أضف سؤال أو موضوع جديد          

حراج السيارات من جرف لدحديره

up 10 down 0
a v a l o n 2184
قبل 9 سنه و 4 شهر



السلام عليكم ورحمة الله وبركآته 

اخواني وش الي حاصل بموقع حراج والله ان اغلب اسعار السيارات والسومات الي تجي للسياره مبالغ فيها 
بشكل كبيييييييييييييييييير جدا 

مثال : 
لي حدود الاسبوعين ابحث عن كامري 2006 
اسعارها بالمعارض الواقفات من 30 إلى 40 الف ريال 
والي يكون سعرها 40 الف بالمعرض يكون ممشاها لايتعدى الـ 300 وايضا اعلى فئه 
اي هي فتحه وجناح وجنوط 
والنوع الاقل الـ GL قير عادي وممشا اكثر من 300 الف وبدون فتحه وبدون جناح 
سعرها من الـ 25 إلى الـ 28 الف 

انا اتكلم عن الواقفات بالمعارض 
وطبعا الي تحت المكرفون بعضها يباع على 25 و 26 وتكون اعلى فئه 
وعلى قولهم سكر في مويه .. 
لاكن اتكلم عن الي واقفه ويحق لك تطلع تفحص وتجرب 

وخلال اسبوعين في موقع حراج وانا اراقب اغلب اعلانات 2006 

ينزل لك اعلان عن سياره وفيها [ رفرف وكبوت وماشيه 400 الف واقل فئه ويقول لك البدي وكاله باستثناء رفرف وكبوت ! ]
على اي اساس يالطيب تقول بدى وكاله ؟
المشكله بعد ماينز الاعلان يجيك واحد ويقول

30 الف وان ماجازت لك اعتبرها فتح سوم !!!!!!!!
وراعي السياره يطير بالعجه 
اكثر من واحد راسلته ع سيارته واعطيه فيها سعر السوق ويمكت ازيده 2000 او 3000 بحكم اني مستخدم
ولاتهم الزياده بالشي النظيف
ولكن يقول لك مسيومه بالاعلان بـ 37 ولا بعت !! 

يعني على بلاطه اغلب الاعلانات الي بحراج كلها لعب في لعب 

اجل كامري 2004 مغير لها مكينه 2011 وفيها صدمه بالشنطه / 

مسيومه بـ 47 وحادها بـ 50 !!!!!!!!!!!!!!!!!!!

احترام لصاحب الاعلان ماحطيت رقمه ولكن كل يوم نرى عجايب في الموقع 

وانا والله ثم والله ما ادور إلا استخدام فقققققققققققققط
لاني ادور المكاسب وغيره 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)

الموضوع مغلق


الردود


أققسم بالله العظيم في عام 2007 كان عندي كامري 2006 GLI فل كامل بس القير عادي 

وكانت وقتها ماشيه حدود الـ 55 الف كيلو 
وبعتها بـ 60 الف ريال 

والحين بعد 7 سنوات يجي من يطلب فيها الـ 50 والـ 55 الف ؟؟




up 8 down 0
a v a l o n 2184
قبل 9 سنه و 4 شهر



والله ياخوي بتتعب انا ادور الان سوبربان موديل 2000 او 2001 ولي 3 شهور ما حصلت 

اجل قبل 6 سنوات محصل سوبربان 2002 حاده علي معرض كراء ان كانك تعرفه والله حاده علي ب50 الف ريال 

والحين احصل 2001 يقول ب52 هااااااااااااه خبال هو خبال والله شيء يقهر وانا تعبت وابي موتر للعايله بس ااه لو عندي وظيفه كان طلعت وكاله وافتكيت من دوشة المعارض والنصابين اللي فيها والله انهم كلاب كلهم 

اقسم بالله يرفعون الضغط والمشكله اغلب اللي اشوف معهم الجموس فلسطينين او سواريا انا ابي اعرف من وين يجيبونهم واللي مو مصدقني يدخل البرحه في معارض الشفاء ويشوف بعينه ويغلون الجموس وهي والله مصدمه وماشيه فوق ال400 وينزلون عداداتها 

لكن حسبي الله على كل نصاب وظالم في هالبلد حسبنا الله ونعم الوكيل 

اتمنى ان اي احد يشوف ردي وعنده جمس للبيع يعطيني خبر او يرسل رقمه ع الخاص تراني شراااااااااااااي 

موفقين يارب 

ومشكور اخوي افلون  ع الموضوع الممتاز والحمد لله طلعت اللي بقلبي وارتحت ههههههههههه 




up 9 down 0
camry grandi 99 7274
قبل 9 سنه و 4 شهر



اخووووووي كامري
انا مره نزلت لساحه الشفا 
واغلب الاجانب الي معهم سيارات ماهي ملك لهم 

تحصلها واقفه بمعرض وبالعصريه ينزلون فيها الاجانب وهم متكشخين 
على انها لهم .. لان بعض ربعنا يوم يشوف السياره مع اجنبي على طول يقول نظيييييييفه لان سواقة الاجنبي ماهي
نفس سواقة السعودي 

وكلهم لو تساله ليه بتبيع يقول لك بسافر ومحتاج فلوس ههههههههههه

على الطاري هذا في افالون 2009 في معرض قريب من الساحه المعرض الي جنبه في صراف الراجحي
المهم : فيه افالون هناك ماشيه 8000 كيلو فقط 

انعرضت عليه بـ 90 الف على انها مخزنه 
والكلام هذا قبل شهرين .. لكن الافالون هذي واحد من الي كان معي عرفها 
لانها لجارهم .. وغرقت في سيول جده !!! 

