افيدوني بخصوص الفلتر

الفلتر حق المكيف ولا المكينه اذا حق المكيف مكانه قدام المعاون/الراكب ورا الدرج فك الدرج وفك الفلتر ونظفه عشان
يصفا لك هوا المكيف .
اما فلتر المكينه يصفي الهوا الداخل للمكينه وينقيه من الغبار وغيرها .
اسعار حسب نوع السيارة تقريبا من 25 الى 50 حسب نوع سيارتك الفلتر عيبه انك ما تنظفه او ما تغيرة من فتره لفتره
قد يسبب مشكله في المكينة المعذرة ع الاطاله

انت شكلك تقصد الفلتر الرياضي؟
واذا كان قصدك هو فهذا يدمر المكينة ويخليها تحرق بقوة وتستهلك بسرعة

^ اي يدمر المكينه واي تستهلك بسرعه انا الحين بكمل ٧ سنين وانا حاط فلتر رياضي وبالعكس يريح المكينه ويخليها تتنفس  مب مكتومه 

انصحك بفلتر k&n رياضي + مثل شكل الوكالة بالضبط لكن يسمح بدخول كمية هواء اكثر .. ويدوم معاك كثيير

مجربه من سنة وشهرين والحمدلله مافيه مشاكل .. والامس نظفته بادوات خاصة تشتريها سعرها 70 ريال ويرجع جديد 100%

العادة فلتر الوكالة غالي + يحتاج استبدال كل 6 شهور

يعطيكم العافية 

يالاخ بسدكـ ربي جابكـ يالغالي : انا ناوي اسوي الفلتر ومتردد لكن ابغى نصيحتكـ وشورتكـ النهائية , هل الفلتر اللي انته مركبوا بأنتيكـ
ولا بدون ؟ , واذا كان بأنتيكـ فهل تغير الصوت وطلع رياضي ؟ , ومن فين يالغالي طلبت ادوات التنظيف الخاصة فيه ؟ , أرجوووكـ رد
واللي يعرف الاخ بسدكـ اذا ماشاف الرد بالله يبلغوا !

بدون انتيك .. يركب مكان فلتر الوكالة بدون اي قطعه اضافيه ومركبه على اس اس 2007 .. ومافيه صوت رياضي .. يمكن عشان بدون انتيك ..

الادوات الخاصه تحصلها في محلات الزينه او محلات التعديل ب70 ريال .. نظفته الامس والبخاخ لسى باقي فيه لمرتين تنظيف .. والدوات الى تنظيف حتى الفلتر الي يجي مع انتيك ..

انا الي اعرفه الي يجي الانتيك هو الي يعطي عزم زيادة شوي مو واجد تقريبا 10 حصان + صوت طرب لما تدعس

آهااا اوكـ السؤال الاهم : يوم تركب الفلتر ما يحتاج تسوي برمجة ابدا حتى اللي بالانتيكـ ؟
 طيب طريقة تنظيفه بسيطة ولا كيف ؟ , وياليت تشرحلي كيف لاهنت لاني ماخذ واحد ان شاء الله , وهل ادوات التنظيف اللي عندكـ
هي الخاصة بالفلتر اللي هي K&N ؟

البرمجة وما ادراك ما البرمجة الله يحفظك اذا انت تبي تستفيد الفائدة القصوى من الانتيك والفلتر اعمل برمجة اما اذا تبي تستفيد 
بالصوت والا الزيادة البسيطة في العزم وكدا خليها بدون برمجة

طريقة التنظيف بسيطة بس يبي لها وقت والوقت كله ينقضي في ان الفلتر ينشف من الماء و ينشف من الزيت 
طبعا طريقة التنظيف تختلف من واحد للثاني وكل مين يمشي على الجنب اللي يريحه 
طريقة تنظيف الفلتر :
1- ترش الفلتر بسائل التنظيف وأحرص على تعبئة الفلتر بالمادة و المرور في كل منطقة 
2- أترك الفلتر لمده 15 دقيقه ولو ازود خير وبركة 
3- أستخدم شطاف الماء وأحرص أن يكون دفع الماء كويس 
4- تأكد من ان الماء المتساقط من الفلتر يكون صافي واذا لا مو مشكلة عيد الخطوة 2 - 3 
5- أحضر سطل مملوء بالماء وضع الفلتر فيه مدة 10 دقائق ولو زيادة خير وبركة 
6- بعدين اترك الفلتر في مكان مشمس واتركه حتى يجف تماما من الماء الوقت حسب الشمس وكدا
واذا مثلا ما عندك مكان مُشْمس خليه في مكان يكون الهواء في كويس مطبخ مثلا والا شي وتميله وليس تضعه في وضع
افقي او عامودي بل مائل عشان الماء ينزل وينشف سريع وممكن ان يجف تماما في 3 ساعات او اكثر
7- بعد ما ينشف من الماء باي طريقة كانت يأتي دور الزيت سوأ كان ضغاط ام بخاخ 
اذا انه بخاخ تبخ عن بعد 10 - 15 سم 
واذا انه ضغاط معروف ايش وضعه 
احرص على المرور بجميع المناطق من فوق من الجوانب 
8- مسح الفلتر من الزيت العالق بفوطة او خرقة على الشبك الخارجي للفلتر وتخليه لين ما ينشف 15 - 30 دقيقة 

وبعدين تركبه 

والسؤال الاخير موجه للعضو بسدك
انا من رائي ما تفرق هل اذا كان الفلتر من مثلا سايموتا والمنظفات من k&n 
لاني وقت ما رحت اشتري المنظفات دورت ما لقيت الا للـ k&n سألت اللي في المحل << السيارة الرياضية - جدة - التحلية 
هل انه في مشكلة اذا ان الفلتر من شركة والمنظفات من شكلة اخرى قال لي لا بس سألني ايش لونه قلت احمر

وسلامتك 

^^^ انته ايش اقلكـ والله فيه لايكات انفنتي كان اعطيتكـ , ماقصرت يالغالي والله وتعبناكـ :)

تعديل : *لو فيه

يا سيدي لا تقول كدا كلنا اخوان انا استفيد منك انت تستفيد مني مو مشكلة 

الله يحفظك ويبارك فيك