أضف سؤال أو موضوع جديد          

ملاحظات بسيطه عن فن قيادة القير العادي

up 37 down 4
speed for ever 3705
قبل 6 سنه و 9 شهر



السلام عليكم ورحمة الله وبركاته

الموضوع هذا كتبته للناس اللي ما عندهم خبره بالقير العادي ..

بعضهم يدعي انه خبره و يقول لا تعلمني وهو ما عنده خبره كافيه للأسف ( وصار لي مواقف معهم بسيارتي ) .. ومو عيب ان الواحد يتعلم .. لكن العيب ان الواحد يستمر بأخطاءه

ترى سواقة القير العادي مو بس تعشيق وبس .. لا لا

مثلا انا عطيت سيارتي لواحد اثق فيه
وهو دائما يسوق أوتوماتيك (سيارته) لكنه بعض الأحيان يسوق قير عادي ( سيارتي )

المهم عطيته سيارتي لمدة شهر وكنت واثق فيه

ومره من المرات ركبت معه وتفاجأت بطريقه قيادته الخاطئه !!
يعني مثلا عند الإشارات أو الخ... يستمر داعس الكلتش ومعشق !! كذا ينحرق الكلتش

المهم قلتله ان كذا ينحرق الكلتش يا اخي , قال لا ما عليك لا تصير موسوس والخ ...
حاولت أقنعه .. و قلت ان هذا الشيء معروف + مكتوب بكتالوج السياره + مهندسين وميكانيكيين اجانب يقولون هالشيء

لكن بعض الناس مشكلتهم ما يحبون احد ينتقدهم عشان يصححون أخطائهم , ويقول انت موسوس والخ ...

الخطأ الثاني .. يعشق بالخامس وهو ما يمشي بسرعه عاليه .. يعني الـ RPM نازل والمكينه تنرحم ( تحس ان المكينه غير مرتاحه من صوتها واهتزازها )


التعشيق لازم يكون مناسب و حسب السرعه .. لأن اذا جيت ترقى طلعه وانت معشق بالخامس مثلا والـ RPM منخفض .. كذا يضر المكينه وكراسي المكينه والخ...


واذا كان الـ RPM منخفض جدا .. ينخفض ضغط زيت المكينه .. وهذا يؤثر على توزع الزيت على المكينه

خير الأمور أوسطها ..
يعني لا يكون الـ RPM عالي بشكل مستمر ولا يكون منخفض جدا بشكل مستمر

يعني لو مثلا السياره أقصى RPM قبل الأحمر 6 .. وبعد الأحمر 7 و 8
افضل شيء تكون القياده على 2.5 أو 3 RPM


اذا جيت تعشق من الريوس إلى 1 ,, أو من 1 إلى الريوس ( لازم تكون السياره متوقفه تماما .. عشان تحافظ على تروس ونحاسات القير )

اذا صرت ما راح تعشق حاول انك ما تحط يدك على عصا القير .. لأن عصا القير متصل مع تروس القير وممكن تزيد احتكاك التروس لأنك تصير ضاغط على عصا القير وكأنك تضغط التروس مع بعض و تزيد احتكاكها


بعد ما عطيته سيارته لمده شهر عقب ما رجعها .. لاحظت صوت بالسياره ما ادري من المكينه او من الكلتش او من كراسي المكينه والقير


المشكله اني محافظ على سيارتي .. صح اني اسرع وكل شيء وراعي مقاومات بعض الاحيان .. لكن سواقتي احترافيه لأني متعود على القير العادي وعندي خبره

ايه صح نسيت .. لا تنسون تضغطون دعسة الكلتش بالكامل قبل التعشيق .. يعني لا تصير كسول وتضغط نص دعسة الكلتش ثم تعشق

وبالطلعات لا تعشق مثلا من الثاني الى الثالث .. لأنك كذا يطيح عزم سيارتك و تتعب المكينه وكراسي المكينه .. وبسبب انخفاض الـ RPM بشكل كبير في الطلعات و يزيد اهتزاز المكينه .. وينخفض ضغط الزيت ويصير الزيت ما يتوزع بشكل كافي

انا مثلا اذا صرت بأرقى طلعه اثبت النمره واذا رقيتها عشقت

وقبل جربت اعشق وانا بالطلعه .. من الثاني للثالث وانا ما اسرعت بقوه .. طاح عزم السياره وصارت المكينه تهتز شوي .. واظطريت ارد نمره ( أرجعها مثل ما كانت قبل )









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عدم تعليق الكلتش هذا اهم شي 

الباقي م له ذاك التأثير لا مع الاستمراريه


up 0 down 0
rapzz 37
قبل 3 سنه و 6 شهر



نصائح مهمة جزيت خيراً أخي العزيز


up 0 down 0
محمد 112233 4425
قبل 3 سنه و 3 شهر