أضف سؤال أو موضوع جديد          

برمج سيارتك بنفسك الطريقة موجودة في الداخل

up 10 down 2
كروز_وبس 1042
قبل 8 سنه و 2 شهر



السلام عليكم ورحمة الله وبركاته 

كيف الجميع انشاء الله تكونون بصحة وعافية ...

الكثير منا يعاني مشاكل بسيارته ولمبة المكينة الغامضة اللي اذا انارت في الطبلون ما نعرف وش العطل الا بفحص 

وكم يكلفنا ؟ 100 ريال واذا انت في ورشة كبيرة يستغلك ويقول لك 150 ريال 

أو تقول ابي امسح الأكواد بفصل البطارية وشبكها وهو على اعتقاده ان السيارة تتبرمج وهي بالأساس ما تتبرمج 
مجرد تحذف الأكواد فقط 

كيف ابرمج اذا كان فصل البطارية ما يفيد ؟ و ما هي البرمجة اصلا ؟ 
البرمجة هي ادخال معلومات الى السيارة واعادة البرمجة هي اعادة ادخال المعلومات المحذوفة من كمبيوتر السيارة اليها مرة اخرى .
والطريقة ؟ 
انا اقول لك طريقة اقسم بالله العظيم لو تفعلها راح تدعي لي ( ولازم تخسر بس خسارتها مرة واحدة فقط ) 
ملاحظة " جيت ابي ابرمج كمبيوتر السيارة قالوا لي بـ1000 ريال ( نصب في نصب من لبنايين في الصناعية القديمة يبرمج واذا ماصلح يقول انا مالي دخل )

أول شيء ندخل على هذا الموقع ونشتري المحول اللي لازم نشبكه بكمبيوتر السيارة .
http://amzn.to/Y2l3Be موقع امازون المعروف ( يمكن يكون موجود هنا ما اعرف ) 


طيب ليش نشتريه من الانترنت ؟ 

الجواب لانه يأتي معه سيدي فيه البرنامج وهو شامل كل انواع السيارات من 96 الى يومنا هذا 

وسعره تقريبا ( 6363 ريال ) عارف انه غالي بس يبرمج لك السيارة ويخليها وكالة و ما يحتاج تشترك بمواقع الوكالات على شان تبرمج

اللي راح تسويه انك تدخل السيدي في الابتوب و تفتح البرنامج ومن ثم توصل المحول بالكامبيور حق السيارة وتشبك الوصلة الثانية بالابتوب 

وهو تلقائيا راح يتعرف على سيارتك وموديلها وراح يقولك افحص ومن ثم بعد الفحص يسوي لك ادخال معلومات ويبرمج لك السيارة كأنها وكالة 

فيديو يبين الشرح بس شكل الجهاز مختلف ولاكن نفس الأداء الخاص فيه لانه بالأساس محول ينشبك بالكامبيوتر ومعه برنامجه  : 
http://www.youtube.com/watch?v=Mc0aMxSdat4

هدفي من الموضوع و ليش وضعته :

الجير بوكس الخاص بسيارتي شفروليه كروز 2010 يحتاج تحديث كل فترة ويكلف تحديثه فوق الألف في الوكالة وانا ما حدثته الى الأن 

و قد دفعت قبل فترة قرابة 7000 ريال لاصلاحه ولم استفد وراحت على الفاضي 

والوكالات تستغلك ولا تريد مساعدتك 

انت اذا فعلت هذه الأمور أنا أظمن لك انك راح ترتاح مرة وحدة وبدون خسائر 

وانا عن نفسي مستعد اشتريه لكل واحد واسلمه له يد بيد اذا يبي و لا اخذ قيمته مع مصاريف شحنه من امريكا الى هنا . 

وهذا فقط عبارة عن مساعدة له يعني ادفع قيمته ومصاريف شحنه بس وانا ما راح اكسب ريال من العملية يعني كأنك انت اللي شريته من امريكا

واللي يبي طريقة الشراء انا مستعد اعطيه الطريقة مو في موقع حراج لا في موقع ثاني لان الموقع امكانياته ضعيفة 

أخواني والله هدفي مو ربح ولا ابي لكم الا الخير ولا راح ادخل في جيبي ريال واحد من اي واحد فيكم 

وهذا موضوع لتعم الفائدة للجميع لان البعض يخسر باللأف ولا يستفيد وأخرته يبيع سيارته خسارة 

شكرا للجميع واذا اعجبك الموضوع لاتنسى تدعي لي هذا اللي ابيه منكم هو الدعاء لي فقط 

وانا مجرد رجل يريد المساعدة ولا املك الجهاز ولاكن استفسرت عنه في الانترنت 














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تسثيره ٦٠٠٠.                ...........


up 2 down 0
البطش 3583
قبل 8 سنه و 2 شهر



6000 مرة وحدة وممكن تستثمر منها يعني تبرمج ب1000 ريال لو تبي وتعوضها 

انت حر بس انا شايفها مناسبة 


up 1 down 0
كروز_وبس 1042
قبل 8 سنه و 2 شهر



الله يجزيك الخير والله انه جهاز ممتاز خصوصا للعندهم سيارات رياضية ومبرمجها
موضوعك اكثر من رائع اخوي
ربي يوفقك ويرزقك


up 3 down 0
musclefreak 355
قبل 8 سنه و 2 شهر



يعطيك العافيه على الموضوع المفيد ..
وﻻيك مباشره ..