وبعد كم سنه نزلوها للمعارض على انها مخزنه 
مسكنا المصري وقلنا له الموتر غرقان بجده وممنوع تبيعه لانه اصلا جاه تعويض صاحب السياره وسحبو السياره عليه 
لكن كيف طلعت من الحجز للرياض وهي غرقانه ومعوض راعيها ؟؟

انها الواااااااسطه ياحبيبي

ازبده قال المصري روح اشتكي في ماتبغا 

والمشتكى لله 


والله يرزقك بالوظيفه الي تريحك 


up 5 down 0
a v a l o n 2184
قبل 9 سنه و 4 شهر



الغالي افالون بالنسبة للسيارة المذكورة اعلاه شريتها قبل 3 سنوات بمبلغ 45 الف و جيت بعد 7 اشهر ابغى اشوف كم تجيب ،، جابت لي 51 الغ
وانا غير جاد في بيعتها
لذلك اتوقع الوقت و الفئة و ... الخ تفرق
اما بالنسبة للي مغير مكينة و مسمكر ... الخ و يطلب فيها زود ، هذا ادعي بوجهه ان سيارته ماتنباع و تبقى ناشبة له
و الله الموفق


up 2 down 0
r4rec0in 1443
قبل 9 سنه و 4 شهر



r4rec0in 
اخوي الغالي .. 
انا تكلمت عن الاسعار بالي اشوفه بالمعارض والسوق 
وحكمت بناء على كذا .. 
ومو معناته ان كل الكامريات اـ 2006 سعرها مايتعدى الـ 40 
فيه شي يستاهل الـ 50 وفيه شي مايستاهل الـ 30 

وفقك ربي


up 2 down 0
a v a l o n 2184
قبل 9 سنه و 4 شهر



والله فيه جرايم اكبر وانا اخوك مو بس هذي انا ما يقهرني الا اللي ينزلون العداد ويقول ممشى حقيقي ودي معي سيف اي واحد ينصب انتف راسه وامشي لاني بصراحه مليت من هالاشكال 

وبالنسبه للاجانب لا هذي حقتهم وانا اعرف بعضهم ههههههه كانو يدرسون معنا بالثانويه وكانت حالتهم الماديه متوسطه بس اغتنوا من السيارات لانهم كانو يجيبون من امريكا ايام الرخص وايام الاستيراد المفتوح 

لكن الحين اكتفوا بالسيارات اللي عندهم يلقطونها من واحد برا المعارض ويروح يلمعها ويكيسها ويجي يرزها في المعارض يحسبنا غشمان ما نعرف السيارات 

لكن الحمد لله على كل حال ودعوه طيبه منك حبيبنا افالون 

بالنسبه لصاحب الافالون هذا جزاه عند الله والمعرض حسابهم عسير ان شاء الله 

بالتوفيق حبيبنا


up 5 down 0
camry grandi 99 7274
قبل 9 سنه و 4 شهر



ربي يوفقك ويستر عليك


up 3 down 0
a v a l o n 2184
قبل 9 سنه و 4 شهر




ولعلمكم وتذكروا كلامي المعارض هذي بيجيها مثل ما جاء العقار بتصير السيارات اسعارها في الحضيض وتذكروا كلامي 

لان اللي جالس يصير الان ذكرني ايام العقارات والبيوت قبل 7 سنوات تقريبا طاحت طيحه والله صارت البيوت ببلاش 


up 7 down 0
camry grandi 99 7274
قبل 9 سنه و 4 شهر



آمين ياارب 
من بؤك لباب السما يارب


up 5 down 0
a v a l o n 2184
قبل 9 سنه و 4 شهر



ياخوي اكثر اللي يسومون بالحراج يا تعزيز يارجال طال عمرك ما يتحرك من موقع حراج وعلى الكيبورد وما يعرف الاسعار اللي بالسوق وبعد منهم فئه صغار سن يحط اسعار واذا اطلقت البيعه ما تحصله ولا يرد على جواله وصاحب السلعه متمسك بسومته والكثير الكثير 
اخوي camry grandi 99  الله يسمع منك


up 4 down 0
ابوخلوودي1 5070
قبل 9 سنه و 4 شهر



وتستاهلون جميعاً لايكات


up 3 down 0
ابوخلوودي1 5070
قبل 9 سنه و 4 شهر



والله ان كان تبغى نصيحتي فهذي السيارة الي ماهضمتها هي كامري من موديل 2003 الى 2006

