اخر مررة سقت سيكل ههههه

قبل سنة 

ولكن انواع الرجه ﻷن السيكل صغير 

قبل سنة 

ولكن انواع الرجه ﻷن السيكل صغير 

اخر مرة سقت فيها سيكل تقريبا قبل 11 سنة
المشكلة اني سارقها وكانت اكبر مقاس ( إذا ركبتها رجولك ماتلامس الارض )
جلست معي 3 ايام وفي اخر يوم واذكر انه الجمعة...المهم شديت فيها عشان اجربها
والله يا مشيت فيها بـ سرعة الله لايوريك وشوي اضغط على الفرامل الا ويطلع سلكها مو موجود
خلاص ماقدرت اتحكم فيها من السرعة...لين وصلت عند العمارة اللي كنا ساكنين فيها وكان قدامي
لكزس ذهبي واصدم فيها وتنقز بي على القزاز الامامي والوجهية جاها كسور والكبوت جاه خدش عميق....وبدون وعي اشرد البيت واخلي الدراجة
يوم دخلت البيت الا وانتبه لأصبع رجولي تقرشت من الزفلت
وماعاد سقت دراجة من ذاك اليوم..

ذكرتني بالمااضي البعيددددددددددددددددددددددد
انا من عشااق السيااكل والفرفره بالحواري وبين الزقاقيق و السهول و التلال
ذكرتني بسيكلي الاحمر الامريكي ابوسست فريولات ......
زمن مضى وفاات .........
كنت احلم وانا صغير يكون عندي معرض للسيااكل مثل معرض الصقر للسيارات 
ولا زاالت الفكرة قاائمة الى هذا الوقت .......
حتى بعدما كبرت وتعلمت السوواقة .......... نعم تعلمت السواقه 
اذا حصلت سيكل في طريقي او عند احد الاقاارب افحط عليه خمسات بلحوشششششششش
في بالقصيم  نسميه .......... سيكل 
والدرااجة الناارية نسميها ........ دبااب ابو كفرين خاطوف
وابو اربع كفراات نسميه ............. دبااب ابو اربع كفراات 
وابو ست كفراات ...............  ما عندنا  هههههههه

أنا كل يوم أسوق السيكل وهو عندي بالبيت حاليا وهو يختلف عن السيكل المعروف سيكل ماله كفرات وهو سيكل الرياضه المثبت على الأرض

والله منذو مبطي ايام المتوسطه وكنت ما خلي شارع الا ولفيته وكان معاي رامبو مديل السنه خخخ ايام حلوه ..

والجميع ﻻيكك ..

ههههههههه طلعت الفضايح ،،،، اخر مرة قبل اسبوع حق ولدي مقاس 16 الكوبرا اكشخ شي وكسرت الدعسه ، وشب عليه الولد الا واحد جديد
ابو مطلق ابوسست يوووووه
بجدة تسمى دراااااجهههه

الله يتوب علينا يوم كنا صغار كانت لعبتنا اللي هي تمشي من جنب العمال اللي معهم سياكل وتعطيه تفله بنص وجهه ويطرد ورانا حنا ندعس تقريباً 50 متر ويكون معنا فريق تعزيز كل واحد معاه خشبه أو ماسورة حنا نتعدى من عند الفريق مسرعين يوم يجي العامل مسرع يحطون الخشبة أو الماسورة في الجنط اللي قدام وتشوفون السكيل يشقلب والعامل على وجهه الله يغفر لنا ويرحم أعز الأصدقاء ماضي أسود أمحق برائة أطفال ،، أحلى لايك على الذكرى القديمة

تتذكرون عداد السرعة يركبونه للسكيل / أشتريته من محل تصيلح السياكل وأسرع جنب السيارات اللي تمشي أشوف سرعته بعداد سيارته واناظر للعداد حق السيكل اتوقع اغلبك صلح ذي الحركة هههههههههههههه

صباح الخير .

تصدق نسيت وش تعشيت أمس !!! ههههه .. ماني فاكر بالظبط يمكن قبل 8 سنين كان عند أخوي سيكل جبلي ابو تعاشيق

مقاس 24 كنت امرح به قليلا ههه والله كانت أيام حلوة ليتها ترجع ههه مشكور أخوي ولايك لكم .

هههههه تقريبا قبل 10 سنوات وكان سيكل اكبر من مقاسي لكن كانت انواع المتعة والفرفشة وكان السيكل لاخوي الله يرحمه -ادعوا له بالرحمة- شاريه مستعمل من باكستاني

اوووووووه قبل اكثر من 11 سنه .. والعن شي لانفك الجنزير وانت بنزول وقدامك صبه خخخخ