أضف سؤال أو موضوع جديد          

قصيدة مهداة إلى عـــشـــــاق المرسيدس

up 10 down 5



السلام عليكم و رحمة الله و بركاته ,,,

أسعد الله أوقاتكم بكل خير حبايبي و اخواني , اليوم وأنا أتجول في المواقع لقيت قصيدة أعجبتني عن (المرسيدس) و حبيت تشاركوني
الإعجاب في هذي القصيدة , و كان بالود أذكر إسم الشاعر لحفظ الحقوق الأدبية و لكن للأسف لم أجد أي إسم أو لقب لصاحب القصيدة  

+++ مـــــــنـــــــــــقـــــــــــــــول +++

والله لو تاتي أمــــوري عـلـى الكيـــف
                                ماكنت أحسب للزمن بأي كفـــه
وماكان بيني وبين همــي سـوالــيـف 
                                وقصه طويله ترتفع فوق رفـــه
أدري القراده شي ماهــــو بتزيـيــف
                                ولا هو بطير(الفيصلي)يوم زفـه
لكن تعال شوي حيــــاك(يالضــيف)
                                وش حيلة اللي دوم عينه ترفـــه                                                                                                                         
(الـبنـز)مصـنـوع لـرفـع الــتكالـيـف
                                  مايركبه منهو بلـش في مـلفـــه
لا صار داخله ناعمـن والعـواريــف
                               تنسى(الاصيل)وترتدي ثـوب(دفه)
(البـنز)لاوقــفً ذكــرت المـشاريــف
                                 عالي قممها والهبـايــب تهفه
بدلة(لــواء)يبــغالها شـوي تـقـيــيف
                                 وتقييفها نزلت دركسـونه ولفــه
ولامن تهــادت ياعـظيم التصاريـــف
                                غرون ثقيل ولا ذكــر فـيه خـفـه
ومقــدمتها تـقـدر تـقــول تـشــريــف
                                شفة(اصاله)وفــرحة اللي تشفه
(والبنـز)مــيعاد الغــرام المــواليـــف
                                اللي هواهــم بين حشمه وعفـه

همسة (لا تحرموني من المشاركة و الإثراء , فوجودكم يسعدني , و تعليقاتكم تسرني)

محبكم &&& أبو طـــــــــــــلال










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


خلوها خلوها



استنى ردي في الحلقة القادمة


صح لسانك يابو طلال على نقل هالأبيات الرائعه والذوق الرفيع وعندي أبيات من الشعر لشاعر الوصف الشاعر لافي الغيداني حيث 

يصف هدوء صوت سيارات البنز بهذا الوصف الدقيق 

                                                   اقرب الأشياء لصوته حاجة ممقوته

                                                                       جايز لي وصفها لو ماني براضيها

                                                  كن صوته صوت سربوت بإذن سربوته .

                                                                       مرخي صوته بإذن صاحبته إيخاليها


up 5 down 0
ابــو ســنــد 10639
قبل 6 سنه و 9 شهر



السلام عليكم وصباح الورد على المواضيع الشاعرية هههه ماهي بغريبة عليك ياغرك جمالك ياخسارة حلاتك .. أصلا اسم

عضويتك بيت شعري لحالها هههه مشكور الله يعطيك العافية .


up 4 down 0
أبو ميان . 152
قبل 6 سنه و 9 شهر



عبدالله الحجيلي .. أبو سند .. أبو ميان .... شرفتوني و نورتوني بتعليقاتكم .. شكرا" لكم 


صح لسانك يا أبو سند و الشاعر لافي الغيداني غني عن التعريف و التوصيف , وهذي أبيات أخرى في وصف البنز للشاعر الكبير حمد السعيد (أبو خالد)
راكبه الي طلعة عقب ما استوفا الرسوم
مستقيظ من كراج البشر والكاظمي








عقب دوج فزته كنها فزت رخوم
لا نخاهم واحدن في ذراهم محتمي








مرسيدس هو منوة الي يبي يقضي لزوم
ما صنع في ديره تحت سلطه خاتمي








ما فحط ضغط المكينه جواد ولاغلوم
والله ان مصمم ما هرج فيه عجمي






الله لايهينك يابو طلال على هالأبيات صاحب ذوق رفيع 


up 3 down 0
ابــو ســنــد 10639
قبل 6 سنه و 9 شهر



منك يا الغالي نتعلم الـــــــذوق , سجلني في قائمة مُحبيك , كل التقدير لك و لأخلاقك الرفيعة .


سقى الله البنز من موتر .. لا عادت مواتيرن اليوم نشغلها !!!

معليش تحمست ههههههههههههه


up 0 down 0
hhh-1
قبل سنه و 7 شهر