفت و مقاومات) !!! و للأسف
إنك تلقى بعض الأهالي هم من يشجعون عيالهم على الإستخدام السيئ للسيارة , طبعاً أنا قريت في المنتدى لأحد الاخوان ناسي إسمه بصراحة , يقول على أيام لكزس 460 أول
ما طلعت يقول طبعاً و الكلام له: إنه حضر حادث للكزس 460 و كان اللي يسوقها مراهق يمكن عمره 17 أو 18 ما أذكر بالضبط , الشاهد إن الولد خاش على رصيف طبعاً
أكيد ما خش على رصيف إلا وهو (طاير) !!! المهم وجاء أبوه و لقى الولد (دموعه أربع أربع) على سيارته تتوقعون وش موقف الأبو ؟ هل هاوشه أو ضربه أو حتى عاتبه ؟
ولا واحد من هالإحتمالات بالعكس (طبطب) عليه وقال: يا وليدي السيارة ما تستاهل دمعة من عيونك و أبشر بسيارة أحسن منها !!!!!! وش تتوقعون من تصرف أب كهذا ؟
هل تتوقع بأن ولده راح يقدر قيمة السيارة اللي أخذها عشان يعز نفسه و راح يحافظ على السيارة بشكل كبير ؟ أكيد لا , لأن على قول المثل:(اللي يجي بالساهل يروح بالساهل)
المهم أنا طولت عليكم بالسواليف , نصيحتي للجميع و للشباب بالذات , حافظ على سيارتك و لا (تكرفها) بالحيل و حاول إنك تكون شاكر للنعمة اللي أعطاك إياها ربك عشان 
ما تكون كافر بالنعمة , و صدقني السيارة هي اللي تخدمك مو أنت اللي تخدمها , لأنك لو كرفتها و لا إهتميت فيها راح تكلفك كثير و تتنقل بين الورش و محلات القطع تصلح 
فيها و بالأخير تبيعها (كومة حديد) !!!! وش إستفدت بعدين ؟ لذلك الموازنة زينة لا تبالغ في الإهتمام و أيضاً لا تكرفها بالحيل لحد ما تنهي عمرها الإفتراضي !!!!!!

أخيراً (أستودعكم الله التي لا تضيع ودائعه , لا تحرموني من المشاركة و الإثراء فوجودكم يسعدني)

محبكم &&& أبو طــــلال

إبلاغ

الردود