أضف سؤال أو موضوع جديد          

مساكم الله بالخير كيفكم ياحبايبي

up 15 down 5
nabel.ale 17
قبل 8 سنه و 2 شهر



                              السلام عليكم ورحمة الله وبركاته             امابعد ...




رايت مصطلحات وتسميات غريبه عجيبه وتغريريه وتستخدم لتدليس العيوب ولن اعمم هذه المصطلحات للشريطيه ولكن للاسف حتى المستخدمين الراغبين في البيع بداو يستخدمونها وليس الشريطيه فقط




ونبداء مع كل مصطلح وشرح كل واحد منها




السياره على (( ذمة راعيها الاولي )) سلميه من كل شي




تعني العباره التاليه (( على ذمة راعيها الاولي )) يعني انه شراها وراعيها قاله تراها نظيفه ومافيها اي شي




هل من المعقول احد يشتري سياره ومايفحصها وياخذ على كلام راعيها ويستخدمها سنين طويله ومايدري وش فيها !!




بعد ماتطلع انت وياه للفحص وقد قالك ترى على ذمة راعيها الاولي المهم ...




بعد الفحص تطلع مصدومه او فيها الف عيب وعيب !!!!




يقولك والله انا مدري عن هالاعطال لاني قلتلك على ذمة راعيها الاولي وراعيها الاولي قال انها نظيفه ... تكح تكح تكح




طبعا تستخدم هالحركه للي عنده عيب فالسياره ويبغى يبيعها ويستخدم ((على ذمة راعيها الاولي )) عشان يخلي نفسه من المسؤليه بعد الفحص ويقولك انا مدري عنها احسبها نظيفه !!!




واذا مشت عليك قال طز ههههههه اهم شي يبيعها 




السياره فيها صدمه بس (( الشاص سليم ))




كثر منها يابو الشباب يعني البدي طز فيه مايهم اهم شي الشاص وفي نظره انه السياره سليمه ولايهم الصدمه التي في البدي !!!!




طيب قول السياره مصدومه وانتهينا وتبقى مصدومه فالنهايه 




طبعا صاحبها يبغى يهون الصدمه اللي فيها اما المشتري عشان مايطيح سعرها دام الشاص سليم ...




السياره مصدومه بس (( الاير باق ماطلع ))




يعني حادث خفيف لايذكر مع العلم الحزام لو ماكان مربوط الاير باق مايطلع عشان كذه انتبه من هذي النقطه لايكون السياره مضروبه ضربه جامده وماطلع الاير باق ولايغرك عدم خروج الاير باق




السياره عليها (( لكر ))




طبعا فالبدايه يقول السياره نظيفه وخاليه من الرش وبعد ماتفحص تطلع نسبة البويه عاليه جدا يعني مرشوشه ويعطونك تقرير انها مرشوشه




واغلب المستورد مرشوش وعن تجربه المهم 




صاحب السياره يقولك هذي جايه من امريكا وعليها لكر عشان يحمي البويه !!!!




كثر منها يابو الشباب لاتحلي العيوب وتقول انها لكر اخلص علينا وقول انها مرشوشه




السياره فيها (( رش تجميلي ))




مدري من وين اخترعوا هالكلمه !!!




تلقاها مصديه ولا مصدومه ومغير الصدام والرفرف ويقولك الصدام ماتغير ولاشي حتى الرفرف ماتغير بس .... جاها رش تمجيلي بسبب خدوش بسيطه 




السياره للبيع (( ان جابت قيمه بعتها وان ماجبات مابعتها ))




يعني انتبهو ياتعطون السياره قيمه فوق حقها ولا ماببيع .... اخس يالواثق مسوي نفسه ثقيل ماله رغبه فالبيع وهو يبي الفكه من السياره بسعر خيالي !!




فيه حركه قديمه جدا وانكشفت ولا احد صار يعترف فيها وهي :




السوم يبداء من 50 الف ولا احد يسوم باقل من كذا علما انه سيارته حدها 41 الف !!




طبعا السوم لايبداء من حد وانما يبداء من المشتري باعطاء سومه قيميه في حق السياره دون بخسها 




ويبداء الاخر يزاود عليه 




الان فيه طريقه جديده غير حكاية (( السوم يبداء ))




صارو يقولون السياره مسيومه برى او مسيومه على الجوال او من زميل عمل وطبعا يحط سومه خياليه !!!




وفيه حركه خطيره انتبهوا منها




يجيك واحد يسوم مثلا ب50 الف 




ثم يجيك اللي بعده يسوم ب57 !!! وهذا فرق السوم ب7 الالف والمفروض ان كان جاد يفرق السوم ب1000 ريال ولا يخسر نفسه 6 الالف ريال !!!