صراحة ركبت في كم واحدة بس كلمة حق انها سيارة زي الونيت تكسر الظهر وديكوراتها زفت وماتسوى والله كل هالقيمة

وترى الشريطية همهم يرفعون الاسعار بالاعلانات

يعني تلاقية مسوي أعلان ويدخل بعضوية ويزيد على نفسة ويقول أعتبرها فتح باب إذ ماجازتلك

ومن هذا الاسلوب تعرف على طول انه شريطي لانه ماحد يفتح باب مثلا سيارة ماتسوى 30 الف ويجيك واحد يسوم ب29 ويقول أعتبرها فتحت باب هذي الحركات

مايسويها غير الشريطية

فأنت اي اعلان تشوفه زي كذا أطلع منه

لان السيارة أكيد بيكون فيها بلا دام انها سيارت شريطي

وأن كنت تبغى الكلام الي مابعده كلام ؟؟؟

أبتعد عن النت ولاتشتري منه سيارة أبدا

شوفلك اي واحد من الاقارب او من اخوياك معه كامري او يعرف واحد معه كامري اوتنزل امعارض بنفسك وتشوف لك زبون يبغى يبيع

والزبون الي يبغى يبيع لازم تحصله عنده عالم و90% شريطية

وللمعلومية ترى الموقع هذا أكثر الي يعرفه شريطية نادر ماتلاقي واحد يعرض سيارته يبغى يبيعها

وهذا يستغلونه على طول

وأخيرا الله يوفقك وتحصل مبتغاك ويوفق الجميع




up 1 down 0
ls caprice 2078
قبل 9 سنه و 4 شهر



والله يالغالي انا معاكـ في كل شي وخاصة الشريطية اللي جننونا والله , والثانيين اللي هم داخلين على بورش باناميرا للبيع جديدة 2012
ويقلكـ تبيع بـ 200 ألف !!!!! , وثالث الفئات برضوا اللي زي ماقلت عليهم انت يغللي السيارة وهيا ماشية ولا فيها شي , لكن والله
فيه ناس فيهم خير انا اشوف سوماتهم واعلاناتهم للسيارة يعطيكـ سعر معقول ويخلص النية , عالعموم اتمنى من الادارة الكريمة تشوفلنا
حل و تحط قانون صارم !


up 0 down 0
موليا 772
قبل 9 سنه و 4 شهر



قلتها قبل ومحد صدقني . الواحد اذا عرض سيارته ويبغى فيها مثلا 55 الف يجي يقول السياره سيمت ب 54 الف والبيع على فرق السوم !!! وهي في الاساس لاسيمت ولا شي بس يبغى يبيع بالسعر اللي فباله وانا متاكد انه 95 بالمئه من السومات غير صحيحه ... هذا غير اللي حاط سومه من راسه لها شهرين ؟ معقوله اللي سام موترك لحد لحين ينتظرك تبيع له ؟ الحل هو انه السمات على العام فقط اما السومات الخارجيه تتكنسل وبس قال ايش قال سيمت على الجوال ههههههههه


والله ياشاقح ماقلت الا اللي ببالي ....اه ياقلبي وقسم بالله مفقوووع... صارلي كم اسبوع

ادور موتر لسواق الوالده الله يحفظها...وعلى عينكم الموقع،.


up 1 down 0
roro212 1420
قبل 9 سنه و 4 شهر



شباب في نقطه مهمه لازم الكل ينتبهلها

في الرياض اسعار الكامري مرتفعه وحتي في الشرقيه لكن في الغربيه منخفضه انا قبل ماكنت اعرف على بالي انو في الشرقيه ارخص سئلت شريطي من الشرقيه قالي ابعد خلك في الغربيه احسلك احنا نشتري من جده ونبيع في الشرقيه
المهم يجيك واحد ينزل كامري 2007 في الرياض ويحدها بي 45 على اساس المعارض الى عندهم
ويجيك واحد من مكه ومعه نفس الكامري ويحدها بنفس السعر وتقله ليه كذا يقلك شوف الاسعار في الموقع طيب في الناس الجاده في عرض


up 0 down 0
hoot 243
قبل 9 سنه و 4 شهر



تكمله
الناس الجاده في عرض سيارتهم حطو السعر على اساس المعارض الى عندهم يعني في جده الكامري 2007 ماتتعدا 40 الف اذا نضيفه كيف تبيني اشتري حقتك بي 45 والله العالم اش فيها بأختصار العارضين سيارتهم عاجين مع العجه ولاهم دارين اش السالفه


up 0 down 0
hoot 243
قبل 9 سنه و 4 شهر



ضاحكين عليكم بكلمة شيك بالجيب خخخخخ


up 0 down 0
YASSER505 4174
قبل 9 سنه و 4 شهر