أضف سؤال أو موضوع جديد          

نصييييحه لاتشتري اي سياره الا اذا شفتها على الطبيعه

up 25 down 2



السلام عليكم

كيف الشباب الحلوين واسف على التاخير والغياب هالفتره انشغلت فعملي وفمكتب الاستيراد وخذوا العلم زين

قبل فتره كتبت موضوع وهذا الرابط والشباب سئلوني والان بجاوبهم وبكشفهم لهم حقيقه وامور خافيه



http://montada.haraj.com.sa/page.php?id=14190


الموضوع اللي صار معي طويل وكثر الكلام والسرد يجيب الزهق وابي اختصر عليكم واعطيكم المفيد وللعلم فيه فامريكا سيارات نظيفه لكن اللي خلاني ابطل استورد مالقيت احد اوثق فيه وحسيت ببعض التلاعبات والغموض حول طرقهم في الاستيراد والاسعار


نصيحه نصيحه نصيحه نصيحه لاتشتري اي سياره الا لمن تشوفها على الطبيعه بعينك المجرده وتركبها وتسوقها وتفحصها بنفسك بعدين عربن عليها واشترها

مهما كانت الاسباب لاتشتري شي انت ماشفته على الطبيعه انتبه انتبه انتبه انتبه وانتو بكيفكم الا اذا كان فيه احد تثق فيه يشوفها على الطبيعه


الا اذا كنت تعرف احد معرفه شخصيه هو يروح يشوفها بنفسه فاقولك اوكيه اما يقولون لك عندنا شركه او ناس مختصين يفحصون ومن هالكلام ماعليك منه


اذا انت انجبرت عليهم انك تستورد من تجار استيراد فاسمع هالنصيحه واتبعها حرفيا عشان تضمن حقك


اقرا العقد كامل وتاكد توفر هذي الشروط في العقد لانها تحميك وتضمنلك موترك لانه شروط عقدهم تحميهم وتحمي حقوقهم قبل ماتحمي حقوقك انت ومثل ماهم وضعو شروط لحماية انفسهم وحقوقهم انت ايضا لك الحق في وضع شروط تحميك كعميل لديهم وهذي الشروط اللي اشوف انها تحميك


يتم تحديد وقت وصول السياره حتى لو فتره زمنيه طويله مثلا 3 شهور وفي حال تاخر السياره يحق لك استعادة مبلغك المدفوع سواء عربون او قيمتها كامله لانهم احتمال يلطعونك ويسحبون عليك وتجلس تنتظر


طيب بكرى السفينه صدمة فجبل بحري وصار لها مثل اللي صار لسفينة التايتنك وراحت سيارتك وش بيكون وضعك هل بيرجعون فلوسك ولايجبرونك تاخذ سياره غيرها !!! لازم تعرف وش لك وش عليك


عند استرجاع قيمة العربون تاكد هل تسترجعها كاش او يقولون لك على شيك وانتبه من الشيك لانهم بيقولون وقت استرجاع المبلغ ترى موظف الشيكات ماجى ويمكن مايجي بكرى انتظر ويلطعونك لحد مايزهقونك وتاخذ شيكك وتروح تصف سرى فالبنك وتكره نفسك عشان تسترجع حقك

قولهم اذا ماتمت البيعه ابي فلوس ترجع لي كاش

لانهم يحاولون يطلعون بطرق لتطفيش العميل واجباره على شراء سياره حت لو تم تغييرها


يتم وضع قيمة السياره في العقد وقيمة الشحن وقيمة الجمارك وكل ريال يدفع بالتفصيل حتى تضمن عدم رفع المبلغ عليك وقد يخترعون اسباب اخرى

اذا يتم تحديد المبلغ كامل مكمل اللي راح تدفعه بدون تعرضه لا اي زياده مستقبلا مهما كان السبب


يضمنون لك عدم سرقة اي اكسسوارات او ملحقات للسياره مثلا ( شاشه + شنطة سيديات + جي بي اس ) وامور اخرى تجي من وكالتها وانا سئلت هذي فيها قالوا مانضمنها لك ممكن يشيلونها الجمارك !!!


يعني دفعت لكم المبلغ كامل وبعدا مااخترت سياره تجيبونها لي مسروقه ناقصه ؟


لاحظ هذي النقطه محد كلمني فيها ولا جابوا طاريها الا لمن سئلتهم عنها قلت سيارتي الان فيها فالشنطه علبة مشغل سي ديات من وكالتها لو جات السياره ولقيتها مشيوله ؟ قالوا يمكن تروح جمارك !!!


