وش رايكم ب جيلي ec8 و ec7

الله يكتب لك كل خير استخر

والله ي اخوي الموتر توه نازل صراحه ينخاف منه بس انا ماقد شفت احد اشتكى من ec7

اخبر ناس اشتكت من مكاينها ماتطول وعلى فكره معلومة متأكد منها الحساسات اللي فيها يركبونها عمال عندكم في الديره وانا سبق جيتهم عشان اركب حساسات وقالي مندوب عندهم لان بيني وبينه شوي ميانه مصري قال اللي يركب لنا من شركة ويجيب حساسات صينيه

لكن عن السياره وقوتها ماعندي علم ابد


وفيه حجازي موظف عندهم ترى يعطيك من الرخيص يقول لي مره وقفني واحد عند الاشاره قاله ماشاء الله وش موترك هذا اودي قلت لا هذا جيلي سياره صينيه وان اللي سأله ماصدق المهم انه عطاني صاروخ يمشي 9000 ومشيت ورحت لوكيل اودي يقنعني ههههههههههه

كنت اوقف اجرة ووقف لي راعي جيلي ( مو تكسي )

وسالته عن السيارة قال ماانصحك فيها سيئة جدا ، صدم فيها تكسرت قطع كثير ومن بعد هالصدمة الخفيفة السيارة صارت تتعطل من ناحية الكمبيوتر ومن غيره

لكن اسال المجربين كثير وشوف وش يردون لك

ماشفت احد اشتكى منها خصوصا ال ec7 اما ال ec8 فهي فخمه وسواقتها حلوه و صديقي مطلع وحده نص فل والله انها جميله ومقاعدها مريحه وعلى قد الجيب و فيها ضمان عالسياره ومن الاخير استخير و الله يقدملك الي فيه الخير

والله ياخوك انا قبل لاشتري موتر كان براسي جيلي اقصاد لانها رخيصه بحدود 800ريال بس واحد خرب علي قال للوالد لاتاخذ اقصاد المهم سالت عنها وفيه ناس مدحوها وهي صراحه فخمه بالذات ec8 صح فيه ناس يقولون صوت المكينه مرتفع شوي لاكن فخمه

قيمه الباب بالوكاله 200 ريال ع كلام واحد وقيمه باب كامري 2003 بالوكاله ب حدود 2000 ريال

والسياره جديده مايمدي احد يحكم اذا هي حلوه ولا لا

بس انا بصراحه شفت مرتين تكسي جيلي الصينيه

طيب يا اخوي خذلك شيء مجرب ومضمون خذ اكسنت ٢٠١٢  وحتى الاكسنت ماهي بعيده منها ولا خذلك النترا

مالك ومال الخط المعلق
الموت مع الجماعه ارحم !!!!؟؟؟

اذا الخيار محصور ما بين ec8 و ec7 فانا انصحك بـ ec7

لانه قطعها رخيصة 

الله يعطيكم الف عافية بس ودي احد معاه سيارة من هالشركة ويريحني
والله ان ردكم ع استفساري مشكورين وماراح اتهور واخذها الا لما اقتنع مع ان السيارة شكليا عاجبتني بس هذا مو سبب اني اخذ السيارة على شكلها بس اهم شي الاشياء اللي تمشي السيارة

اخوي والله شفت واحد قاعد ينصح في حراج ماهو بالمنتدى يعني
ec8 يقول كان ماشي على خط المدينة ان ماخاب ظني وسيارته توها ماشي بالثلاثينات
وخبطت عليه المكينة في وسط الخط ورجع للشركة عشان الضمان تدري وش قالوا له
قالوا المكاين ميستوبيشي احنا مالنا دخل راجع ميستوبيشي ويقلهم شريتها منكم وجحدوه
بحاول ادبرلك رابط موضوعه 

وللمعلومية كان عارضها للبيع ماعاد يبغاها

يارجال اقمشه جيلي ب 18ريال . نصف حبه مع الرز هههههههههههههه


قطعها مره رخيص

سياره ممتازه وانا استخدمها

وخذها واتوكل على الله 

ليت احد يفيدنا بالنسبه لعزم ال ec8  2000 سيسي .. هل هو مثل الالنترا ولا اضعف بكثير 

اخوي متأكد ان اقمشتها ب١٨ ريال اذا اسعارها كذا شكلي باشتريها ابغاها تاكسي واكد عليها اطلع قيمة الكامري