تعلم كيف تختبر الكويلات بنفسك

جزاك الله خير ومشكور على المقطع صراحة أفادني الله يسعدك ولك لايك .

الله يحييكم ومنورين الموضوع

الله يسعدك موضوع مفيد جدا

في حركة اعرفها   هي انك تخلي السيارة شغاله 

وتروح تفك غطاء المكينة وتقوم ترفع الكويل  اذا السيارة تفتقت السيارة بقوة  يعني الكويل كويس   واذا ما صار شيء وكانك ما رفعته  يعني خربان

او تفصل الكهرباء عن الكويل وتعرف اذا تفتفت السيارة الكويل تمام واذا ماتغير شي الكويل ياضعيف او خربان

العامري هذي اسهل طريقه وافضل طريقه

لكن المشكله اذا كان البخاخ اللي تحت هالكويل هو المتعطل خخخخخخ 
تطلع النتيجه خطاء

خخخخخخخخخخخ

بعض الاختبارات دقيقه خاصه لشي معين

وللتاكيد نبدل الكويلات باقرب كويل نبدل مكانه واذا انتقلت المشكله لمكان الكويل السليم
يصير الكويل واذا ماتغير شي للبخاخ

ولايك للموضوع وللكل

كلامك صح انا قد صارت لي ذي الحركة قالي المهندس كويلات يوم غيرتها بقيت المشكلة مثلما هي

رحت فحصتها كمبيوتر طلع كويليين ولكن اكتشف المهندس ان كمبيوتر السيارة ودع وهذا السبب انه الكويلات ما ظبطت مع انه هي كانت خربانه فعلا

على كذا تصير المشكله من الكمبيوتر مايعطي اوامر للكويلات 

اذا غيرت الكمبيوتر بواحد لابد تشتغل 

بس زين الواحد عده خبره في يومه الابيض تكفيه شر اليوم الاسود بالورش 
احلى شي 
يوم تجي تقلب راسك كنك مانك فاهم شي وانت عارف الكفت 
تسبب صدمه نفسيه للميكانيكي اذا كان شغله لصمقه وترقيع خخخخخ

استاذي شيخ المعارض ليتك تعلمني محل خويك الخبير والطيب لأني بأمس الحاجة له،،،معي فورد وكل يتفتف ميكانيكي يقول كويلات وواحد يقول بواجي وواحد يقول ثلاجة المكينة تهرب موية ولازم تغيرها علشان ما يدخل الماء بزيت المكينة وتخبط ...والله محتار ما أدري وش السوات علما ان التفتفة بسيطة...ارجو المساعدة ولك ولإخواننا جزيل الشكر والعرفان

معي فورد يتفتف وكل ميكانيكي يقول .......تصحيح

يا مدرس عاطل كذا نظاامي عند الميكانيكي اسوي نفسي سبيكة كاني ماني عارف واذا قالي الشيء الخربان الخمه اقوله كيف خربان؟ اخليه يشرحلي هههه واروح عند الثاني ونفس الخطة لين ما اقتنع بالخراب هههه

طريقتي ... والسيارة شغالة احط الكويل على البدي السيارة او غطاء المكينة اذا اطلق الكويل نار زرقاء فهو سليم .. واذا طقطقة من دون نار زرقاء فهذا تعبان

ابو عبد المحسن يا ان الكويلات خربانه او البخاخات  شيك عليها زين  
 احيانا الثلاجة تهرب موية وتنزل على البوجي وقد صارت معاي نزلت على البوجي الاخير جهه الراكب  شيك على الثلاجة لايكون فيها تهريب او تندية

مشكور موووت احبك الله يعطيك العافية ومن تحب ولك احلى لايك

حياك الله اخوي ومنور الموضوع