استشارة في تاهو 2000

سعره جدا غالي كم ماشي او شي اذا ممشاه بسيط مهيب مشكلة وبيطول مهوب منباع حتى يجيله راغبة 
لكن فر في السوق بتلقا ان شاء الله ارخص منه

سعره غالي ياغالي

وعندي لك نصيحه عشان تتطمن من ناحية النظافه وهل هي تستحق سعرها ام لا

نصيحه اخويه لاتفحص السياره بالفحص الي بالمعارض ادفع عربونك وروح افحص السياره
بالصناعيه عند محلات الفحص 
لأن الي بالمعارض معروفين متفقين مع اصحاب السيارات ويرسل مع وقت الفحص البنقالي
هذا البنقالي هو المفتاح مجرد مايشوفه راعي الفحص يعرف انك بتشتري السياره عن الطريق معرضه

وهاتك يمدح فيها ويقول لك تحتاج تغير اقمشة فرامل وبواجي ك العاده عشان تتطمن بس

فنصحه سوي زي ماقلت لك

ونعم النصيحة يا Sloo00 ولايك يا بعدي لك....  اخوي الناس لساتهم يحسبون فيه فرق بين الشفر والجمس يقولون الرديتر
صغير ولا كذا الخ ... المهم ترى ما فيه اختلاف ابد نفس كل شى معدا الشعارات وشكل الوجه. وبخصوص سعرة والله غالي شوي.
والله يوفق ويعنك ان شاء الله.

اهلا

مشكروين اخواني على النصائح

وان شاء الله راح اطبقها

ولكن كم السعر المعقول لموديل 2000 يكون فل كامل ( فتحه , 3مراتب جلد , دبل )

لو تزيد شوي وتاخذلك اكسبدشن 2003 ممتاز ونضييف افضل من التاهو استعمال وشكل وجودة من التاهو 

اهلا

بالصراحه انا ما عاجبني شكل الاكسبدشن و الشي الثاني صاير منتشر بكثره

ولو بغير التاهو باخد لنكولن اتوقعه افضل من الاكسبدشن

افضل ما في الفورد انه سعره ارخص شوي من غيره يعني نقدر ناخد موديل اجدد بالمبلغ الموجود

يا خي 40000الف على سيارة بتكمل 15 سنة احسه واجد غير التصليحات والورش واشور عليك تاخذ ميركوري2009gs سعودي بشرط يكون نظييييييف بتحصله 48-50الف بيمشي معك 7 سنين ما يبي الا بنزين وزيت وتراه موترسفر من الدرجة الاولى وكشخة داخل الديرة...الله يوفقك