طبعا هذي حركه من اصحاب يعرفون بعض تتكرر كثيرا لرفع قيمة السومه 




السياره مسيومه ب50 بسسسسسسس اللي سامها ب50 الف صاير له شهر او شهرين ويمكن مات او يمكن شرى موتر ثاني او يمكن رترك سومته وترك الموقع بعد مالقي سياره ثانيه




طبعا اخونا فالله لازال متمسك بسومه قديمه جدا وصاحبها تركها ويبقى معلق سومة السياره على شخص قد تركها وشد الرحال عن سيارته !!!!




ويقول ليه تسومون باقل من 50 الف ماتشوفون الرجال ؟ طيب الرجال له شهرين وماتدري عنه وينه وسومته تعتبر لاغيه !!! هو فاضي ينتظر شهرين 




السياره فيها ( حلى او صداء )




يقولك هذه طبيعي ومايضر وهو بشكل سطحي يروح بعد السنفره بعد مااكل الحديد !!!!




لعنو ابو شيطانك السياره مصديه من تحت وتقول طبيعي !!! 




السياره تحت (( إستخدام شايب ))




يعني الشايب مايكل مطبات مايركب حفر مايوقف السياره على الP بدون لايسحب الجلنط وهذي تصير كثير من الشياب وتخرب القير !!!








السياره (( مخزنه )) بس ماشيه 80 الف ومديلها 95 !!! ماصار تخزين هذه تلقى الشمس ضاربتها ولها فتره موقفه ومافرغ زيت المكينه وبعد فتره من الوقوف تخبط المكينه لانو من شروط التخزين تفريغ الزيوت حتى لاتترسب




 (((  الموضوع منقول  ))) لتعم الفائدة للجميع                            


                                                                                       اخوكم  / نبيل المكاوي ,,,











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لاهنت اخوي

واقع نعيشه في كل مجال وهذا اسلوب البائيعين لازم يمدح سلعته
او يدلس

الواحد يكون حذر ويتعامل بطرق نظاميه تحفظ ماله ووقته

ويكون حريص بالذات بالسيارات من ناحيه فحص وخلافه ولابد هوومن يختار جهه الفحص الموثوقه
لديه




up 4 down 1
مدرس عاطل 2 43
قبل 8 سنه و 2 شهر



نبيل 
موضوع ممتاز بس مثلا ابي اشتري سياره لازم افحصها من الى 


ولكن بعض الشريطيه عليه اسلوب اقسم بالله يقنعك بان السياره نظيفة ولو تشوفها محترقه ههههههههه

مجهود تشكر عليه ياحلو 


up 1 down 2
راااضي 2522
قبل 8 سنه و 2 شهر



والله كلام كبيييييييييييييير يا اخوي نبيل 

بصراحه كل اللي في قلبي وكل اللي كنت بقوله ... قلته انت عني 

كفييت ووفييت ولا هنت يالغالي على الموضوع المتميز وفعلا ياليت احد النصابين الشريطيه يقرا هالموضوع وتراه حرااااااااااااااااااااااااام عليهم 

كيف بس يقدر يأكل عياله حرام ؟؟ كيف له نفس ياخذ فلوس حرام 

انا لو اخذ نص ريال حرام والله ما انام الليل 

مره المطعم عطاني طلب زياده على طلبي وانا ما كنت ادري الا يوم وصلت البيت والله ما ارتحت الا يوم رجعت له اليوم الثاني وعطيته فلوسه كامله 

وهي كلها زياده 10 ريال 

وهذا يسرق 50 الف وعادي عنده ؟؟ كيف هذولي يعيشون كذا 


الحمد لله ان احنا نخاف من ربنا ونخاف من يوم القيامه اللي لا ينفع لا مال ولا بنون 

الحمد لله على كل حال 

بالتوفيق حبايبي ولا هنت يالغالي نبيل ولك احلى لايك


up 2 down 1
camry grandi 99 7274
قبل 8 سنه و 2 شهر



 اصلا الموقع فيه العجب  وتسلم على الموضوع


up 4 down 0
ولدجدة1 1238
قبل 8 سنه و 2 شهر



مدرس عاطل شايف نقاطك نزلت عسى خير؟ هههههههههه


up 1 down 2
مستريح البال 1 1780
قبل 8 سنه و 2 شهر



مستريح البال 
خخخخخ حال الدنيا

النفسيات المتعصبين
خخخخخخ




up 0 down 1
مدرس عاطل 2 43
قبل 8 سنه و 2 شهر