ماهي مشكلة الرائحه الكريهه في السيارات المستورده

هلا اخوي جنوبي , في طريقة علمني عليها واحد كان عنده قطو ميت بالسيارة و ما في شي إلا و سواه و الريحة ما راحت , المهم قال لي على طريقة و العهدة عليه و راحت الريحة بسيارته يقول طول الله عمرك: تجيب مبخرة فيها فحم مولع و تحطه بمكان بالسيارة ثابت عشان ما يهتز و يطيح و تجيب معمول دوسري تكثر منه و تسكر على السيارة لمدة ساعة إلى ساعتين و تسوي هالطريقة لمدة 3 إلى 4 أيام على حسب الريحة راحت أو لا , موفق يا غالي .

اذا قصدك الرائحة الي تطلع من حول الماكينة اذا شديت عليها فهي طبيعية وانا عن نفسي ادمنتها في اللومينا حقتي هههههه اما الروايح الاخرى اما رائحة الاقمشة والهوبات او كيس لازق في الشكمان وخلافه وتأكد وشيك مع تمنياتي لك بالتوفيق -__-

نفس الوضع عندي لكزس سعوديه اذا شديت 

تطلع نفس الريحه الي ذكرتها واضن أنها من دبات البيئة عشان تلوث الجو  

اذا الريحه تلطع مع المكيف نظف فلتر الهواء وفي علبة معطره سعرها تقريباا ٥ريال

حساس الشكمان غيره ،دبة التلوث يا تغيرها اذا سعرها طيب ... او تنظفها بس لازم حد يعرف لتنظيفها ،،لان في قص وتلحيم بنفس الدبة
موفق ومبروووكه ان شاء الله

وخصوصا هذي الريحة اذا هديت من سرعة 100 بقوة ،،،والفتحة مرفوعة (ضروورري اكسجييين وقتها)ههههههه . الله يحمي الجميع

والله اعتقد انها طبيعيه كانت بالكامري حقتي لين شديت عليها طلعت وولد عمي نفس الشيء معه فكتوريا لين شد عليه طلعت الريحه واعتقد مثل ما قالوا الاخوان من دبات البيئه او من فلتر الهوا او من المكيف اشياء كثيره والاسباب متعدده ولا اعرف بالتحديد 

بالتوفيق ان شاء الله والله يبارك لك في موترك والله يعطيك من خيره ويكفيك شره يارب

الخلاصة :

إشتري فحم قطع صغيره + 2 برتقاله + 4 حبات ليمون

وقطعهم ووزعهم في السياره تحت الكراسي وفي الشنطه وأتركهم أسبوع وستلاحظ قوتهم في إمتصاص الروائح الكريهة

وأدعيلي

هاد الاعلان يفيدك   رقمه  1852510

طبيعي في اكثر السيارات الجديده حتا اللكزس ال اكس570 وفيه واحد راح للوكاله وركبو معه كبار المهندسين وشمو الريحه والمشكله مايدرون من جايه وقالو عايدي مامنها ظرر بس تعتبر عيب في التصنيع ولايوجد لها حل

الله يعطيكم العافيه جميعا