أضف سؤال أو موضوع جديد          

تقرير عن هونداي i40 الجمليه

up 10 down 4



كيف الحال ياشباب انشالله بخير


اليوم زرت الناغي عشان اشوف ال I40 وبصراحه السياره ماكنت متوقعها وفاقت التوقعات


صارت الالنترا فنظري ماتسوى شي جنبها واعتبرها منافس شرس امام الالنترا والكورولا


مكينتها 2.0 سي سي الجلنط تحكم اكتروني باللمس .. تشغيل الانوار صار مثل الفورد والمرسيدي عباره عن كبس او فرار تلفه يمين


التصميم من جوه افضل من السوناتا ؟ وش السوناتا جنبها ولاشي


مرايات تعتيم كميرا خلفيه حساسات فيها فاليسار زر SPORT >>> والله حركات ياهونداي


السياره مساحتها الداخليه كبيره مره عن الالنترا والكورولا سواء في الامام او الخلف مدري راح تكون فئتها من السيارات المتوسطه او الصغيره


التصميم الخارجي ابداع لايوصف .. الانوار الاماميه اتوقع انها زينون لاني شايف عدسات كبيره واتوقع بتكون غاليه قيمتها


سعرها 87 الف للفل اوبشن اللي شفتها والاسعار في ارتفاع الله يستر


هذا بالنسبه لل I40


زيارتي الثانيه كانت لصالة السيتروين ولقيتهم مسوين عرض على C5 مديل 2012 كانت ب121 والحين ب109 السعر ممتاز مقارنه بال ( الاكورد + الكامري + السوناتا + الماليبو + المكسيما + الالتيما ) كمواصفات وتقنيه وفخامه وهذا رابط لها نزلة عنها موضوع للي حاب يشوفها ومقبل على شراء سياره اتمىن يروح يشوفها


http://montada.haraj.com.sa/2221/تقرير-مصور-بسيط-عن-الجوهره-الفرنسيه---سي-فايف/










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صور لا هنت لأني ما شفت هالسياره 


up 4 down 0



يعطيك العافيه ياشاقح

والله اليوم انلحس مخي الصبح وانا افر بكورنيش جده

لقيت وحده تشبه الالنترا بس فخمة واصطباتها كلام كبير

والنعاسات الامامي شكلها رهههيب ماشاء الله تبارك الله

طلعت i40 ههههههههههههههه حسبتها بالبداية النترا لكن معربجها صاحبها

صرااااحه حلوه وبيشتغلونها لموزينات بعد لان مكينتها 2,0

ولاهنت على الطررح يا بعدي

واطنخ لايك


up 3 down 0
الفدرالي f7 309
قبل 8 سنه و 10 شهر



ماثدرت اصور لانه معاي ( جوال أباكشاف ) ثانيا الموقع موقفين فيه تنزيل الصور لكن لحد يحكم عليها الا لمن يشوفها على الطبيعه واتوقع انها راح تكون تكاسي المستقبل عندنا وهذا رابط عنها اذا حاب تشوفها ... http://assayyarat.d1g.com/gallery/show/4438970


up 2 down 0



الفدرالي ترى مساحتها من جوه كبيره اكبر من الالنترا واتوقع انها راح تكسر سوق الانترا والكورولا وطقتها اما الداخليه فهي بطرانه


up 2 down 0



وانا مثلك عجبني الموتر i40 مبروك مقدم على اقدامك شراء سياره والستروين ممتازه بس مشكلتها زي اسهم التامين فجأه بعد سنه سنتين 100000 الى 20000  وياليت تحصل زبون  مايخذها منك الا معرض وبالسعر الادنى


up 3 down 0
فيليب مارسيل 82
قبل 8 سنه و 10 شهر



السلام عليكم ومساء الخير على الجميع ويوم قريت الموضوع قلت لازم أشارك بالصور لأن تحميل الصور في المنتدى لايعمل

وفي حراج يعمل يعني ؟؟؟؟؟ ... وبعد اذنك ياشاقح .

