للإغلاق للإغلاق

انا ضللت الامامية ومريت على تفتيش قال مخالفة وحجز السيارة والله بعد شق الانفس واتصلت على اخواني لين قال مخالفة بس
انصحك اللبس نظارة شمسية وريح وترا من داخل ما ياثر حتى من برا تحياتي

ركب شماسه أم 20 ريال العاكسة للشمس عند اللزوم أفضل لك لأن التظليل مهما كانت درجته يعتم الرؤيه الليليه قليلا وترى أي ضوء امامك أثناء السير بالليل مدبل أو غير واضح وده عن تجربه شخصيه جعلتني أنزعه عند محلات الزينه..

والقرار يرجعلك  

انتبه من المخلوط امس في اليل كنت اضلل  موتر خويي وحصلة واحد راعي افلون مضلل مخلوط ويبي يشيله في القزاز 
الامامي والله ساعة ونص جالسين يشيلون الصمغ قلتله ليش وش السبب قلي عيب المخلوط اذا جيت تشيله يبقا صمغ يختلف 
عن التظليل الاسود لان راعي الافلون خلا التظليل 5 شهور  وانا موتري مظلل عند نفس المحل مخلوط قلتله طيب مو انا 
ظللة عندكم مخلوط قلي انت وحظك يعني ظلل الموتر البيبان عندهم والامامي شفلك شركات العزل الامريكي ولا سوها 
كلها عندهم

افضل عازل شفاف بالعالم حاليا هي كريستالاين من شركه 3m

مشددين مرة بالتضليل واللوحات سواء الشرطة ولا المرور
اليوم والله قدام عيني اثنين كلهم مخالفات بدون اي كلام

جزاكم الله خير على الردود 
بالنسبة للاخ ramyshubra وش هذي شماسة هل تقصد حقت الشمس اذا نزلت من السياره حطيتها او هذي شي ثاني
ياليت التوضيح 
واشوف اغلب ردوركم ما تأيد التظلليل الامامي وخصوصا المخلوط 
وبخصوص الاخ ابراهيم التركي / وش اسم التظليله وكم درجتها ؟

ابراهيم التركي ، ماتقصر لكن انا من القصيم-بريدة ماني من جدة
لو تعطيني اسمها او شي 
اذا في امكانية تصورها لي وهي على سيارتك الامامية ؟ عشان اشوفها زين 
وجزاك الله خير

أقصد بالشماسه دي مثل الصوره 

http://www.nissan-arabia.com/vb/images/imgcache/2011/08/186.jpg

لكن إذا كنت حق خطوط وسفر , الشباب يفيدونك إن شاء الله

^^
لا اخوي انا ماني راعي سفر مشاويري بالديرة
لكن هذي شماسة اذا نزلت من السياره حطيتها عشان ماتحتر السياره ، لا انا ابي وانا امشي بالطريق ومشاويري يكون فيه تظليله 

اخوي 0.1 ماعندك مشكلة حطة باي مكان الا الشباك الامامي مو حق السائق حق الي يشوف منه السائق و الي اخذ مخالفة غير كذا يعني ماعرف يتفاهم مع الشرطي لانه باليل يبان كانه تضليل قوي 
ياما وقفوني لاكن بعد ساعات من الاقناع اقتنعو انه فعلا 0.1 لانه في الليل صعب التفريق 

لالا اخوي رح لمحل الزينه قله ابي تضليله اماميه اللي تجي سحب وعطيك اياها قيمتها من 15 الى 30 ع حسب المقاس والشركه

تجي لفه دائريه زي القصدير الجديد ملفوف ع الكرتون حقه الدائري ههههههههههههههههههههه (وش رايكم بالتشبيه )

والصوره ابشر بدورها وانزلها لك

ايوا  تقصد السحاب مثل المتر اذا فكيته رجع مثل المتر  ههههههههه تشبيه افضل 
بس نسيت اسئلك يراعي الموضوع وش نوع موترك اذا عايليه بتسلك امورك لا تشيل هم من 01 
وانت ونصيبك مع العسكري وصارت معي   جمس مكتم كامل وقفتني دورية ابن حلال قلي شيل الامامي بس 
يعني اذا موترك كبير وبتضلل 01 لاتشيل همها  ولع لمبة سقف قبل التفتيش واشغل نفسك علا انك تطلع الاستمارة من الدرج
وربك يفرجها

اخوي المشيعلي ، بس لايكون تقصد الشماسة الي تحط اذا نزلت من السياره عشان الشمس ؟
ياليت تجيب لي صورة عشان اعرفها ، والله ودي بتظليله سحب ان حصل عشان اشيلها وارجعها متى مابغيت 
انتظر صوره لها اذا ماعليك امر
- -- -- - --- -- - -
اخوي ابو عابد اذا تعرفها الي يقصدها ياليت تجيب صوره اذا ماعليك امر
وبالنسبه للموتر لاهو جمس ولا جيب سيدان لكن دايم اطلع بالاهل وادويهم وانا الحين مظلل السياره جوانبها قدام 01 ورى 03 
لكن اشغلونا الي عند الاشاره حتى انهم يقدمون السياره ويشوفون من عند القزازة الامامية ويناظرون 

السلام عليكم 
مريت محل الزينة قبل شوي وراني اياه والصراحة مهب شينه ، لكن احسها تقيله بقوه 
قلتله فيه درجات قال هذا الي يجي بس من الشركة وجميع المحلات نفس هذي  ( مدري عن صحة كلامه ) 
الي لاحظته انها ماتصلح إلا بنهار او اذا صارت الشمس ناطحتك بهذا الوقت يازينها اما بالليل ماتوقع انها زينة 
تقريبا درجتها 02 او 03 حداها ، المهم توكلت على الله وخذتة ثنتين لان الوحده تكفي لنص القزازة فقط بالوسط 
وركبناها بجانب بعض تحت وفوق مكشوف لكن بالوسط تكون موجوده يعني تغطي الوجه  أخذتها بـ 25 ريال 
ميزتها متى بغيت تفكها مثل السحاب ماشاء الله أن شاء الله ماتخرب او تتقعد 
جزاكم الله خير الي يرد وساعد والي عرض علي هذي السحاب 
اي سؤال حاضر 
في أمان الله 

يا أخوان ماش كاتمه ماتشوف شي ابد بالنهار ماتشوف شي الا قليل ما تصلح لسائق نهائياً 
يقول مافي درجات مافي إلا هذي ، هل له درجات ؟ ولا زينة هي ماشاء الله لكن ماتشوف شي انا مضلل ورى 03 اشوف زين فيه واضح
اما هذي مدري وشي ، ودي اجيب تظليله من المحل واخليه يفك التظليله الي ماتشوف منها شي ويركبها بداله بس اخاف صعبه ولا تجي
ان شاء الله برجعها ، ياليت حلولكم 

انا اضللها من داخل لكن خايف من شي وهو استكر الفحص اخاف مايشاف او يطيح اذا فكيتها مع العلم بينتهي بعد سنه

----
ممكن سؤال واذا انفكت او طاحت عليها شي ؟!

انا فاك الي عندي وباقي عليها سنتين

^^
والله مدري ابس اتوقع عليها شي لان اذا شافها وشاف التاريخ خلاص يمشيك ، اذا ناظر الفحص 
الكلام من عندي مدري صراحه