صدق أنهم شعب محرومين من الراحه ....

26 1

لايمكنك التصويت حتى الحصول على 20 نقطة على الأقل
إضغط هنا للإخفاء

ماجد mot 10851
قبل 11 سنه و 10 شهر

.
صباح الخير او مساء الخير علي الجميع دون استثناء .... يامراحب 
.
شعب اليابان و الصناعه ......
مثال علي الواقع ......
 لو نناسب اليابانيين ونتزوج منهم وهم يتزوجون منا ...
.
ماذا يحصل ....
1- يصير عندهم زود خبول ........
2- ويصير عندنا زود عقول .......
.
هل ...... تعلم 
أن اليابانيين أكثر شعوب العالم المتقدم حرماناً من العطلات ...
اذ لا يتعدى متوسط اجازاتهم تسعة أيام في السنه ...
بينما الفرنسيون هما أصحاب النصيب الاكبر من العطلات
بمتوسط يبلغ 34.5 يوم سنوياً.....
وتمنح الولايات المتحدة العاملين ثاني أقل عدد من العطلات سنويا
بمتوسط 17 يوماً يأخذ معظم العاملين منها 14 يوماً ،
ويمنح النيوزيلنديون 19.5 يوم سنوياً يستهلكون منها نحو 17 يوم
بينما يستخدم الاستراليون 16.5 يوم تقريباً من اجمالي العطلات وعددها 20 يوماً....
.
.
مساكين يا اليابانيين ....
صدق أنكم شعب محروم من الراحه ...
تهجولون في ذا الدنيا لا راحه ولا نوم ولا فلة حجاج ولا كشتات مع ددسن ابومطلق ههههههه
علشان تقدمون اختراعات تفيد الانسانيه ...
همن بتموتون واللي ما اسلم منكم بيخلد في النار
وخلوا الانسانيه وسوني ومتسوبيشي وتويوتا تنفعكم .....
...
اقول خلوكم مثلنا بس .....
.
والله ياالانسانيه ما قامت ولا قعدت عندنا
فالين ام الحياة ......
.
اجازات ونوم وتسدح وتبطح ولله الحمد والمنـه
شوفونا ايام السنه 365 واجازتنا 355 يوم ....
الموظفين......
شهر أجازه نظاميه و10 ايام اضطراريه ....
و3 شهور تروح ما بين اجازاة وفاة والديه وعمانه وعماته وخواله وخالاته
وامهاته من الرضاع وابوانه من الرضاعه واصدقاه من الرضاع .....
.
الموظف السعودي هو الوحيد في العالم اللي تتوفى له 12 جده و12 جد في السنه .....
ومنها شهرين استئذانات من المدير علشان يجدد الرخصه والاستماره ....
ويضيف ولده في دفتر العائله ويسجل ولده الثاني في المدرسه .....
ويطلع ولده الثالث رخصه من مرورالناصريه ..
و55 يوم يطلع من الدوام يبلغ الشرطه عن شغالته المنحاشه السريلانكيه ...
و3 شهور اجازات مرضيه منها شهر ونص في السنه
.
اجازات خلع اسنان .. تماسيح مهوب موظفين
وبعدين مدري وش ذا الاسنان اللي يخلعونها وتنبت ..
تصدقون يا جماعه ان بعضهم يكون باقي عليه ويتقاعد سنتين
ويجيب اجازه مرضيه بسبب خلع ضرس عقل
واللي موقع الاجازه طبيب نساء وولاده .....
.
والطلاب والطالبات اجازات الصيف 3 شهور
ومعها مكرمه من اهالي الطلاب نص شهر
واجازة حج 20 يوم
معها مكرمه 10 ايام من اهالي الطلاب والطالبات
و10 ايام اجازاة نص سنه
ومعها 15 يوم مكرمه من اهالي الطلاب والطالبات
واجازة ربيع ومعها 15 يوم مكرمه من اهالي الطلاب والطالبات
واجازات امطار واجازات غبار ...
وغيابات بسبب الانفلونزات ....
وغيابات للطلاب بسبب هزايم فرقهم ..الهلال او النصر 
واللي مسكوه المرور وخلوه يفك انوار الزينون و التضليل ...
وعلم ابوه ولعن جدفه ..وتعبت نفسيته المسكين مارح للمدرسه من بكرا
وغيابات للطالبات بسبب ان بطونهم توجعهم ...
وغياب لان نفسياتهم تعبانه ......
واسباب تعب نفسيات البنات متعدده
.
اللي قصت شعرها وطلع وع
واللي محد عطاها وجه على البي بي او الواتس اب
واللي طلعت لها حبة شباب في خشمها
وقاعده طول الليل تراقب ذا الحبه لين تعبت نفسيتها ..
ميسي مهيب حبة شباب .... هههه
.
الزبده ....
 أن الطلاب ما يصفى لهم من دراسة ال 6 شهور الا 18 يوم
.
اما المدرسات والموظفات فحدث يا فيها بس ولا حرج
اجازات مثل الاجازات الرسميه للطلاب والطالبات
واضيفوا لها اجازات مرضيه اثناء الحمل
واجازات نفاس ممكن توصل ل 3 شهور
عشان كذا ذا المدرسات هم اكثر من يحمل ويولد
بزعمها انها بتكثر امة الاسلام وهي تبي تتبطح وتتسدح
.
طبعا اضافه للاجازات المرضيه بانواعها
المدرسه تراجع كل التخصصات الطبيه علشان تجيب منهم اجازه
اسنان وانف واذن وباطنيه وبوليه وجلديه ونساء وولاده
وأجازه علشان فيها ضيقه وشاكه ان منظوله
.
على طاري الضيقه .......
قسم بالله لو للرقاة الشررعيين صلاحيات يعطون اجازات مرضيه
ان ما تلقون مداوم في مدارس البنات الا البواب والفراشه و5 طالبات دافورات ....
.
نرجع لمحور حديثنا ......
وغياب بعض ايام الاربعاء لانها بتروح لزواج ....
ولازم تمسك سرا عند الكوافيره من الصبح ....
واجازه مرضيه بعض ايام السبت لانها كانت عازمتن حمولتها وتعبت
مع ان حمولتها كانوا عندها يوم الاربعاء .....
الحين الشغاله هي اللي تتعب والمدرسه هي اللي تاخذ اجازه ....!!!
.
انا اقترح اقتراح بيفيد الانسانيه ......
وهو اننا نناسب اليابانيين ....
نتزوج منهم ويتزوجون منا ....
.
نعطيهم مما اعطانا الله من زود العيون
ويعطونا مما اعطاهم الله من زود العقول
.
نعطيهم مما اعطانا الله من الحرص على المظهر
ويعطونا مما اعطاهم الله من الحرص على الجوهرو العمل
.
وبكذا بننتج للانسانيه نسل يحبه قلبك .......
والله يا نها بتنبسط فينا ذا الانسانيه .........
.
.
وشرايكم .....
هاه !! لا لا
.
هونت عن اقتراحي .......
اخاف ان تاثيرنا يكون اقوى ...
في الفهاوه والدلاخه والرفاله والرباده ....
.
وتاثيرهم يكون اقوى في صغر العيون وحب الجوهر
و تطلع عندنا سلاله تحوم التسبد
همن عاد تقعد بها الانسانيه ..
دلاخه وعيونن نقوب ..
ولا مظهر ولا جوهر ولا سوني ولا متسوبيشي ...
ولا حتى ددسن   قيير تماتيك  مرفع .......
.
.
تحياتي واشواقي لكم ........
فاصل ونواصل غدا بمواضيع جديده
.
ابومطلق ....
.
.

إبلاغ

الردود