ماهو حل مشكلة الراحة بتاهو؟

عشان كذا انصح العوائل باقتناء الجمس لاني جربتهم الاثنين

الجمس اريح بكثير ماعدا الدينالي مزعج

والله اول شيء على حسب مقاس الجنط اذا مقاسه 20 اكيد بيكون قاسي اما اذا 17 بيكون افضل 

وبالنسبه للكفرات ماعتقد انها هي السبب لان معروفه بريلي شركة ايطاليه وكبيره في عالم الفورملا ون ودايم تفوز في السباقات 

بالتوفيق يارب

السبب كبر حجم الجنط 20 وحجم الكفر  اصغر وتحسها في المطبات والحفر ولكن شوف اللي سيارته LS أو LT حجم الجنط 17 والكفر يكون انعم في المطبات والحفر من الجنط الكبير . 
بالنسبة لصوت الديكورات تقدر تركب اسفنج في بطانة الابواب .

في حل حلو اعرضه للبيع او للبدل بيوكن احسن لك

يارجال بيعه واشتر ارمادا

يالحبيب حل مشكلتك سهل ، ركب جنوط الـ17 حقت الـ LT

فرق وراحه


أما أصوات الديكورات طبيعي هذا هو الجمس ، ديكوراته جودتها رديئة مع الأسف

يا شباب انا معي تاهو 11  LT و مرتاح فيه   اي ازعاج تتكلم انت عنه و بعدين ياللي يقول الجمس احسن  ترا كلها نفس بعض يا حلو  واللي يقول خذ ارمادا ارتااااااااااااااااااااااااااااااااااااااااااااااااااااااااااااااااااااااااح شف سعر قير الارمادا ثم تكلم   لان مشاكله قير  

اخوي تأكد من هواء الكفرات لايتعدى 35 والافضل 30

خذ الحل اخوي والله ان تدعيلي شفت جنط السيارة جب اصغر منه 

ورد لي خبر 

الئ الآن الردود تتلخص بحجم الجنط
وفي ناس أقوالهم تاهو ال تي زد ويتكلم عن ال تي ركزو يا خوان مؤ ترد وسلام


وبخصوص مفردات بيريلي الشركة قمة فعلا لكن ما تنفع للجموس 
وبخصوص الي يقول خذ جمس. استغررررررب مرة
والله ثم والله. كافيه فرق بين التاهو واليوكون إلا سطبات وشمعات واشيا بسيطه
بل أكاد اجزم أن حتي السكاليد من نفس المصنع 

القساوة موجود حتى في جنط 17 لكن ماعندي خلفيه عن جنط 20 ممكن اقسى شوي لكن اكيد للجنط الكبير مزايا وماانصحك تغير الجنط لان شكله بيخرب على شي مايسوى

وبالنسبه للديكور الحين السيارات الجديدة اغلبها كذا لان تركيبها بالكلبسات مو مثل اول بالمسامير عشان كذا مع شوارعنا تسمع بعد فترة الاصوات الحل تشوف الوكاله وش بيسون لك رغم اني قد رحت لهم 5 مرات ولا سولي شي للكن رح للتوكيلات لاني ماقد رحت لهم وفرعهم الجديد على الدايري الجنوبي شكله جامد

وماانصحك تبيعه ابد ابد هذولا شريطيه شكلهم التاهو بمواصفاته وشكله وقوته ماتحصل مثله والدليل كثرته في البلد


والله يوفقك ومالك الا الصبر على بعض الامور لانها ماتستاهل الزعل ولا المقارنه مواتر المانيه طلع فيها مشاكل كيف عاد هالامريكي اللي مايوصل قيمته نص قيمة جيوب الالمان

اذا كان المطبات قاسيه شف المساعدات لا تصير مغيره انا معي سوبربان ٢٠٠٧ مافيه صرصره الى في شاشه اليفيدي واحيانن يطلع واضغته يروح وجنط ٢٠

الي يقول ارمادا اريح غلطان انا جربت ٢٠١٠ LE مطبه قاسيييي  بس عوازل الصوت زينه والمراتب مرتتفعه الشفر اريح واكبر

اخوي موترك ltz امريكي اذا امريكي خذ كلامي انا معي سوبربان ltz امريكي وكنت اشكي من قساوته 

من كثر ماهو قاسي اكاد اجزم ان مطبه مثل التايوتا الشاص بالظبط لكن بعد البحث فالنت ومرمرة الصناعيه اكتشفت ان المشكله في المساعدات 
الهايدروليك الامامي والخلفي في حل لها انك تغيرها بمساعدات اسكاليد والحل الثاني الارخص الي اتخذته انا تركيب مساعدات عاديه حقت اليوكن 
شريتها وركبتها والحمدلله الموتر مريح جدا سعر المساعدات 1400 والتركيب 300 ريال لاغير

مساعدات الltz والاسكاليد واحد ونفس النظام  Autoride electronic controlled shock
يعني شيك على النظام الالكتروني للمساعدات يمكن فيه مشكلة بالاسلاك او ع المساعد نفسة

هل عرفت السبب كيف كان الحل