انتبه من هذي النقطه ( سعر السياره فامريكا مثلا 15000 دولار ممكن تتفق معاهم على هذا السعر ويتسجل فالعقد اوكيه بس ماتدري يمكن التاجر فامريكا سوا تخفيض الف دولار وتصير السياره 14000 دولار وانت ماتدري وتروح لمين ال 1000 دولار طيب !!!

لذلك تاكد انه سعر السياره صحيح وتاكد انه في امريكا التجار كثيرا يخفضون من قية السياره لانهم عارفين انه اكثر السيارات تصدير هي السعوديه خصوصا الفوردات فاول مايشوفونك متصل عليهم يطرحون لك من سعر السياره

تاكد انه المزادات قبل ماتدخل يفحصون السياره ( مكينه قير دفرنس فقط ) اذا اجتازت تعتبر ناجحه وتباع وانت الشراي وتجي بعدين تلقاها مرشوشه !!!


هالمعلومه قالها الموظف لخوييه مع العلم انه الموظف ماكلمني عنها !!! لذلك هناك اسرار وخافايا وراهم ماندري عنها وفيه امور ماتطلع لك الا بعد ماتدفع فلوسك قد يخفونها عليك


المهم انا سحبت فلوسي بعد ماحاولو يماطلون فيني وشبيت عليهم لحد مارجعوا بعد ماحوال انهم ياخروني او يعرضون لي سيارات ثانيه غير اللي انباعت او كانت غاليه !!!


لاحظ وقت تسليم الفلوس تجيك الوجيه مبتسم والاخلاق


بعد ماتجي تسترجع يجونك انواع المماطله وهذا اللي صار منهم بس يوم شافوني طرت فيهم جهزو الشيك بدري مع انه قالي الموظف مابيجي العصر بس اتصول علي الصباح وخلصوا الشيك قبل الظهر ؟

طيب الحين يعني جى الموظف اللي يصرف الصباح ولا ايش السالفه ؟


احدى السيارات المستورده ماشيه 40 الف ميل لقيت القزوز حقها مصدي ومتاكل


على العموم انا اللي عندي قلته وتحت ذمتي اما الله ونصحتكم وانتم بكيفكم والان راح ارجع ابحث عن سياره مستورده فكل مكان لحد ماالقى النظيف


ولكن لقيت موضوع في احد المنتديات والكلام اللي ذكر فيه يبقى على ذمته هو وانا بعرضه لكم ولا اعلم عن حقيقته لكن بعد اللي صارلي وبعد الشكوك والملاحظات اللي شفتها صرت مااثق فيهم والله اعلم

تابعوا هالرابط

http://www.qassimy.com/vb/showthread.php?t=441697


اخي العزيز ::


بحكم التاجر يوقعك على عقد عشان يضمن حقوقه فانت بعد من حقك تخليه يحط شروط تضمن لك حقك من والى












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شاقح وين عقلك تبيع فورد ؟؟؟ 

عندي ٢٠١١ دافع دم قلبي فيه واخذته يوم قالوا وقفوا الفوردات 
وبغيت ماركيز لكن لقيت الفرع اللي بجدة قفل وخلاه الحاج مازدا بعد ماكان ميركوري 

ولكن انحديت للفكتوريا وقلت بلحق عليه قبل لايوقفونه وشفه واقف عندي بالحوش اشغله كل ١٠ ايام 
واناظر فيه 
يازينه الله يحفظه لي 

نصيحه من عنده فورد لايبيعه ابد ابد ابد 

ونصيحه ياشاقح لاتدور بشكل مستمر تتعب 
مثل اللي يشم ٢٠ عطر بوقت واحد ومايدري وش يختار 
خل لك فتره معينه تبحث فيها ثم رييح شوي 
بالتوفيق 


up 0 down 0
أبو عبد الله 2 341
قبل 8 سنه و 3 شهر



كلام مثل الذهب 

الله يوفقك في الدنيا والآخرة 

احتسب الاجر من الله 

اعتقد ارشادك للناس من اعظم الصدقات


up 1 down 0
s1s1s1 -55
قبل 8 سنه و 3 شهر