up 3 down 0
yazeed793 7884
قبل 8 سنه و 2 شهر



بصـِراَحـِهَ مِـوِضوِعِ حـِلوِ ويعطيك العافيه اخوي   
وكلامك صحح بسس احسس ان الجهاز غالي لو انه بـ 2000 معقوله وتنبلع المهم مشكور اخوي واحلاِ لاِيككِ


up 1 down 0
ahmmad1234 628
قبل 8 سنه و 2 شهر



والله يا اخوي كل شيء غالي وهو غالي لان يجي معه برنامجه على سيدي يعني ما تحتاج انك تشترك في برامج على الانترنت وتدري كم تكلفة البرامج على الانترنت لحالها ولمدة سنة بعد ( تقريا 5000 ريال بدون جهاز وبدون اي شيء ) على شان كذا قلت لك سعره مناسب لان ما يحتاج الا توصيل وبرمجه وتقدر تبرمج عن طريق النت لان السيدي يدعم لك الطريقة وهذا والله لتعم الفائدة وما لي مصلحة من وراءه غير خدمة لكل اللي يعانون من الأعطال ويدفعون فوق 10 الاف ريال بس على شان شيء بسيط وأخر حل المشكلة برمجة 

الله يعين 


up 0 down 0
كروز_وبس 1042
قبل 8 سنه و 2 شهر



اخوي ابراهيم 

مشكور على مرورك يالغلا و الحمد لله على كل حال 

تحياتي لك 


up 0 down 0
كروز_وبس 1042
قبل 8 سنه و 2 شهر



الله يعطيك العافيه وصيح كلامك انه بعض القطع تحتاج تحديث بعد فتره  لكن الجهاز سعره 9 الاف ريال يعني مابياخذه الا صاحب ورشه 
الشي الثاني لمبة التشك انجن ماتولع الا بسبب وغير التحديث يعني عطل في منضومة الكهرباء بتولع واقدر الغيها بجهاز الفحص ولا اصلح العطل لكن بتتفاقم المشكله وتزود الاعطال فهم وضعو التشك انجن لتنبيه بوجود خلل ولا بد الفحص 
اشتر جهاز فحص الصغير الي عن طريق الجوال تفحص وهو ممتاز انا استخدمه واعرف وش خربان بالموتر بدون اروح للورش ويفتي على راسي 


up 0 down 0
princ 18877
قبل 8 سنه و 2 شهر



برنس شكرا لمشاركتك الرائعة وياليت تقول لنا من وين شريته وكم سعره 

اما بالنسبة للجهاز اللي اقول لك عنه مو لازم اصحاب الورش فقط يستخدمونه في الخارج مثل امريكا وغيرها يستخدمون هذه الأجهزه بنفسهم وبدونها يعتبرون ان السيارة ناقصة انا عشت فيها واقسم بالله العظيم حتى مايرضى الامريكي يشغل السيارة بدون ربط الحزام واذا شاف شيء موطبيعي في سيارته وقف وفحص وماحرك السيارة قدر انملة قبل يتأكد وش مشكلتها 

الجهاز يقول لك العطل وطريقة اصلاحه ومكانه في السيارة 

انا برمجت قير سيارتي عند واحد مصري حسبي الله عليه واخذ مني 300 ريال والسيارة برمجتها مو ظابطة قلت له يا اخي شوف البرمجة قال ( انا ماليش دعوة روح للي اشتغلك على السيارة ) قلت انت اللي اشتغلت عليها قال لا انا ماليش دعوة 

يومها بغيت افقع وجهه ولاكن ما خوفني الا اني انسجن و لا شيء لان المصريين والله ما فيهم خير

وانت صلح وبرمج وسوي كل شيء بنفسك والله ترتاح والشغلة ما تحتاج خبرة 

وانا والله لو عندي حفرة موجودة في البيت مثل اللي في البناشر ولا جهاز رفع السيارة ما راحت لأي ورشة 

تحياتي لك 


up 0 down 0
كروز_وبس 1042
قبل 8 سنه و شهر



بعض الاخوان ماعندهم ثقافة نهم يفحصون شياراتهم بأنفسهم ااذا السياره فيها ودوها ميكانيكي وذا تحتاج برمجه ودوها عند مبرمج ولا يفكرون انهم يشترون جهز ويشوفون شغلهم باياديهم


up 0 down 0
ابو خالد 001
قبل 7 سنه و 3 شهر



اخي انا مثلك خسرت مبالغ  اذا ممكن ي اخي تتبرمج سيارتي هذا رقمي ٠٥٥٦٥٧٦٦٩٣ انا من الرياض ارجو مساعدتي


up 0 down 0
ثامر. ابو فهد
قبل 6 سنه و 4 شهر