أضف سؤال أو موضوع جديد          

أبي رايكم بالتأجير المنتهي بالتمليك

up 4 down 1
selmia 19
قبل 6 سنه و 3 شهر



يا اخوان انا علي قرض وابي اطلع سياره ومالقيت الا عبداللطيف جميل اللي ما يهمه عليك قرض والا لا 

تخبرون احد غيره اقدر اطلع منه سياره بالتقسيط او التاجير؟

وشاكر لردودكم مقدما







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الله يكون بعونك

 هذا حال الشعب


up 6 down 0
سعد خليل 6151
قبل 6 سنه و 3 شهر



كل شركات التاجير تعطيك سياره بشرط ان لقروض ماتتعدى الظاهر ٥٠ ٪

ويكون قسطك يغطي قيمه السياره والفوايد

اذا مره مره مدقؤه معك وامورك واقفه ع سياره جديده

الله يعينك حاول تدفع دفعه مقدمه كل ٥٠٠٠الاف تنزل ١٠٠ ريال

ثاني شي شف الموتر اللي يناسبك وانتبه اللي ناسبك

ثالث شي ابتعد عن المواصفات والاكسسورات والخرابيط 

يعني استاندر

سواء كورولا.   او كامري او هايلكس او اي سياره

عشان توفر اكثر مايمكن وراح تقرا ان الصيانه لازم تكون بالوكاله بس ماعليك طنش 
وتابع صيانة موترك

في الاخير تاكد انك ماراح ترتاح في استخدامها ابد ابد في الليل تفكر متى تفتك منها

وفي النهار تخاف يجيها دقه 

لانه لو تستدمخها سنتين ويجي دقه بالوجه وتطلع الايرباقات 
راحت تالفت وكرشووك مع الباب

الله يعين بس 

شاور واستخير
وبالتوفيق وسلامتك



up 5 down 0
مدرس عاطل 2 43
قبل 6 سنه و 3 شهر



شف الله يحفظك
انا علي قرض من بنك الاستثمار ونسبة القسط 33% من الراتب
وخذيت سيارة عن طريق اليسر


up 5 down 0
ابو سليمان1234 13
قبل 6 سنه و 3 شهر



السلام عليكم
بالنسبه لتقسيط تقدر تشوف اوتوزون بالبيد عندهم تقسيط
اما التأجير ما انصحك وابعد عنه وياليت تشوف المواضيع المشابهه على اليسار فوق 


up 1 down 0
dub_r-50 373
قبل 6 سنه و 3 شهر



نصيحة مني لاتستعجل في التاجير وحاول تدبر عمرك بسيارة مستعملة بسعر معقول افضل من التاجير


up 2 down 0
الجوابر1 393
قبل 6 سنه و 3 شهر



تبي اسرع اجابة ؟

لو يكون باقي لشركة التقسيط ريال واحد فقط , وصار عليك حادث قبل نهاية العقد , خلاص ياخذون قيمة السيارة من التأمين وانت يرجع لك دفعتك الاولى بسسسسسسسسسسس



ركز بهالنقطة , كل الناس يمديها تاخذ سيارات تاجير تمليك لكن السيارة ماهي لك من الاساس حتى لو سددت المبلغ كامل وماوقعت عقد التملك برضو السياره من حقهم :)


الزبدة فيه ملعنه بالشروط ولا يوجد من يحمي حق المواطن ..!!


up 3 down 0
YASSER505 4164
قبل 6 سنه و 3 شهر



والله ما يمدحونه نصابين وابعد عن مكاتب التقسيط افضل لك واذا تبي سيارة ومستعجل عليها خذ تمويل سيارة او افتح قرض ثاني ولاكن ابعد عن المنتهي بالتمليك لانك بتتعب 


up 0 down 0
كروز_وبس 1043
قبل 6 سنه و 3 شهر



روح لبنك العربي واسألهم ولا السعودي الهولندي وانت و حظك 


up 0 down 0
كروز_وبس 1043
قبل 6 سنه و 3 شهر



اخوي نصيحة لا مكاتب اليسر ولا اي وكالة راح تنفعك 

انا كنت نفس الموقف اللي كنت فيه لاكني تراجعت 


up 0 down 0
hamad2008 1557
قبل 6 سنه و 3 شهر



أخوي شف شركة تأجير على كﻻم واحد انها مسهله.....او شف البنوك مثﻻ عندك الراجحي خش على الحاسبه وحط راتبك والقسط الي عليك وشوف يقبل ان شاء الله ....الله يوفقك


up 0 down 0
محب هوندا 622
قبل 6 سنه و 3 شهر



نصيحه 
اذا عندك التزامات كبيره لا ترهق نفسك بقسط كبير 
الدخول سهل لكن الخروج جدا صعب 


up 0 down 0
Ahmad356 505
قبل 6 سنه و 3 شهر



ياخي معاي صني ٢٠١١ ع العرض ايامها 
وكديتها سنتين وصار حادث بسيط بحفرة بس بطن السيارة والقير اخترب قالو راحت عليك اتلاف 
ولما راحت قلت يمكن يعوضوني بشي او خلاص امشي ويكفيهم الاقساط الي راح 
قالو لي هات ٩٠٠٠ ريال باقي من السيارة عشان تكون كاش 
وتهاوشت وياهم وحالتي حاله ونقت التسعه ريال ريال وبالاخير طلعت انا الخسران 
وبنصحك خط لك موتر لو كل يوم بورشة وانحش عن التمليك والله واعلم انه حرام ماقد سمعت احد مستانس وموترة مافيه طقات 



up 0 down 0
ابن نابت 4
قبل 6 سنه و 3 شهر