http://hyundai.montada.haraj.com.sa/12582/%D9%85%D8%B9%D9%84%D9%88%D9%85%D8%A9-%D8%B9%D9%86-%D9%87%D9%88%D8%A7%D9%86%D8%AF%D8%A7%D9%8A-i40-%D8%A7%D9%84%D8%AC%D8%AF%D9%8A%D8%AF%D8%A9-./


up 6 down 0
مستر بن . 10377
قبل 8 سنه و 10 شهر



مستر بن تسلم على الرابط بس قلي كيف السياره انت جربتها !!! عزلها الارضي كيف


up 2 down 0



أخوي شاقح الموتر يلعب في الخط اذا كان فيه هوا والباقي عز الله انها سيارة ماشاء الله تبارك الله .


up 4 down 0
مستر بن . 10377
قبل 8 سنه و 10 شهر



وعزلها 80 في المية ممتاز والسبب نوع الكفرات كوري ممكن اذا تغيرت الكفرات بنوع زين وعريض بيضيع الاصوات

بنسبة كبيرة الي تجي من الكفرات .... والله يرزقنا الجنة .


up 5 down 0
مستر بن . 10377
قبل 8 سنه و 10 شهر



هونداي ابداع  وكل سنه او سنتين تبهر العالم بتطور جديد من تكنلوجيا  وسيارات وطلع مو بس واحد المصمم اخذين اثنين وحد من شركة بي ام والثاني من اودي 
توقعو كم دافعه هونداي وكيا على تطوير محركاتها 500 مليون دولار لتطوير جميع محركات هونداي وكيا وهاذا المبلغ مو بصيط في تطوير مكاين سياراتها لكن لسا الناس مو راضيه تقتنع وبكره راح يبان وتصير مثلا الاكورد اول ماطلعت وشوي شوي صارت سمعتها عاليه والله انها افضل من تايوتا ههههههه السبورت 86 الي عندهم تبدا من 96 الف والفل ب120 لا والمصيبه اربع سلندر يعني سبورت حق الطفرانين بدون عزم فقط شكل بينما السبورت من هونداي الفل ب76 الف شوف الفرق واحلا ومواصفات اعلا
وهاذي هونداي الي تقول عليها اخوي شاقح الله يسلمك نازله من العام وفيه مثلها بس اقل تجي i30 شفتها اثنينهم بالناغي   


up 5 down 1
princ 18873
قبل 8 سنه و 10 شهر



الي انا اتكلم عليها الي مثل البقس هههههههههه والله روعه اذا نزلو منها شكل مثل الانتر بس اتوقع فتره وتنقطع لنه بتضرب سوق الانترا مثل السنوات كانت تجي 6 سلندر وضربة الازيرا ووقفوها لنه الشكل القديم كانت قريبه من بعض كديكور وشكل خارجي 


up 3 down 0
princ 18873
قبل 8 سنه و 10 شهر



فعلا انا شفت السياره والله انها ابداااع واحلى واطلق من الالنترا داخليا وخارجيا ,, واتوقع راح تقل مبيعات الالنترا بسببها 


up 2 down 0
ابو سعود629 4708
قبل 8 سنه و 10 شهر



مشكور اخوي شاقح 

احس السياره كلاسيك مره حتى عداد السرعه شكله ماش 

ولابد مثل هالسيارات تضاف لها لمسات ابداعيه حتى تستقطب الشباب وهذا المهم 

عن نفسي انا اول مانظر الى سيارات الهوانداي (الانترا . سوناتا . اكسسنت )

بعد 2011 تحس انها شبابيه وكول ههه

مع ان العزم ووسائل السلامه لم تختلف اختلاف بسيط عن الموديلات السابقه 




up 2 down 1
سعد خليل 6152
قبل 8 سنه و 10 شهر



انا ماحصل وشفت هالسياره 

بس دامها 2000  سي سي 

اكيد بتمشي في الشركات 

لانهم مايقبلون سياره مكينتها اقل من 2000 


up 2 down 0
راااضي 2520
قبل 8 سنه و 10 شهر



انا شفت في معارض النسيم بس غاليه والله اذكر بحدود الثمانينات عاد ماندري وش وضعها واستخدامها زيها زي النترا
والسوناتا ولا لا .. شكليآ مايحتاج بطله بس عاد العبره بالاداء والتحمل ...


up 1 down 0
الالنتراوي 5150
قبل 8 سنه و 10 شهر



الاكسنت احلى :)


up 0 down 0
brake 1307
قبل 8 سنه و 10 شهر