محتار وش اختار وقصتي مع اصحاب الصالات المستورده ونصبهم

13 5

لايمكنك التصويت حتى الحصول على 20 نقطة على الأقل
إضغط هنا للإخفاء

شاقح بن مشقوح الشقيحاني 22707
قبل 11 سنه و 9 شهر

السلام عليكم :


كيفكم جميعا


بإذن الله ناوي على ماركيز بس هالمره غير


بدفع 15 بالميه من قيمته والباقي بعد مايوصل من امريكا يمكن ياخذ شهرين على بال مايوصل اكون دبرت باقي المبلغ


المهم الاسبوع اللي راح لفيت الحراج وصالات المستورد ومالقيت الشي يلي يرضيني


السياره من تحت مصديه (( لكن مرشوشه بماده سوداء )) يقولون عازل ضد الصداء !! قلت وانت الصادق الا قول السياره مليان بطنها صداء وانتم راشينه عشان تخفون الصداء والدليل انه فيه اعمده المنيوم ماتصدي مدري ليه انتم راشينها

عشان كذا انتبهو من رشة السياره من تحت بالاسود لانو السياره رشتها بالعازل تكون وهي جديده قبل ماتتعرض للصداء مو بعد ماتصدي ترشها وانا متاكد انه اغلب المستورد مضروب


الحركه الثانيه وطبوا فيها اصحاب الصالات ويقولك السياره مثلا قيمتها 63 وعشان يغري الزبون يحط ورقه على القزاز ويكتب كانت قيمة السياره قبل ب65 والان ب63 هههههههههههههه وهم لانزلو سعر ولا شي بس حركه وهميه طاحو فيها اصحاب الصالات وانا كفشت واحد فيهم

قلتله هذي السياره قيمتها 61500 وانا فاكرها قبل شهر وشلون كاتب انه سعرها قبل التخفيض 63 الف والحين بعد التخفيض ب61500 ؟


قال انت تقصد سياره ثانيه ؟

قلت لا والله هذي السياره انا فاكرها وانا كل فتره انزل الصالات وعارف السيارات ولو تبي اثبتلك افتح السياره ولف الطاره وشوف جلد المقصات بتلقاها مقطعه والاديتر من تحت فيه ريش عصفور منتف وكارتير المكينه فيه ترشيح من تحت اذا انت حاب اثبتلك افتح السياره وشوف يطلع كلامي صح ولا لا ...

قالي انت دايم تلف على الصالات ولاتشتري وتجي تخرب علينا ومن هالكلام وبداء يتهرب .. قلت طيب وش رايك انكم تسرقون الجنوط الاصليه وتركبون جنوط تجاريه وانا شايف المستودع فالخلف فيه جنوط مليانه ههههههههههههههههه

المهم عصب وتهاوشت معاه وطلعت

على فكره ترون حتى اوقات تجي شنطة سي ديات وشغلات اضافيه فالسيارات المستورده يشيلونها اذا الجنوط ماسلمت وصارو مثل الوكلاء هههههههههه اغلب السيارات المستورده مضروبه

المهم ماعلينا منهم انا غسلت ايدي منهم ومن سياراتهم

لي فتره اتصفح مواقع اجنبيه لبيع السيارات ولقيت كم سياره عجبتني والحين محتار وش اخذ كل وحده احسن من الثانيه ابي شوركم


الاول ابيض وداخلي هلويز


الثاني حبري وداخلي هلويز


الثالث ابيض بالم بيش فتحة سقف


الرابع سمني وداخلي ابيض بالم بيش


شوفوا الصور وعطوني رايكم لاني بودع الاكسنت بعد كم شهر اخوي بيتوظف خلاص وانا زهقت منها


اما الفورد فراح يبقى معي على طول لايحتاج وكاله ولا شي انا اصلحه بنفسي واعرف كيف اصونه .. على فكره فيه شخص فامريكا راح يفحص السياره وياخذ عليها تجربه ميدانيه ويصورها من تحت ومن كل مكان وبعدها راح اشوفها واشتري والله ييسر

إبلاغ

الردود